Thứ Ba 17/11/2026
Trang chủ BÀI HỌC KINH THÁNH HÀNG NGÀY HMÔNG Teebmeem Thiab Cia Siab – 18/11/2026

Teebmeem Thiab Cia Siab – 18/11/2026

3

 

 

Chivkeeb 15:1-6

Nqe cim:

“Anplas thiaj cia siab ntsoov rau tus Tswv tej lus, vim nws muaj kev cia siab, tus Tswv thiaj txaus siab heev rau nws thiab suav hais tias nws yog ib tug neeg ncaj ncees” (Chivkeeb 15:6)

Lus nug xav:

–       Qhov teebmeem uas Anplas ntsib yog dabtsi, thiab tus Tswv tau ua li cas rau nws?

–       Anplas qhov kev ua qhia paub nws txojkev ntseeg muaj qab hau li cas hauv kev sib raug zoo nrog tus Tswv?

–       Peb qhia tshwm txojkev cia siab rau tus Tswv thaum muaj teebmeem zoo li cas?

Hauv kev ua yogtoog pom, tus Tswv los cuag Anplas thiab hais tias, “Anplas, koj tsis txhob ntshai” (nqe 1). Anplas qhia tawm lub siab ntshai li no, “kuv yeej ibtxwm tsis muaj tub,…tus uas yuav tuav kuv tej qubtxeeg qubteg, ces yog Eli-exes uas yog neeg Damaxes nkaus xwb” (nqe 2). Raws li kev coj ua lub sijhawm thaum ntawd, tus tswv uas tsis muaj menyuam tuav qubtxeeg qubteg, ces nws yuav ib tug tubqhe los tu ua nws menyuam thiab muab tej qubtxeeg qubteg rau tus tub ntawd tuav. Tom qab uas mus raws li tus Tswv hais ntau xyoo, cia siab rau tus Tswv tej lus cog tseg tias yuav pub Anplas dhau mus ua ib haivneeg loj, tiamsis txog tav no Anplas tsis muaj menyuam los tuav qubtxeeg qubteg. Qhov no ua rau Anplas nyuaj siab heev. Anplas xav hais tias nws yuav ua li neeg ua, nrhiav ib tug menyuam los tu. Peb pom Anplas tsis txaus siab rau nws lub neej, yog li Anplas thiaj muaj tus cwjpwm chim hais rau tus Tswv: “Koj twb tsis pub menyuam rau kuv, ntshai yuav kawg kuv muab kuv tej qubtxeeg qubteg tso rau kuv ib tug tub qhe uas yug hauv kuv tsev ua tus tuav” (nqe 3).

Tus Tswv paub Anplas qhov teebmeem ua ntej thaum hais rau Nws. Tus Tswv hais tias tus uas tuav Anplas qubtxeeg qubteg yeej yog tus menyuam uas Anplas yug xwb (nqe 4). Tus Tswv rov qab hais Nws lo lus cog tseg ib zaug rau Anplas kom cia li ntsia mus saum ntuj saib tej hnubqub, thiab hais tias, “suav cov hnubqub saud saib koj suav puas txheeb, koj yuav muaj xeebntxwv coob npaum li tej hnubqub ntawd ntag” (nqe 5). Lub cim no muaj nqis heev rau Anplas, rau qhov tus Tswv uas tsim tej hnubqub saum ntuj kuj yog tus tswv uas coglus pub xeebntxwv rau Anplas, tus Tswv hais tias Nws yuav ua kom tiav tej lus uas Nws hais.

Ua li cov lus cog tseg, “Anplas thiaj cia siab ntsoov rau tus Tswv tej lus, vim nws muaj kev cia siab, tus Tswv thiaj txaus siab heev rau nws thiab suav hais tias nws yog ib tug neeg ncaj ncees” (nqe 6). Qhov no yog nqe Vajluskub hais sau zog tagnrho Anplas lub neej, kev ntseeg thiab tau tus Tswv suav tias ncaj ncees. Timthawj Paulus muab nqe Vajluskub no los qhia txog qhov Vajtswv suav ncaj ncees rau tus neeg uas ntseeg tsis yog ua haujlwm zoo tau (saib Loos 4:3; Kalatias 3:6). Ncaj ncees lossis tau tus Tswv lees yuav tsis yog qhov kev uas ib tug neeg ua tau. Qhov ntawd yog kev pub, tau tus Tswv “suav”. Yeej tsis muaj ib tug neeg twg muaj peevxwm ua tau zoo kom tus Tswv lees yuav. Tiamsis yog vim koob hmoov pub dawb thiab kev hlub, uas Tswv Yexus ua tagnrho pub rau tibneeg. Yog leejtwg ntseeg Nws ces yuav tau tus Tswv lees yuav, tau suav hais tias yog neeg ncaj ncees. Thov Vajtswv pab kom peb muaj kev ntseeg ruaj khov rau tus Tswv uas pub txhua yam zoo rau peb kev ua neej zoo li Nws cov lus tau cog tseg.

Thov Vajtswv,

Vajtswv, Koj paub nyuam yaus tej kev txhawj ntshai ua ntej thaum tsis tau qhia rau Koj. Thov Koj pub kom nyuam yaus muaj txaus kev cia siab rau Tswv Yexus thiab lees yuav tej lus uas Koj cog tseg. Thov Koj pab kom nyuam yaus ncaj ncees rau txojkev ntseeg, thiab faib txojkev cia siab ntawd rau lwm tus thiab. Nyuam yaus tuav Tswv Yexus Khetos lub npe thov, Amees.

Peb yuav qhia tej teebmeem uas peb raug rau tus Tswv ua ntej thiab cia siab rau Nws los yog peb xwbtim daws peb?

Nyeem Vajluskub hauv peb lub xyoo: I Thexalaunikes 1

Kênh Youtube BHKTHN: 

https://www.youtube.com/c/bhkthn

Bài trướcBài hát: TƯƠNG GIAO VỚI CHÚA
Bài tiếp theoKlei Dleh Dlan Leh Anăn Klei Đăo – 18/11/2026