Yelemis 40:13-16
Nqe cim:
“Leejtwg thiaj paub tau neeg lub siab? Tsis muaj ib yam dabtsi uas txawj dag ntxias li neeg lub siab; lub siab ntawd mob loj thiab kho tsis zoo li.” (Yelemis 17:9).
Lus nug rau sawvdaws xav:
- Nkedaliyas hnov xov dabtsi ntawm Yauhanas thiab cov thawj tubrog?
- Nkedaliyas hais li cas txog tsab xov ntawd?
- Thaum kawg zoo li cas?
- Peb cheemtsum ua dabtsi kom pab tau cov neeg uas ntseeg yuam kev?
Yisamayees tau Vajntxwv Npa-alis kav tebchaws Amoos txib tuaj tua Nkedaliyas. Paub tau Nethaniyas tus tub Yisamayees lub tswvyim phem yuav tuaj muab Nkedaliyas tua, lub homphiaj “ua rau cov Yudas uas los nrog koj nyob tawg mus nyob ua sab ua sua thiab yuav ua rau cov neeg uas seem nyob hauv tebchaws Yudas raug kev puastsuaj.” (nqe 15), yog li “Yauhanas thiab cov thawj tubrog uas tsis kam mus” ua ke tuaj qhia lub tswvyim phem no rau Nkedaliyas. Thaum cov thawj tubrog tham Yisamayees lub tswvyim phem, thiab thov nws tso cai lawv mus tua Yisamayees kom nws tuaj tua tsis tau Nkedaliyas. Tiamsis Nkedaliyas tsis ntseeg cov lus lawv hais, yog li nws tsis pub lawv mus tua Yisamayees, nws hais tias tej lus uas Yauhanas thiab cov neeg uas tuaj hais txog Yisamayees tsis muaj tseeb (nqe 16).
Qhov uas Nkedaliyas paub txog Yisamayees tej zaum tsuas yog sab nraud xwb, yog li nws thiaj ntaus nqi yuam kev thiab ntseeg siab yuam kev rau ib tug neeg. Yog Nkedaliyas siv sijhawm los nug tus Tswv, tsis maj ua raws li nws txojkev txawj ntse thiab paub ces Nkedaliyas thiab nws cov neeg yuav tsis raug kev puastsuaj. Rau qhov Vajtswv Txojlus qhia paub tej lus dag, phem ntawm tibneeg twb zais ntshis hauv siab lawm thiab tsuas yog tus Tswv thiaj paub xwb (I Xamuyees 16:7). Vim Nkedaliyas ntseeg siab yuam kev, thiaj ua rau nws thiab nws cov neeg ntau leej tuag.
Hais rau ib seem twg, qee zaus peb kuj zoo ib yam Nkedaliyas ntseeg siab yuam kev, ntau leej nimno kuj zoo ib yam. Vim ntseeg siab yuam kev rau tej tus tswv tsis paub hais lus lossis cov neeg tuag, thaum kawg lawv thiaj raug kev txomnyem kawg nkaus. Qhov ntawd tsis yog tuag sab nqaij tawv xwb tiamsis tseem tshuav sab ntsujplig, tuag mus ibtxhis tsis tau nrog Vajtswv nyob.
Peb yog cov neeg uas twb tau txais Vajtswv txojkev txawj ntse, ntseeg Tswv Yexus Khetos thiab tau txais txojsia ntev dhawv mus ibtxhis. Hauv txojkev zoo siab ntawd, peb kuj muaj feem xyuam qhia Txojmoo Zoo kom ntau leej paub thiab ntseeg Vajtswv tus uas pub tau txojsia rau neeg, kom tibneeg dim txojkev tuag hauv ntuj tawg.
Thov Vajtswv,
Nyuam yaus tus Vajtswv, Koj yog lub hauvpaus txawj ntse! Koj pub nyuam yaus paub los ntseeg Tswv Yexus thiab tau txojsia. Tseem muaj ntau leej ntseeg yuam kev, thov Koj pab kom nyuam yaus rau siab ntso qhia Koj txojkev cawm dim rau lwm tus kom lawv thiaj dim. Amees.
Peb puas pom yus qhov feem xyuam pab cov neeg uas ntseeg yuam kev kom lawv tig rov los cuag tus Tswv?
Nyeem Vajluskub hauv peb lub xyoo: Yau-ees 2:1-17
Kênh Youtube BHKTHN:
