Yausuas 7:10-15
Nqe cim:
“Tus TSWV txwv tsis pub cov Yixalayees muab ib yam khoom dabtsi uas tus TSWV hais kom muab rhuav kom puastsuaj huv tibsi hauv lub nroog los yuav; tiamsis muaj ib tug txivneej hu ua Akhas tsis mloog tus TSWV lus, yog li ntawd, tus TSWV thiaj chim rau cov Yixalayees. (Akhas yog Kalemis tus tub thiab yog Xanpedis tus xeebntxwv uas yog Zelas cuab kwvtij thiab yog xeem Yudas)” (Yausuas 7:1)
Lus nug xav:
– Tus Tswv kom Yausuas ua dabtsi?
– Vim li cas tus Tswv kom Yausuas thiab Nws haivneeg yuav tsum ua kom yus dawbhuv?
– Peb tej kev txhaum ua tsuas kis leej twg?
– Peb yuav tsum ua dabtsi los daws teebmeem kev txhaum?
Tom qab uas raug swb rog ntawm lub nroog A-is uas me, Yausuas tau ua yam tsimnyog heev yog los cuag Vajtswv thiab thov Vajtswv. Tiamsis, yog daws tsis tau qhov teebmeem kev txhaum ces kev thov Vajtswv yeej tsis muaj nqis dabtsi. Tus Tswv kom Yausuas sawv, txhob nyo hau hauv av ntxiv lawm. Tus Tswv xav kom Yausuas yuav tsum daws tej teebmeem kev txhaum tso. Ua ntej, tus Tswv qhia paub hais tias cov Yixalayees tau ua txhaum, lawv tau rhuav tus Tswv tej lus cogtseg. Cov Yixalayees tau mus muab tej khoom uas tsimnyog muab rhuav pov tseg los yuav. Thaum uas muab yam uas yog tus Tswv tug, lawv yog tub sab, thaum uas tsab tsis paub dabtsi, ces lawv yog neeg dag. Tom qab uas paub qhov keebtiv swb rog, tus Tswv tshaj tawm ib qhov tseeb uas txaus ntshai: Thaum uas lawv tsis rho tej khoom uas tsimnyog rhuav pov tseg tawm mus ces lawv dhau los raug foom phem thiab tsimnyog muab tua pov tseg. Tus Tswv tsis nyob nrog lawv, txhais hais tias tus Tswv tsis pub lawv kovyeej ntxiv, lawv yuav muab tua pov tseg.
Ib zaus ntxiv, tus Tswv kom Yausuas sawv thiab zaum no Nws qhia kom Yausuas paub yuav tsum ua dabtsi kom rho tau yam khoom uas tsimnyog muab rhuav pov tseg tawm hauv cov Yixalayees mus. Qhov kev uas kho lawv dua tshiab yog pib los ntawm kev ntxuav kom lawv huv. Ib yam li ua ntej hla tus Dej Yauladees lawv yuav tsum ntxuav lawv tus kheej kom huv (Yausuas 3:5). Ntxuav tsis yog tshem tawm kev txhaum xwb tiamsis kuj yog npaj cov pejxeem lub siab kom tus Tswv los thiab ua haujlwm rau lawv. Thiab tus Tswv kuj taw qhia tus neeg ua txhaum rau Yausuas. Tus neeg ntawd thiab nws tsev neeg yuav raug muab hlawv pov tseg.
Akhas kev txhaum tsuas kis tagnrho rau Vajtswv haivneeg. Akhas kev ua txhaum tus Tswv tej lus cogtseg kuj ua rau tagnrho Vajtswv haivneeg puavleej ua txhaum Vajtswv kev coglus tseg. Peb txoj kev txhaum pheej tsis yog tsuas kis rau yus ib leeg. Menyuam kev txhaum ua rau niam txiv txajmuag, niam txiv kev txhaum ua rau menyuam txomnyem; tus txiv ua txhaum nkauj nraug txomnyem rau tus pojniam; menyuam, niam txiv ob tog… Ib tug ua txhaum yuav ua rau lwm tus xyaum ua txhaum raws. Ib tug ntseeg kev txhaum yuav tsuas kis txog Pawg Ntseeg, tej zaum tsuas kis tagnrho cov ntseeg txhua tus. Ua ntej yuav ua txhaum cia li sau tawm saib muaj tsawg tus uas yuav tsuas kis yus kev txhaum, cia li saib pom qhov ntawd yog ib pab neeg tsis tsawg. Akhas kev txhaum ua rau peb caug rau tus thiab nws tsev neeg tuag (Yausuas 7:5, 24).
Thov Vajtswv pub rau peb sawv los daws tej teebmeem kev txhaum kom peb thiaj muaj lub neej kovyeej, muaj Vajtswv nyob nrog thiab ua koob hmoov rau lwm tus uas tsuas kis peb tej kev txhaum.
Thov Vajtswv,
Vajtswv, thov Koj pab tshuaj xyuas nyuam yaus tus kheej thiab txiav txim siab tso txhua yam kev txhaum uas tseem nyob hauv nyuam yaus lub neej tseg, kom nyuam yaus tsis txhob ua ib qho kev phem los tsuas kis rau nyuam yaus tsev neeg thiab rau Pawg Ntseeg. Nyuam yaus tuav Tswv Yexus Khetos lub npe thov, Amees.
Peb lub neej puas tsuas kis kev phem rau lwm tus?
Nyeem Vajluskub hauv peb lub xyoos: Yauj 19
Kênh Youtube BHKTHN:
