Mathais 22:23-33
Nqe cim:
“Thaum cov neeg uas tuag lawm sawv rov qab los, lawv yuav zoo ib yam li cov timtswv uas nyob saum ntuj ceebtsheej, lawv tsis yuav pojniam tsis yuav txiv lawm.” (Mathais 22:30).
Lus nug rau sawvdaws xav:
– Cov neeg Xadukais yog leejtwg?
– Lawv nug Tswv Yexus yam dabtsi? Tus Tswv teb rau lawv li cas?
– Vim li cas peb cheemtsum nquag kawm Vajtswv Txojlus?
Cov neeg Xadukais yog cov neeg uas muaj koob npe thiab nplua nuj. Lawv ntseeg tagnrho Phau Vajluskub Qub, tiamsis lawv tsuas lees yuav txojkev ntseeg hauv Mauxes tsib phau ntawv tias yuav tsum tau ua. Lawv tsis ntseeg qhov uas sawv hauv qhov tuag rov los, timtswv, dab ntxwgnyoog, lawv qhia ua raws li kev ywjpheej xaiv thiab ua neej kom txaus vim ntseeg tias tsuas ua ib zaug neej xwb. Cov neeg Xadukais tuaj cuag Tswv Yexus nug, lawv nug ib qhov teebmeem ua timkhawv ntsig txog txojsia tom ntej. Raws li txoj kevcai qhia, “yog tus txiv tuag thaum nws tus pojniam tsis tau muaj menyuam, nws tus kwv yuav tsum yuav tus niamtij, tus tijlaug thiaj muaj xeebntxwv” (nqe 24). Ib tsevneeg muaj xya tus kwvtij, thiab xya tus tub no puavleej tuag thaum tsis tau muaj menyuam. Tus tijlaug tus pojniam yuav xya tus txiv raws li txoj kevcai qhia, tiamsis kuj tsis muaj menyuam thiab. Lawv nug hais tias, “Yog li ntawd, hnub uas cov neeg tuag sawv rov qab los, tus pojniam ntawd yuav yog tus twg tus pojniam? Rau qhov lawv puavleej tau yuav nws huv tibsi lawm” (nqe 28). Tswv Yexus teb hais tias, “Nej xav yuam kev lawm! Rau qhov nej tsis totaub Vajtswv Txojlus thiab tsis paub Vajtswv lub hwjchim”(nqe 29). Tswv Yexus qhia rau cov neeg Xadukais paub txog Vajtswv Txojlus lub ntsiab, uas lawv tsis totaub lossis ntaus nqi nqis heev rau Vajtswv lub hwjchim. Lawv hais txoj kevcai tiamsis tsis lees yuav Vajtswv lub hwjchim. Qhov no qhia tshwm tias lawv tsis ntseeg Vajtswv txojkev hlub, kev ua siab ntev thiab hwjchim.
Tswv Yexus lo lus teb qhia tshwm mentsis txog qhov tseemceeb ntawm cov neeg nyob saum ntuj ceebtsheej: Tim ib, tej kev ua neej nyob saum ntuj ceebtsheej tsis zoo li tej kev ua neej nyob hauv ntiajteb xws li noj haus, sib yuav… Tim ob, qhov uas nyob saum ntuj ceebtsheej zoo kawg nkaus, txhais tau tias tsis muaj qhov khi lossis quab yuam zoo li nyob hauv ntiajteb no. Tim peb, cov neeg nyob saum ntuj ceebtsheej ua neej muaj tshwjchim zoo li cov timtswv.
Tswv Yexus hais kom cov neeg Xadukais nco ntsoov Khiavdim 3:6, Vajtswv Txojlus hais tias “Kuv yog koj cov yawgkoob tus Vajtswv, yog Anplahas, Ixaj thiab Yakhauj tus Vajtswv”. Vajtswv tus uas nyob mus ibtxhis muaj lub npe hu ua “Kuv yog” rau tamsim no. Nimno peb tus yawgkoob twb tuag ntev lawm tiamsis Nws yeej tseem yog lawv tus Vajtswv. Thiab tus Tswv hais tias, “Vajtswv tsis yog cov neeg tuag tus Vajtswv, tiamsis yog cov neeg ciaj tus Vajtswv”. Yog li tseeb Vajluskub Qub qhia txog muaj kev sawv rov los tom qab uas tuag lawm.
Nimno, peb cheemtsum siv sijhawm ntau los kawm Vajtswv Txojlus kom txhua hnub peb paub Vajtswv zuj zus, thaum peb ntsib cov kev ntseeg cuav tuaj ntxias peb thiaj tsis yuam kev. Thaum muaj Vajtswv Txojlus, peb tsis yog ua neej muaj nqis rau tus Tswv hauv kev ua neej xwb tiamsis kuj yog npaj kom txhij mus nyob saum ntuj ceebtsheej.
Thov Vajtswv,
Vajtswv, thov Koj pab nyuam yaus niaj hnub nyeem thiab kawm Koj Txojlus kom nyuam yaus tuav kev ntseeg ruaj khov thaum muaj kev ntxias ntawm tej kev ntseeg cuav qhia. Nyuam yaus tuav Tswv Yexus lub npe thov, Amees.
Ib tsoom mloog uas hmov thiab tshua,
Nyeem Vajluskub hauv peb xyoo: Yelemis 36
Kênh Youtube BHKTHN:
