Klei Aê Diê Blŭ: Philip 4:10-13
Êlan kliăng: “…kyuadah kâo hriăm leh tŭ hŏng klei mơak măng ai ya klei truh kơ kâo.” (Philip 4:11b).
Klei êmuh ksiêm mĭn: Khua ƀĭng kna Y‑Pôl čih hră kơ Phung Sang Aê Diê ƀuôn Philip êjai ya klei truh ñu dôk găn? Si klei ñu blŭ čhưnkah mbha hŏng phung anak ƀuôn sang Aê Diê? Ya jing êlan kliăngkơ ñu dưi ngă jih jang klei? Ya klei drei hriăm mơ̆ng khua ƀĭng knaY‑Pôl kơ klei mơak?
Khua ƀĭng kna Y‑Pôl dôk hlăm war mnă kyua klei hiu hưn KleiMrâo Mrang Jăk. Phung Sang Aê Diê Philip mơĭt mnuih ba mnơ̆ngbrei kơ ñu snăn ñu čih hră anei čiăng lač jăk leh anăn bi mđĭ ai Phung Sang Aê Diê brei dôk mơak nanao hlăm Khua Yang. Mđrăm mbĭthŏng klei anăn ñu ăt kah mbha blŭ čhưn si klei hdĭp mơak ñu mâo.
Khua ƀĭng kna Y‑Pôl brei thâo ñu hriăm leh tŭ hŏng klei mơakmăng ai ya klei truh kơ ñu (êlan 11‑12). Mơak jing hơ̆k hrăp ai tiêhŏng ya mta klei Khua Yang brei. Sa klei jing, mâo hlăm lam ai tiêamâo hlue tui si klei truh ti êngao ôh, leh anăn klei mơak hlăm Khua Yang amâo djŏ čŏng mâo hjăn ôh, ƀiădah mơ̆ng klei hriăm mjuăt. Lu blư̆ drei amâo mơak ôh hlăm klei hdĭp kyua amâo thâo kral klă yajing mnơ̆ng čiăng sĭt pioh yua grăp hruê, hŏng ya jing klei tluh kyuaƀuh ti anăp ală leh anăn knga hmư̆ nanao mơ̆ng klei hâo hưn jêñ jêñ, amâodah duah bi mâo mnơ̆ng anei dŏ adih čiăng bi hmao mdrănghŏng arăng. Khua ƀĭng kna Y‑Pôl bi hriăm khua pô mtô hlăk ai Y‑Timôthê snei, klei huĭ mpŭ kơ Aê Diê mbĭt hŏng ai tiê mơak mâolu klei tŭ dưn, leh anăn hưn êlâo brei răng klei tluh khăp kơ prăk bi truh klei klah đuĕ mơ̆ng klei đăo (I Y‑Timôthê 6:6‑10).
Ti ƀuôn Philip anei yơh arăng mčeh luar, čăm hŏng giê, hnuhjơ̆ng krư̆ hlăm war mmăt khua ƀĭng kna Y‑Pôl leh anăn Y‑Silas, diñuamâo ur krao ôh ƀiădah wah lač kraih leh anăn mmuñ bi mni kơ AêDiê ! (Bruă Phung Khua Ƀĭng Kna 16:16‑25). Phŭn knhal klei diñudua mâo klei hdĭp mơak kyua mâo klei bi mguôp hŏng Khua Yang, kyua hŏng klei ktang Khua Yang msĕ si adhan boh kriăk ƀâo bi đuômhŏng phŭn ñu (êlan 13; Y‑Yôhan 15:4‑5). Đa đa mâo phung tui hluêklei bhiăn kpĭ bi knap asei mlei pô, hdĭp đuĕ kbưi hŏng êpul êya, yuaklei ktang diñu pô bi mkhư̆ ktư̆ klei asei mlei kđeh tluh čiăng. Khua ƀĭng kna Y‑Pôl hngah kơ knhuah hdĭp msĕ snăn ñu lač: “Sĭt nikarăng dlăng kơ klei anăn ti êngao msĕ si klei thâo mĭn mtrŭt kơ kleikkuh mpŭ tui si klei mĭn pô, klei ngă luă gŭ, leh anăn klei bi knap kơasei mlei, ƀiădah klei anăn amâo yuôm ôh čiăng kơ̆ng klei kđeh tluh”(Kôlôs 2:23).
Klei Aê Diê Blŭ bi hriăm phung anak Aê Diê brei hdĭp mơak hurhar. Tơdah Aê Diê brei jing mdrŏng “đăm brei diñu jing mgao ôhamâodah čang hmăng kơ klei mdrŏng amâo sĭt ôh, ƀiădah čanghmăng kơ Aê Diê, pô brei kơ drei êbeh dlai djăp mta mnơ̆ng dưi bi mơak kơ drei. Mtă kơ diñu ngă jăk, jing mdrŏng hlăm bruă jăk, jingkmah leh anăn thâo bi mbha kơ arăng… ” (I Y‑Timôthê 6:17-18). Tơdah hlăk hdĭp hlăm klei kƀah brei msĕ si khua ƀĭng kna Y‑Pôl: “Kâo thâo tŭ klei kƀah, leh anăn kâo thâo tŭ klei êbeh dlai. Hlăm jihjang klei truh, kâo hriăm leh tŭ klei trei leh anăn klei êpa, klei êbehdlai leh anăn klei kƀah” (êlan 12).
Klah čŭn, phung anak Aê Diê brei hriăm hdĭp êkoh, mơak tơdahAê Diê brei “mnơ̆ng ƀơ̆ng huă djăp kơ grăp hruê” (Y‑Mathiơ 6:11). Găn klei kƀah ăt đăo kơ Khua Yang thiăm brei klei ktang leh anăndlăng ba. Mâo klei êbeh dlai ăt mơak hŏng klei thâo hdơr knga kơKhua Yang mbĭt hŏng klei thâo kah mbha kơ phung knap mñai
Si ngă drei hdĭp mơak wăt tơdah găn djăp mta klei truh mơ̆?
Wah lač: Ơ Khua Yang akâo kơ Ih bi hriăm kâo thâo hdĭp mơak tŭjih jang klei truh msĕ si khua ƀĭng kna Y‑Pôl bi hmô leh, čiăng kơđăm lăn ala bi hmăi kơ klei hdĭp kâo ôh, ƀiădah brei kâo ăt jih ai tiêmă bruă kơ Khua Yang nanao.
Dlăng Klei Aê Diê Blŭ hlăm tlâo thŭn: Klei Bi Hriêng 5:1‑23; 6:1‑19
Klei hriăm mblang mơ̆ng klei hriăm Klei Aê Diê Blŭ grăp hruê mơ̆ngKnơ̆ng bruă mtô mjuăt klei đăo Sang Aê Diê kluôm
Tơdah mâo klei blŭ mguôp, akâo kơ diih mơĭt hră hlăm gmail: radioelansitnik@gmail.com
Kênh Youtube BHKTHN:
