1 Kauleethaus 9:15-27
Nqe cim:
“Kuv ua txhua yam no kom txojmoo zoo nrov ncha mus thoob txhua qhov, kuv thiaj tau koob hmoov” (1Kauleethaus 9:23)
Lus nug xav:
– Timthawj Paulus tau “tuajyeem ua txhua yam rau txhua haivneeg” los ntawm txoj hau kev twg?
– Timthawj Paulus lub homphiaj tswj yus txoj kev ywjpheej kom muaj nrim yog dabtsi?
– Peb kawm thiab xyaum raws li timthawj Paulus tus qauv li cas?
Hauv ntu Vajluskub no, timthawj Paulus qhia kom peb nkag siab tob dua txog lub homphiaj tswj yus txoj kev ywjpheej kom muaj nrim. Thaum Paulus nrog cov neeg Yudais, nws tso txoj kev ywjpheej tseg kom ua tau neej li ib tug neeg Yudais, kom tsis ua txhaum rau cov Yudais txoj kev coj noj coj ua. Nws ua neej zoo li cov neeg Yudais, tsis ua tej yam uas yuav ua rau lawv xav tias nws tawm tsam lawv tej kab ke thiab tej kevcai uas tsis tsim nyog, nws ua li no kom cov neeg Yudais mloog nws, thiab kom nws thiaj qhia tau Txoj Moo Zoo rau lawv yooj yim dua. Tiamsis thaum nws nrog lwm haivneeg, uas tsis nyob hauv Mauxes txoj kevcai, nws tsis yuam kom lawv ua raws li tej kab ke ntawm cov neeg Yudais, tsis yuam kom lawv ua kevcai txiav, tsis txwv noj nqaij npuas, thiab tsis yuam lawv coj raws cov Yudais tej rooj kevcai. Nws qhia Txojmoo Zoo rau lawv raws li lawv yam lus thiab lawv tej kab lis kev cai uas lawv nkag siab, kom qaij tau qhov uas tsim muaj tej lajkab thaiv uas tsis tsim nyog thaum lawv los ntseeg txais yuav Txojmoo Zoo.
Txawm Paulus txiav txim siab ua neej li ntawd los, nws yeej tsis tau “ua txhua yam” uas yuam kev kom lwm tus txais yuav nws thiab qhuas nws. Rau qhov tej uas nws yeem txo hwjchim tso tseg hauv lub tsamthawj no yeej nyob rau qhov uas Vajtswv pub cai ua tau, ib yam li noj tej khoom fij rau dab uas nws tau hais ua ntej ntawd (1 Kauleethaus 8:9; 9:1, 15-18). Txawm li ntawd los, hauv txojkev ywjpheej uas Vajtswv pub cai ua ntawd, nws tseem yeem txwv nws tus kheej muaj nrim ib zaug ntxiv, vim xav kom muaj nqi rau lwm tus thiab Txojmoo Zoo. Yog li ntawd, “ua txhua yam rau txhua tus neeg” tsis yog txojkev ua neej ywj siab, leej twg ua li cas yus ua li ntawd, ua txhaum tej uas Vajtswv txwv kom tau lwm tus lub siab. Tiamsis yog txojkev ua neej hlub cov ntsujplig uas tabtom yuav puastsuaj mus raws li qhov uas ntse ntsuav.
Ntawm kaum zaus siv lo lus “kom” hauv cuaj nqe Vajluskub no. Timthawj Paulus qhia peb pom meej txog nws lub homphiaj thaum nws yuav tsum ua tej yam uas qee zaum nws tus kheej tsis xav ua, yuav tsum yoo thiab tswj nws tus kheej lub cev. Vim nws lub homphiaj yog: “coj tau neeg coob leej”, los cuag Vajtswv, hauv cov Yudais mus rau lwm haivneeg kom; “pab tau qee leej rov los ua neeg tshiab”, “thiaj tau koob hmoov”, thiab “tau lub kausmom uas nyob mus ibtxhis” (nqe 22, 23, 25). Nws qhia meej hais tias nws lub homphiaj tsis yog lam khiav lossis ntaus cua xwb, tiamsis yog vim Txojmoo Zoo thiab vim xav kom lwm tus tau paub Txojmoo Zoo, ntawd yog txoj xov zoo tshaj plaws rau lawv lub neej.
Coj raws li timthawj Paulus tus qauv, peb txhua tus yuav tsum txwv peb tus kheej txojkev ywj pheej kom muaj nrim, kom tus Tswv Txojmoo Zoo mus txog rau ntau tus neeg, thiab coj Yexus Khetos txojkev cawmdim los rau lwm tus. Tsis txhob txo kev muaj nqis ntawm Txojmoo Zoo, tiamsis cia li txo peb tus kheej kom qis, “thiaj coj tau lawv los ntseeg” (nqe 22).
Thov Vajtswv,
Tus Tswv, nyuam yaus ua Koj tsaug rau cov neeg uas kam txwv lawv txojkev ywj pheej kom muaj nrim, kom Koj Txojmoo Zoo thiaj tau los txog rau nyuam yaus. Thov Koj pab kom nyuam yaus kuj kam txwv nyuam yaus txojkev ywj pheej vim yog Txojmoo Zoo thiab thiaj coj tau lwm tus los ntseeg. Nyuam yaus tuav Tswv Yexus Khetos lub npe thov, Amees.
Peb txwv dabtsi thiab cia kev ywjpheej kom muaj nrim li cas vim Txojmoo Zoo?
Nyeem Vajluskub hauv peb lub xyoos: Yauj 18
Kênh Youtube BHKTHN:
