1 Timautes 6:20-21
Nqe cim:
“Timautes, koj khaws tej uas kuv qhia rau koj lawm cia zoo zoo. Koj tsis txhob nrog luag sib cav sib ceg txog tej lus uas tsis muaj qabhau ib yam li tej neeg ruam. Muaj qee leej xav hais tias yog “Kev txawj ntse” (1 Timautes 6:20)
Lus nug xav:
– Timthawj Paulus xaus sau zog nws tsab ntawv uas xa mus rau nws tus tub sab ntsujplig los ntawm ob lolus ntuas twg?
– Dhau tsab ntawv 1 Timautes, timthawj Paulus qhia Timuates tsimnyog ua tej yam twg?
– Peb siv lolus qhia no li cas?
Timthawj Paulus xaus sau zog nws tsab ntawv uas xa mus xibhwb hluas Timautes los ntawm ob lolus: muaj ib yam uas tsimnyog ua, muaj ib yam tsimnyog qaij. Yam tsimnyog ua yog “khaws tej uas kuv qhia rau koj lawm cia zoo zoo” (nqe 20), lub ntsiab yog “ceev yam uas cob rau rau koj lawm zoo zoo”. Txojmoo Zoo thiab qhov tseeb tau muab cob rau Timautes, Timautes tes haujlwm yog yuavtsum ceev thiab cob rau lwm tus ntxiv (2 Timautes 2:2). Nov yog txoj haukev uas Vajtswv siv los tiv thaiv thiab tshaj qhia Txojmoo Zoo rau txhua qhov hauv lub ntiajteb no. Thaum los ntseeg Tswv Yexus, Txojmoo Zoo kuj tau muab cob rau peb, cia li yog ib tug tub txib saib xyuas zoo thiab ncajncees tshaj qhia qhov tseeb.
Timthawj Paulus ntuas Timmautes yam yuavtsum qaij yog tsis txhob nrog luag sib cav sib ceg uas cov neeg ruam xav hais tias yog “Kev txawj ntse” (nqe 20). Tej zaum cov neeg no kuj zoo li cov neeg uas qhia yuam kev uas timthawj Paulus tau hais tom xubthawj hauv nws tsab ntawv lawm, lawv yog cov neeg uas nyiam hais “tej dabneeg thiab lawv cov yawgkoob tej npe uas sau cia rau hauv ntawv uas lawv hais tsis paub tas” “tej ntawd yuav ua rau sawvdaws muaj lus sib cav sib ceg” (1 Timautes 1:4-5), peb xav yuam kev hais tias yus cheemtsum ua feemxyuam uas yog tus saib xyuas rau qhov tseeb los ntawm qhov uas yuav tsum sib cav kom kawg thaum uas hais txog Vajlugkub. Vim li ntawd, peb yoojyim poob rau tej kev sib cav sib ceg tsis muaj qabhau thiab tsis paub xaus, peb sib cav tej lus thiab tej teebmeem uas Vajluskub tsis hais mus tob rau, tej uas tsis cuam tshuam dabtsi txog kev cawmdim thiab lub neej muab siab rau ntseeg. Qhov uas txaus tu siab yog ntau zaus tej kev sib cav ntawd “pab tsis tau kom sawvdaws ua haum Vajtswv siab” (1 Timautes 1:4), txhawb tsis tau leejtwg, tiamsis tsuas ua tau timkhawv hais tias yus paub tob dua lwm tus xwb.
Hauv tsab ntawv 1 Timautes 4 txog 6, timthawj Paulus tau sau ntuas nws tus tub sab ntsujplig hais tias, kev ua tus saib xyuas yam uas Vajtswv muab rau peb yog tuav txoj kev ntseeg kom ruaj thiab ceev lub siab kom dawbhuv, “qhia” yog tshaj qhia thiab cob qhia kev ntseeg thiab kev ua neej muab siab rau ntseeg rau cov kwvtij ntseeg, “ntuas” cov neeg laus thiab cov poj ntsuam, “qhuab ntuas” cov neeg npluanuj,… lub ntsiab yog siv sijhawm tseb yam uas zoo dua txhob cia sawvdaws sib cav sib ceg tej yam uas tsis muaj qabhau. Hauv cov lus xaus tsab ntawv timthawj Paulus ceebtoom: “Rau qhov muaj ibtxhia xav hais tias lawv muaj kev txawj ntse, vim lawv khav li ntawd lawv thiaj tso txoj kev ntseeg tseg lawm” (nqe 21). Muaj ntau zaus peb poob lub sijhawm ntau heev los sib cav yeej swb txog kev txawj ntse txog qib uas tsis muaj sijhawm los qhia qhov tseeb thiab ua tej yam zoo rau lwm tus. Peb yuav tsum siv sijhawm ua tej haujlwm rau kev tshaj Txojzoo Zoo ua ntej.
Thov Vajtswv,
Vajtswv, ua tsaug rau qhov Koj tau muab Txojmoo Zoo cob rau nyuam yaus saib xyuas. Thov pab kom nyuam yaus ceev txoj kev ntseeg kom ruaj thiab ua neej dawbhuv raws li Koj Txojlus. Thov pab nyuam yaus qaij tau tej kev sib cav uas tsis muaj nqis thiab siv sijhawm los cog tej kev zoo rau nyuam yaus tus kheej, tsev neeg, thiab lwm tus. Nyuam yaus tuav Tswv Yexus Khetos lub npe thov, Amees.
Peb puas siv sijhawm los sib ntuas sib txhawb kom tshawb nrhiav thiab ceev ruaj Txojmoo Zoo kev cawmdim?
Nyeem Vajluskub hauv peb lub xyoos: Ntawv Nkauj 116-118
Kênh Youtube BHKTHN:
