1 Timautes 2:1-2
Nqe cim:
“Qhov tseemceeb uas kuv xav kom nej ua yog nej yuav tsum thov Vajtswv pab sawvdaws thiab nej yuav tsum ua Vajtswv tsaug” (1 Timautes 2:1)
Lus nug rau sawvdaws xav:
– Timthawj Paulus hais txog plaub qhov tseemceeb twg hauv kev thov Vajtswv rau sawvdaws? Vim li cas?
– Pawg ntseeg thiab txhua tus ntseeg niaj hnub nim no siv cov lus thov Vajtswv no rau sawvdaws li cas?
Qhib thawj rau tshooj 2 lo lus “Qhov tseemceeb” timthawj Paulus xav qhia meej rau nws tus tub ntawm sab ntsujplig uas yog xibhwb Timautes txog qhov uas yuav tsum ua ua ntej thiab qhov tseemceeb hauv kev thov Vajtswv thiab thov pab rau sawvdaws. Nws qhia hais tias tsis yog tsuas thov Vajtswv li ibtxwm thov tiamsis “siv zog thov, taij thov, thov pab lwm tus thiab ua Vajtswv tsaug” (nqe 1 HMOWSV). Plaub qhov no qhia tshwm kev hlub, hmov tshua ntawm peb rau sawvdaws thiab muaj lub siab txo hwjchim thiab peb paub ua Vajtswv tsaug. “Siv zog thov” yog zeem paub yus ua tsis tau lossis kuj zoo li tus ua tsis tau paub Vajtswv thiab siv zog thov kom Vajtswv pub rau. “Taij thov” yog lo lus ibtxwm siv hais txog kev thov Vajtswv nrog rau lub siab pehawm Nws. “Thov pab lwm tus” yog tej lus tham qhia rau Leej Txiv saum ntuj txog ntawm peb kev hlub tshua txog lwm tus kev cheem tsum. “Ua Vajtswv tsaug” yog qhov yuav tsum muaj hauv kev thov Vajtswv, yog lub siab uas thov Vajtswv paub ua Vajtswv tsaug. Cov uas nyob rau hauv kev thov Vajtswv yog yus tus kheej, tsev neeg, pawg ntseeg thiab nthuav dav mus yog tagnrho txhua tus tibneeg, txhais hais tias cov uas tsis tau paub Vajtswv huv tibsi. Timthawj Paulus kuj pom tshwjxeeb txog kev thov Vajtswv rau cov nomtswv. Vim lub tebchaws tswj tau zoo ces yuav muaj qhov zoo rau tagnrho cov pejxeem thiab Vajtswv cov menyuam txhua tus, los qhov ntawd peb “yuav tau nyob kaj siab lug ua Vajtswv tes haujlwm thiab tau zoo ua peb lub neej kom phim qhov uas peb yog cov ntseeg” (nqe 2).
Pawg ntseeg niaj hnub nim no pheej thov Vajtswv ntsoov rau cov ntseeg thiab cov phoojywg tsis tau ntseeg, lawv yog cov uas nyob hauv tes haujlwm ua tim khawv tshaj qhia Moo Zoo. Hais rau lwm seem, muaj ib feem vim yog txoj kev xav uas yuav tau cais kev ntseeg thiab ntiajteb thiaj ua rau qee tus ntseeg tsis hmov tshua thov Vajtswv rau tibneeg sawvdaws thiab cov nomtswv. Dhau Vajtswv tej lus uas timthawj Paulus qhia, pab peb saib pom txhij txhua dua, cia li thov Vajtswv rau sawvdaws txij tsev neeg, pawg ntseeg mus rau cov nomtswv tswj tebchaws. Qhov no yuav tsum ua ua ntej dua huvsi vim thov Vajtswv pab sawvdaws yog thov kev cawmdim rau cov tsis tau paub Vajtswv. Peb tsis paub hais tias leejtwg yog tus uas Vajtswv xaiv tiamsis peb paub Vajtswv xav kom txhua tus tau txais kev cawmdim. Vim thov Vajtswv rau txhua tus yog kev cheem tsum thiab yog yam uas zoo kawg nkaus Vajtswv txaus siab. Peb yuav tsum paub hais tias ib ncig ntawm peb tseem tshuav tibneeg coob cheem tsum tau hnov Txoj Moo Zoo cawmdim. Yog thaum peb hmov tshua thov Vajtswv rau lawv los ntawm lub siab “siv zog thov, taij thov, thov pab lwm tus, ua Vajtswv tsaug”, Vaj Ntsujplig yuav ua haujlwm tshoov peb siab mus tshaj qhia Vajtswv lub npe rau coob tus.
Thov Vajtswv,
Vajtswv tus muaj kev hlub thiab yog nyuam yaus tus Cawmseej, nyuam yaus ua Koj tsaug vim Tswv Yexus tabtom thov Vajtswv rau nyuam yaus. Thov pab nyuam yaus nco ntsoov thov Vajtswv pab rau swvdaws thiab rau cov nomtswv txhua tus. Nyuam yaus tuav Tswv Yexus Khetos lub npe thov, Amees.
Peb puas hmov tshua thov Vajtswv pab rau sawvdaws lawm los tsis tau?
Nyeem Vajluskub hauv peb lub xyoos: Ntawv Nkauj 62-63
Kênh Youtube BHKTHN:
