Tơdrong Pơđơ̆k 27:12-13
“Bơngai gơh hơgei đei tơdrong gleh băt weh ôn. Bơngai kơtul kơwao kư̆ năm tơ anăp, răp pŭ răm.” (Tơdrong Pơđơ̆k 27:12)
Nơ̆r jet tơchĕng pơwao:
– Tơdrong pơ’lơ̆ng đei yua tơdrong kiơ?
– Ưh kơ pơ’lơ̆ng gô răp pŭ iŏk tơdrong kiơ?
– Lu bơ̆n kăl kơ pơ’lơ̆ng thoi yơ?
Tơdrong pơđơ̆k 27:12-13 roi pơdah rơđah tơdrong tơplơ̆ lăm bơngai hơgei păng bơngai kơtul kơwao, wă pơma gĭt kăl lăm tơdrong tơng lăng păng gơh lăng băt tôm hăm tơdrong tơ’bơ̆p lăm tơdrong arih.
Bơngai hơgei lăng ‘bôh tơdrong gleh băt weh ôn, lu sư kư̆m gơh băt kơnăl lăm tơdrong hli krê hơmơt hlơp păng pơm kiơ̆ kơnao kăl hloh wă kơ gơh hiôk hơđơ̆ng. Wă kơ gơh đei thoi noh, kăl kơ đei gơh hơgei jing hloh kơ tơdrong ngăl juăt kơ hlôh băt, tơdrong âu gơh đei noh lĕch đơ̆ng Kră Yang ăn jơ̆ tu tơm kơ tơdrong hơgei. Arih lăm teh đak ling lang ưh kơ hơđơ̆ng tôm tơdrong, bơngai lui yom gơh hơgei đei iŏk tơdrong hơdah wă kơ gơh băt kơnăl tơdrong hli krê hơmơt păng gơh drơ̆ng hơgei wă kơ gơh bơwei kơdih akâu. Bơngai ưh kơ pơ’lơ̆ng gô pŭ iŏk ưh kơ gơh tơng. Lu sư lăng pơhơi ưh kơ băt tơdrong hli krê hơmơt tăp dăr. Lăm tơdrong jang ưh kơ tơchĕng tôm dah mă đơ̆ng pơrơ̆ng đơ̆ng lu sư, na jing pŭ iŏk ưh kơ weh wer. Lu bơ̆n lăng đêl juăt lĕch đơ̆ng tơdrong kơdih ưh kơ drơ̆ng pơkă hăt hot pơm jing đon tơchĕng đơ̆ng nơ̆r bơngai pơma păng lu tơdrong pŭ iŏk gah bơhngol đơ̆ng tơdrong bơtho gơh hơgei lăm teh đak.
Tơdrong Pơđơ̆k 27:13 pơtrơp lăm tơdrong gĭl kăl gah pơ’lơ̆ng păng pơkă gơh hơgei. Nơ̆r bơtho gah tơdrong kăl hloh “Rôp pơkơ̆ng hơbĕn ao đơ̆ng sư pơkă wă pơkăm kơ bơngai tơmoi” păng “Sư athei đei tơmam pơdơ̆ng đơ̆ng nơ̆r sư pơkă wă pơkăm kơ drŏ-kăn đi” minh nơ̆r tang wao krao gah tơdrong gơh hơgei păng mă hơlen lăm tơdrong jên tơmam, ‘bôh băt lăm tơdrong ưh kơ ‘lơ̆ng hlơp đơ̆ng tơchĕng hăt hot păng ưh kơ pơ’lơ̆ng.
Mă khan bơwei jên tơmam gơh hơgei, pơ’lơ̆ng lăm tơdrong tơ’bưh hăm tơdrong teh đak âu, dah mă pŭ iŏk bơwei tôm tơdrong păng jơ ‘năr mă Kră Yang pơjao kơ lu bơ̆n, hăm tơdrong wei rong mong gơh tơng lăng păng gơh lăng đơ̆ng bơngai hơgei, lu bơ̆n kư̆m gơh bơwei akâu kơdih păng lăm hnam dơnŏ đơ̆ng tơdrong truh mă ưh kơ trŏ kơ đei, kư̆m đei hơđơ̆ng lu bơ̆n bơih bơngai mă bơwei tơnăp tu tơm păng dôm tơdrong mă Kră Yang pơjao, apĭnh Kră Yang ăn kơ lu bơ̆n pơgling đon mơ̆ng kơtơ̆ng nơ̆r krao gah tơdrong pơ’lơ̆ng, ‘bôh băt adrol krê hơmơt tăp dăr păng pơm kiơ̆ lu kơnao mă kăl hloh wă kơ gơh hơđơ̆ng gah tơdrong hơgei lăm nơ̆r Kră Yang. Hơpơi lăm chăl arih lu bơ̆n jing pơsĭt gah mơsêh tơplih đơ̆ng tơdrong gơh hơgei lăm Nơ̆r Kră Yang. Dui hiot bơngai nai truh hăm tơdrong hơmĕng kơjăp lăm ‘Bok Krist.
Kơkuh kơ Ih ơ Kră Yang. Apinh tơgŭm inh băt pơ’lơ̆ng păng gơh hơgei lăm tơdrong arih wă kơ bơwei kơdih akâu, weh wer đơ̆ng tơdrong truh, păng arih pơchrang hơdah Anăn Kră Yang, krao khan yua anăn Kră Yang Yêsu Krist, Amen.
Lu bơ̆n kăl kơ pơm kiơ̆ tơdrong kiơ wă kơ kang rai pơ’lơ̆ng lăm tơdrong arih?
Đŏk sơ̆p hla bơar nơ̆r ‘Bok Kei-Dei lăm pêng sơnăm: Hơriso 112-113
Kênh Youtube BHKTHN:
