Klei Aê Diê Blŭ: Klei Bi Hriêng 27:19-20
Êlan kliăng: “Msĕ si dlăng ƀô̆ mta hlăm êa, snăn mơh ai tiê mnuih bi êdah si knuih ñu jing. Ƀuôn Phung Djiê leh anăn Ƀăng Êlam amâo tuôm thâo trei ôh, msĕ snăn mơh ală mnuih kăn tuôm thâo hrăp rei.” (Klei Bi Hriêng 27:19-20)
Klei êmuh ksiêm mĭn: Ya jing klei bi msĕ klei hdĭp anak mnuih mâo bi msĕ si sa boh ală kĭng? Klei tluh čiăng anak mnuih msĕ hŏng ya klei? Ya klei brei drei bi mlih čiăng hdĭp jăk mơak?
Klei Bi Hriêng 27:19-20 hưn mdah sa klei čih êlam snăk kơ boh klei anak mnuih: jing ală kĭng dlăng kơ drei ƀuh hlei pô jing, jing klei hưn brei răng kơ ƀăng êlam klei tluh čiăng. Tơdah bi mguôp, drei ƀuh ală kĭng klei hdĭp pô khăng mtrang ƀăng êlam kơ sa ai tiê êpa hmao. Sa klei hdĭp amâo êđăp ênang, bŏ hŏng klei bi mmiă leh anăn keh nač jing klei bi knăl brei ƀuh drei dôk tŭ klei kiă kriê mơ̆ng ală dlăng amâo thâo hrăp.
Hlăm êlan 19, Mtao Salômôn bi msĕ klei hdĭp drei msĕ si sa boh ală kĭng: bruă ngă, klei blŭ leh anăn klei drei mđing lač hŏng klei klă sĭt ya klei mâo hlăm ai tiê. Tơdah čiăng thâo si ai tiê pô, brei dlăng hŏng klei kpă ênô kơ klei sĭt hlăm ai tiê. Tơdah čiăng thâo si ai tiê pô, brei dlăng hlăm klei drei yua hruê mmông leh anăn prăk mah. Ală kĭng anei amâo mâo blŭ luar ôh.
Hlăm êlan 20, pô čih hưn mdah sa klei năng rŭng răng: ai tiê anak mnuih msĕ si “Ƀuôn Phung Djiê leh anăn Ƀăng Êlam”, lač kơ sa ai tiê ră amâo mâo tur. Hlăm dhar kreh Yuđa, Ƀuôn Phung Djiê (Sheol) leh anăn ƀăng êlam (Abaddon) jing klei lač kơ klei bi rai leh anăn anôk klei djiê amâo mâo anôk mjưh, sa anôk mă nanao ƀiădah amâo thâo bŏ ôh. “Ală phung mnuih” bi knăl kơ dŭm klei kđeh tluh drei. Klei tluh amâo thâo hrăp ƀiădah êpa mhao lu hĭn dơ̆ng: lu ngăn drăp hĭn, lu klei bi mni hĭn, lu klei hing ang hĭn. Anei jing ƀăng êlam kơ klei amâo thâo hrăp, ƀuăn rơ̆ng jăk mơak ƀiădah knŏng ba klei huâng.
Čiăng hdĭp jăk mơak, brei drei “lui êpa” ƀăng êlam anei. Brei drei hlue ngă ai tiê hdơr knga. Ai tiê hdơr knga jing sa êa drao tŭ dưn kơ klei amâo thâo hrăp. Grăp hruê, brei pioh dŭm mnĭt čiăng yăl dliê tlâo klei bi mni kơ Aê Diê. Bruă ngă anei bi hriăm kơ ală dlăng hlăm ya klei pô mâo, hrô kơ ya klei pô kƀah. Êngao anăn, brei hlue ngă ai tiê kmah: ai tiê tluh čiăng “mă tŭ”, bi ai tiê kmah snăn “brei”. Brei duah sa klei găl hlăm hruê kăm čiăng brei hruê mmông amâodah prăk mah pô amâo mâo čang hmăng lŏ tla. Bruă ngă anei bi kruh klei dưi mơ̆ng klei čuôt klih. Knhal tuč, hdră msir amâo djŏ jing bi jih klei tluh čiăng ôh, ƀiădah lŏ tă êlan kơ ñu. Klei Aê Diê Blŭ lač: “Kyuadah ti anôk mâo ngăn drăp yuôm ih, tinăn mơh ai tiê ih srăng dôk” (Y-Mathiơ 6:21).
Ai tiê drei dưi hrih mjing kơ klei lă lar. Kyua anăn, brei atăt ală drei kbiă mơ̆ng ƀăng êlam lăn ala čiăng dưm hlăm Pô sa anăn klă sĭt dưi bi hrăp: jing Khua Yang Yêsu Krist.
Drei dlăng nanao kơ Khua Yang mơ̆ amâodah adôk lĕ êlam hlăm ƀăng êlam lăn ala?
Wah lač: Ơ Khua Yang, akâo kơ Ih pap brei kơ kâo dưm leh ai tiê kâo tui tiŏ klei tluh čiăng êgao hnơ̆ng mơ̆ng lăn ala. Akâo kơ Ih đru kâo hlue ngă ai tiê hdơr knga leh anăn kmah, leh anăn mđing klei čang hmăng kâo kơ Ih, Pô sa anăn dưi đru kâo jăk mơak. Ƀuăn jih klei hdĭp kâo mtrang ai tiê kluôm ênŭm hlăm Ih. Kâo wah lač hlăm Anăn Khua Yang Yêsu Krist, Amen.
Dlăng Klei Aê Diê Blŭ hlăm tlâo thŭn: A-ghê 2
Klei hriăm mblang mơ̆ng klei hriăm Klei Aê Diê Blŭ grăp hruê mơ̆ng Knơ̆ng bruă mtô mjuăt klei đăo Sang Aê Diê kluôm.
Tơdah mâo klei blŭ mguôp, akâo kơ diih mơĭt hră hlăm gmail: elankleisitnik@gmail.com
Kênh Youtube BHKTHN:
