Mathais 18:5-6
Nqe cim:
“Yog leejtwg ua rau cov menyuam uas ntseeg kuv no ib tug ua txhaum, cia li muab hlua khi ib txhib zeb uas loj dai rau tus ntawd cajdab, thiab coj nws mus pov rau hauv hiavtxwv yuav zoo dua.” (Mathais 18:6)
Lus nug rau sawvdaws xav:
– Nqi zog thaum ib tug neeg kam txais “ib tug menyuam” yog dabtsi?
– Nqi zog zoo li cas thaum ib tug neeg ua rau nws cov kwvtij poob kev ntseeg?
– Tus Tswv xav kom peb ib leeg ua rau ib leeg zoo li cas?
Qhia ntxiv hais txog Ntuj ceebtsheej, Tswv Yexus siv tus duab “menyuam” los mus piv txog cov ntseeg uas txo hwjchim. Hauv lub ntsiab lus zoo ces “tus uas lees yuav tus menyuam yaus no ntawm kuv lub npe, kuj yog tus ntawd lees yuav kuv.” yog leejtwg “lees yuav” cov neeg uas yog tus Tswv neeg, ces yog lees yuav Nws ntag. Lo lus “lees yuav” hais txog lub siab txais cov qhua tshwjxeeb, txaus siab hlo pab rau lawv tej kev cheemtsum. Tswv Yexus xav kom muaj lub siab hlub, hmov tshua, ib leeg txais yuav ib leeg tsis sib cav sib ceg, saib tus loj, tus muaj nqis.
Hauv seem tsis zoo, yog leejtwg ntshaw meejmom es cuab hlua, dag ntxias lossis ua rau lwm tus ua txhaum, tus ntawd yuav tau txais nqi zog txaus ntshai heev. Tus duab uas muab txhib zeb dai rau ntawm cajdab pov hauv hiavtxwv yog ib qhov kev rau txim phem heev. Tus Tswv hais tias yog leejtwg ua rau ib tug neeg ua txhaum, poob kev ntseeg ces tsimnyog poob rau lub txim uas txaus ntshai no. Tswv Yexus xav ceebtoom rau cov timthawj hais tias txawm yog ua neej nyob hauv lub ntiajteb uas puv npho kev txhaum los lawv tsis tau cai siv lub tswvyim muab tej kev txhaum ntiajteb ntawd los ua rau cov kwvtij, yog leejtwg txhob txwm ua rau cov kwvtij ua txhaum, cov neeg ntawd yuav raug lub txim txaus ntshai.
Tibneeg txhaum lub siab ces tsuas xav txog yus heev dua lwm tus, yog li peb thiaj pheej ua neeg muab lub siab ib tug xav ua tshaj ib tug, sib ntxub. Vajtswv tej lus qhia kom peb sib hlub, ua siab ntev, ib leeg txais yuav ib leeg thiab ib tug pab ib tug tas siab. Kev ua neej cheemtsum hmov tshua txog lwm tus heev dua li uas ua rau yus nkaus xwb. Cheemtsum ua qhov zoo rau cov kwvtij vim yog peb tabtom ua rau tus Tswv. Peb tsis ua neeg zais siab tiamsis vim tus Tswv tabtom nyob hauv peb, yog li peb thiaj paub ua rau cov kwvtij ntseeg los ntawm lub siab mos muag, hmov tshua, txais tos lawv. Tus Tswv ceebtoom kom peb tsis txhob muaj qhov tsis nyiam, chim, npautaws, ntshaw meejmom… es ua li neeg ntiajteb ua, ib leeg ntxias ib leeg ua txhaum thiab nrhiav tswvyim sib rhuav. Yog ua neej li ntawd yeej yuav tau txais nqi zog phem xwb.
Thov Vajtswv,
Tus Tswv, ua Koj tsaug Koj qhia nyuam yaus paub txais qhua, thov Koj pab kom nyuam yaus tus kheej tsis ntshaw, tsis ua siab phem ntxias lwm tus ua txhaum. Thov Koj pab kom nyuam yaus hlub Koj thiab hlub cov neeg nyob ib ncig. Nyuam yaus tuav Tswv Yexus lub npe thov, Amees.
Hauv qhov kev ua rau yus cov kwvtij, muaj yam dabtsi cheemtsum lees txim, hloov kom haum Vajtswv siab?
Nyeem Vajluskub hauv peb lub xyoo: Yausuas 7
Kênh Youtube BHKTHN:
