I Kôrintô 7:17-24
“Rim ‘nu kơ bơ̆n athei pơm kiơ̆ gô mơ̆ng kơ ‘Bok Kei-Dei asong. Sơ̆ ‘Bok Kei-Dei krao bơ̆n lui kơ Sư kơplah bơ̆n oei pơm đĭch đe dah bơngai rơngei dah bơngai thoi yơ, bơ̆n athei kiơ̆ tơdrong ‘noh đĕch. Inh bơtho tơ rim hnam akŭm thoi noh ngăl.” (I Kôrintô 7:17)
Nơ̆r jet tơchĕng pơwao:
– Tơdrong juăt arih pơm kiơ̆ Kră Yang ăn păng tơdrong Sư krao bơ̆n lui kơ Sư ‘Bok Pôl pơtih gia tơdrong kiơ?
– Tơdrong Sư bơtho kơnhăm wă bơwei lu bơngai pơm đĭch thoi yơ?
– Lu bơ̆n yua iŏk ‘bai pơhrăm ‘nâu thoi yơ?
‘Bok Pôl đei chih roi đei minh tơdrong pơtôm jơ̆ bơngai lui kăl kơ tơnăp hăm Kră Yang lăm chăl arih ahrei âu tơplih kơ soh chhông tơdrong rơhing tơplih gah bơhngol, Sư khan “Rim ‘nu kơ bơ̆n athei pơm kiơ̆ gô mơ̆ng kơ ‘Bok Kei-Dei asong.” (trong 17). Sư tơ lĕch ‘bar tơdrong hơđăl thoi âu:
Mă minh, kăt tơdra akar dah ưh kơ gĭt hăm tơdrong jang wei răk khôi juăt Kră Yang, bơngai đei kăt tơdra akar bơih adrol kơ lui kơ Kră Yang lei na “bơngai noh athei lê̆ thoi noh đĕch” na lu bơngai mă kăt tơdra akar
“Bơngai noh ‘nĕ pă pơtơ̆p kăt rok đe mơ̆n” (trong 18-19). Mă ‘bar jô̆ tơdrong jang lăm teh đak âu, lăm sơnăm mă minh sơ̆, kon bơngai lăm teh đak âu đei klaih asong ‘bar khul bơngai, păng khul bơngai đei tơguăt păng gơh pơm tơdrong rơđah thoi âu, ‘Bok Pôl bơtho thoi âu: “ Rim ‘nu kơ bơ̆n athei kiơ̆ thoi kơplah ‘Bok Kei-Dei krao bơ̆n sơ̆ đĕch.” (trong 20). Tơdrong ‘nâu rŏ lăng ‘bônh dêh kơ pơm kiơ̆ hăm bơngai yŏng mơdrŏng đei ‘bôh păng lu bơngai rơngei. Mă khan lei ră, lu bơngai pơm đĭch đe lăng lu sư lŭch hloh, lơ tŏ sĕt lu sư apơi kơplah lui sơng iŏk Kră Yang, sư gô đei tơplih chăl arih gah tơdrong jang lăm teh đak. ‘Bok Pôl wă pơma kơ lu sư khan Kră Yang ‘Bok Kei-Đei kơnhăm khan lê̆ phara phara păng kơdih kơdih rim bơngai.
‘Bok Pôl ưh kơ đei pơchŭt pơm kơnê̆ kơ lu bơngai pơm, kơ jơhngơ̆m bơngai wă krao apĭnh kơplah sư oei bơtho pơlung lu bơngai pơm đĭch “‘nĕ kơ tơtăm dĕch” Păng kư̆ kơ oei pơm đĭch đĕch, yua kơ sư đei pơma
“Dah kơplah ‘Bok Kei-Dei krao iĕm lui sơ̆ iĕm bơngai đĭch đe, iĕm ‘nĕ hăt ‘nhĕng kơ đe wă chă tơdrong akâu kơdih rơngei hŏ. Mă-lei dah yŏng iĕm mơnat ăn kơ iĕm rơngei ‘noh ‘lơ̆ng hloh.” (trong 21). ‘nguaih kơ noh, chăl arih lăm teh đak âu lu bơngai pơm đĭch kơdâu klĕnh tơ’bơ̆p lơ tơdrong pơmat-tat, phŏ ding truh tơ đe wă pơlôch akâu jăn, kơplah băt tơdrong thoi noh păng lăm tơdrong arih lăm teh đak âu tam mă adrin gah tơdrong tơplih lei na tơdrong sư bơtho noh kơnhăm wă bơwei lu bơngai pơm đĭch. Dah đei jơ ‘năr truh, athei chĕp iŏk jơ ‘năr, mă-lei ‘nĕ kơ ăn akâu jăn bơ̆n yua kơ pơhơi ‘maih tơplih akâu jăn păng tơdrong jang lăm teh đak âu.
Lơ wơ̆t bơ̆n ưh kơ lăp đon păng bôl buăl hăm chăl arih ‘nâu, adrĕch adrŭng dah tơdrong jang lăm teh đak âu na ưh kơ wă bơ̆jang kơ Kră Yang. ‘bai pơhrăn âu tơ’blŏk kơ lu bơ̆n jing minh ‘nu bơngai jang, dah jang chŭn mir dah bơngai pơgơ̆r, mă đei ‘băng kơjung dah kơ đeh, mă mơdrŏng dah dơnuh… Kră Yang lăng lu bơ̆n gĭt lei lăi đĕch. Lui kơ Kră Yang ưh kơ trŏ khan bơ̆n đei tơplih, tơdrong jang sa lăm teh đak âu ôh, tơplih kơ tơdrong jang ‘mơ̆i na đei jô̆ gĭt, lu bơ̆n kăl kơ băt bơ̆n âu bơih jing kon ‘Bok Kei-Dei gĭt tih dêh wă kơ arih chơt hiôk lăm tơdrong tơ’bưh hăm Kră Yang păng pơm kiơ̆ nơ̆r Kră Yang tơtă.
Ơ Kră Yang inh bơnê kơ Ih yua kơ Ih đei rơih iŏk, dŏng inh păng ăn kơ inh bơ̆jang kơ Ih, Apĭnh Ih tơgŭm inh chă tơdrong chơt hiôk lăm tơdrong jang wă kơ Ih lăp đon tơplih kơ tôm tơdrong kiơ mă Kră Yang ăn kơ inh, krao khan yua Anăn Kră Yang Yêsu Krist, Amen.
Lu bơ̆n đei jơhngơ̆m bơ̆jang kơ Kră Yang tơ anih Kră Yang dan ăn kơ bơ̆n thoi yơ?
Đŏk sơ̆p hla bơar nơ̆r ‘Bok Kei-Dei lăm pêng sơnăm: II Kôrintô 4
Kênh Youtube BHKTHN:
