Filipis 4:10-13
Nqe cim:
“…txawm yog kuv yuav nyob li cas los kuv yeej nyob tau” (Filipis 4:11b).
Lus nug rau sawvdaws xav:
Xibfwb Paulus tab tom raug kaw hauv tsev lojcuj tim nroogLoos vim yog qhia Txoj Moo Zoo. Pawg ntseeg hauv nroogFilipis txib neeg xa khoom mus pub rau Paulus, nws thiaj sau tsab ntawv ua pawg ntseeg tsaug thiab txhawb cov ntseeg komcia li zoo siab hauv tus Tswv. Dhau ntawd, Paulus kuj qhia txognws lub neej paub txaus siab rau sawvdaws.
Timthawj Paulus hais tias, nws twb xyaum ua neej tiv nyob tausthiab txaus siab rau txhua lub sijhawm dhau los lawm (nqe 11-12). Txaus siab yog ua neej zoo siab hlo rau tej uas tus Tswvpub rau yus muaj. Qhov ntawd yog mojyam ntawm tus neeg uasmuaj siab tus txawm lub neej yuav txomnyem tau zoo los nwstsis ua cas. Kev ua neej txaus siab hauv tus Tswv tsis yogxwbtim muaj tshwm hauv lub neej, tiamsis yuav tau kawmxyaum thiaj muaj taus. Tej zaum peb tsis txaus siab hauv lubneej vim zeem tsis tau yam twg thiaj yog yam cheemtsum tiagntawm lub neej txhua hnub, yam twg yog kev ntshaw raws li qhovmuag pom lub siab xav, lossis yam twg yog xav ua kommuaj xws li lwm tus. Timthawj Paulus qhia Xibfwb Timauteshais tias, tus ntseeg uas txaus siab thiaj yog tus npluanuj tiagthiab ceebtoom hais tias, cov ntshaw nyiaj txiag yuav yoojyimua rau tso kev ntseeg tseg (I-Timautes 6:6-10).
Timthawj Paulus thiab Xilas nkawd raug tsimtxom iab hiam, raug ntes kaw hauv tsev lojcuj hauv lub nroog Filipis no, tiamsisob tug tsis nroo tsis yws; nkawd rau siab thov Vajtswv thiab uaVajtswv tsaug! (Tes Haujlwm 16:16-25). Qhov uas nkawd tivtaus txhua yam, ua lub neej txaus siab rau tej nkawd raug yognkawd txuas tau nrog tus Tswv thiab vam khom tus Tswv lubzog ib yam li cov ceg txiv hmab uas txuas tau nrog lub hauvpaushmab (nqe 13; Yauhas 15:4-5). Muaj ib txhia yog cov xav tivkev txomnyem, lawv ua neej nyob nrug deb sawvdaws, muablawv lub cev mus tsimtxom raws li lawv siab xav; TimthawjPaulus hais txog cov ntawd hais tias: “Tej kevcai uas qhia neegkom pe cov timtswv ceebtsheej, kom ua li cov neeg tsis muabhlob, thiab kom neeg tsimtxom neeg lub cev, sawvdaws saib yam li tej ntawd yog tej uas tseemceeb. Tiamsis tej ntawd yeej pabtsis tau kom neeg tswj tau neeg lub siab uas nyiam kev phem”(Kaulauxais 2:23).
Vajluskub kuj qhia kom Vajtswv cov me nyuam yuav tsumnquas ua noj ua haus. Yog thaum tau tus Tswv pub npluanujlawm “tsis txhob cia siab rau lawv tej nyiaj txiag thiab qhovtxhia chaw, rau qhov tej ntawd yuav ploj mus, tiamsis kom lawvcia siab rau Vajtswv tus uas muaj siab dawb siab zoo thiab pub txhua yam rau peb kom peb muaj kev zoo siab…” (I-Timautes6:17-18). Thaum tej ncua sijhawm tsis muaj txaus txhua yam ces yuav tau ua ib yam li Timthawj Paulus tau ua: “Kuv twbpaub lawm hais tias, thaum tsis muaj noj tsis muaj hnav zoo li cas thiab thaum muaj ntau lawm ho zoo li cas. Kuv yeej paub tejuas tsis yoojyim totaub no, tsis hais kuv nyob qhov twg thiab lubsijhawm twg, yuav tshaib yuav tsau, yuavmuaj ntau muaj tsawglos kuv yeej tsis txhawj” (nqe 12).
Xaus lus hais tias, Vajtswv tej menyuam yuav tsum ua lub neejyoojyim nyob, txaus siab rau tej uas tus Tswv pub “muaj mov noj hnub no” (Mathais 6:11). Thaum tsis muaj txaus, kuj paubtso siab rau tus Tswv kev muab pub thiab thaum muaj txausnkaus lawm kuj paub nco Vajtswv tshav ntuj thiab muab faib rau tej neeg uas tsis muaj txaus.
Thov Vajtswv,
Tus Tswv, thov qhia kom nyuam yaus paub ua neej txaus siabrau txhua lub sijhawm ib yam li Timthawj Paulus tau muaj loslawm, tsis cia lub ntiajteb ib yam dab tsi tuaj cuam tshuamnyuam yaus lub neej, kom nyuam yaus teev tiam Koj mus li. Amees.
Peb puas ua neej txaus siab rau txhua lub sijhawm lawm tau?
Nyeem Vajluskub haub peb xyoo: Pajlug 5:1-6:19
Kênh Youtube BHKTHN:
