1 Vajntxwv 12:26-33
Nqe cim:
“Tsis txhob puab tej mlom uas zoo li tej uas nyob saum nruab ntug lossis hauv ntiajteb no, lossis hauv tivtxwv rau nej pe” (Khiavdim 20:4)
Lus nug rau sawvdaws xav:
– Vajntxwv Yelaunpau-as ntsib teebmeem dabtsi?
– Vajntxwv tau siv tej kev daws teebmeem twg?
– Peb yoojyim poob rau tej kev daws teebmeem thiab pehawm Vajtswv yuam kev li cas?
10 xeem Yixalayees sab qaumteb tau ntxeev siab tawmtsam vajntxwv Lehaunpau-as thiab tsa Yelaunpau-as ua lawv tus vajntxwv (1 Vajntxwv 12:12-19). Tom qab ib lub sijhawm uas nyob tiaj tus lawd, vajntxwv Yelaunpau-as ntsib qhov teebmeem tseebceeb: Kev pehawm Vajtswv. Lub siajhawm thaud ntawd, cov pejxeem sab qaumteb yuav tau rov qab los rau hauv lub nroog Yeluxalees tsawg tshaj yog peb zaug hauv ib lub xyoos los koom cov rooj kevcai tseemceeb, Kevcai Hla Dhau, Kevcai Peetekos, thiab Kevcai Nyob Tsev Pheebsuab (2 Kevcai 16:16). Vim li ntawd, Yelaunpau-as txhawj ntshai nyob tsam cov pejxeem yuav tig rov mus nrog Lehaunpau-as.
Cia daws qhov teebmeem no, Yelaunpau-as samhwm muab kub nchuav ua ob tug mlom nyuj yog tus vajtswv tshiab uas cov pejxeem yuav tau pehawm (nqe 28-29). Tej zaum ntshai yog Yelaunpau-as xyaum raws Aloos (Khiavdim 32:1-10) kom cov pejxeem tsis ntxeev siab tawmtsam nws txoj kev tswj. Vajntxwv Yelaunpau-as yeej paub tseeb nujnqi ntawm Aloos thiab cov Yixalayees thaum uas lawv pehawm tus mlom nyuj kub tiamsis vim ntshai poob lub tebchaws, nws thiaj tsis quav ntsej txog tej nujnqi ntawd. Yam uas nws cheem tsum ua yog daws tej teebmeem tamsim ntawd tso. Niaj hnub nim no peb kuj yoojyim ua li ntawd, daws teebmeem uas tsis muaj nyiaj, peb mus nrhiav tej nyiaj uas tsis ncajncees, lossis hais dag thaum ntsib kev ntshai, lossis koom siab ua yam uas tsis yog qhov tseeb vim muaj nqis rau yus.
Cia kom ua raws txoj kev npaj tseg no, vajntxwv Yelaunpau-as teeb muaj ob lub chaw pehawm tshiab ntawm Npethees thiab Das. Npethees nyob sab qabteb, quas Yeluxalees 15km, Das nyob sab qaumteb. Tseeb tiag vajntxwv lub homphiaj yog cia kom cov pejxeem yoojyim mus los pehawm vajtswv. Thiab vajntxwv kev npaj tseg tau ua tiav (nqe 30). Vajntxwv Yelaunpau-as totaub zoo txog cov pejxeem thiab ua tiav raws li lawv kev ntshaw, lawv xav pehawm tej uas qhovmuag ntsia pom, pehawm qhov uas tsis nyuaj thiab yoojyim tshaj plaws. Tagnrho vajntxwv Yelaunpau-as thiab cov pejxeem tseeb tiag yeej tsis yog pehawm Vajtswv, lawv tsuas pehawm lawv tus kheej raws li qhov lawv nyiam.
Tsis tas li ntawd, vajntxwv Yelaunpau-as tseem cim civ tsa ib cov neeg los pab haujlwm rau kev pehawm, thiab teeb hnub, hli ntawm cov rooj kevcai, tej yam uas lawv ua yuav luag thooj txoj kevcai pehawm raws li Mauxes txoj Kevcai thiab. Txawm li ntawd, Mauxes Txoj Kevcai yog Vajtswv samhwm, ho Yelaunpau-as rov rhawv tsim kev pehawm tshiab tsis raws li Vajtswv lub siab nyiam lawm thiab ntawd yog qhov vimchiv “ua txhaum” (nqe 30). Ntawd, qhia rau peb paub hais tias qhov tseemceeb hauv kev thov Vajtswv yog ua raws Vajtswv samhwm thiab Nws lub siab nyiam tsis yog raws li tej kevcai. Vajtswv yog Tus ncajncees, Nws yeej tsis txais yuav txoj kev pehawm uas yuamkev, tsis yog qhov tseeb uas Nws samhwm.
Thov Vajtswv,
Vajtswv Tus uas ncajncees, thov pab nyuam yaus sau siab hlo los pehawm Koj ib leeg thiab sib txuas nrog Koj txhua hnub hauv nyuam yaus lub neej. Thov txhob cia nyuam yaus tig xubntiag mus rau lwm tus vajtswv uas tsis yog qhov tseeb. Nyuam yaus tuav Tswv Yexus Khetos lub npe thov, Amees.
Peb nrhiav yam dabtsi thaum pehawm Vajtswv?
Nyeem Vajluskub hauv peb lub xyoos: Tes Haujlwm 27
Kênh Youtube BHKTHN:
