Chivkeeb 2:1-3
Nqe cim:
“Vajtswv twb tsim ib puas tsav yam tiav tas lawm, hnub xya nws thiaj so thiab tsis ua ib yam haujlwm dabtsi li.” (Chivkeeb 2:2)
Lus nug rau sawvdaws xav:
– Vim li cas Vajtswv so hnub xya?
– Peb kawm tau dabtsi tseemceeb ntsig txog qhov uas so thiab ua haujlwm?
– Yuav ua li cas kom peb ua tau lub neej pheej nrab nyob rau tiam kev ua neej muaj ntau txoj haujlwm no?
Tom qab uas tsim lub ntuj lub ntiajteb thiab txhua yam, Vajtswv so hnub xya. Tsis yog nkees tiamsis yog tus Tswv so. Vajtswv Txojlus qhia paub hais tias Vajtswv so thaum Nws “twb tsim ib puas tsav yam tiav tas lawm” (nqe 2). Tom qab rau hnub uas tsim txhua yam, “Vajtswv saib ib puas tsav yam uas nws tsim ntawd, thiab ua rau nws txaus siab heev” (Chivkeeb 1:31). Txog hnub xya, Vajtswv so vim tej uas Nws tsim zoo txaus siab heev, thiab so tau lawm; qhov no yog qhia tawm qhov zoo txaus ntawm tej uas tus Tswv tsim.
Vajtswv tsis cheemtsum so tiamsis Nws xaiv ua li ntawd kom rhawv tsim ib tug qauv so rau kev ua haujlwm. Ua haujlwm yog ib qhov zoo heev thiab so kuj yog ib qhov zoo thiab. Yog tsuas muaj kev ua haujlwm xwb tsis muaj kev so, tsis yog ua rau neeg qaug zog xwb tiamsis tseem yuav ua rau tibneeg saib kev haujlwm zoo li lawv tus tswv, muab haujlwm saib hlob hauv kev ua neej mus txog qhov uas haujlwm txeeb tas nrho lub sijhawm thiab dag zog. Tibneeg siv zog ua txhua hnub vim ntshai tias yog tsis ua ces yuav tsis muaj txaus siv hauv lub neej, thiab qhov ntawd yuav qhia tshwm tibneeg tsis cia siab rau tus Tswv qhov kev zoo.
Yog tias muaj kev so xwb tsis mus ua haujlwm ces yuav ua neeg tub nkeeg. So yog qhov txuas ntxiv ntawm kev ua haujlwm. Tseeb tiag, Vajtswv tsis yog so hnub xya xwb, Nws tseem “foom koob hmoov rau hnub xya thiab teem hnub ntawd ua hnub tseemceeb” (nqe 3). So yog ib pob khoom Vajtswv pub rau tibneeg thiab pob khoom no tsuas muaj nqis thaum peb siv hnub so los nco txog Vajtswv, tus uas pub muaj hnub so. Hnub so yuav ua tsis tau hnub tseemceeb dawbhuv yog hais tias tibneeg tsis saib rau tus Tswv uas dawbhuv.
Lub ntiajteb yim vammeej ces tibneeg yim maj. Thaum xam sijhawm yog nyiaj txiag ces tibneeg yuav saib hnub so yog hnub uas poob txhua yam. Yog li ntawd, ntau tus neeg qhov kev xav yog ‘ua nruab hnub tsis txaus, siv hmo ntuj los ua ntxiv, siv hnub so los ua haujlwm’. Tibneeg rau siab ntso nrhiav nyiaj yog xav kom lub neej zoo dua, tiamsis qhov tseeb ces yim tsis zoo. Hauv nruab nrab kev ua haujlwm thiab so yog qhov faib cais ntawm txojsia uas Vajtswv teem tseg. Thaum zeem paub Vajtswv yog tus uas tabtom kav, tswj txhua yam, peb thiaj paub so tsis muaj kev txhawj.
Thov Vajtswv,
Vajtswv, nyuam yaus paub hais tias so yog pob khoom zoo uas Koj pub. Thov Koj pab kom nyuam yaus nquag ua haujlwm thiab kuj muaj kev so txaus hauv lub neej uas maj txhua yam. Thov pab nyuam yaus paub cia siab rau Vajtswv tus uas tsim ntuj tsim teb heev dua li uas cia siab rau lub dag zog. Thov kom hnub so ntawm nyuam yaus yog hnub dawbhuv thiab tau koob hmoov ntawm tus Tswv. Nyuam yaus tuav Tswv Yexus lub npe thov, Amees.
Ib tsoom mloog uas hmov thiab tshua,
Peb puas cia siab rau Vajtswv txojkev tswj kav kom peb thiaj muaj kev so pehawm Vajtswv thiab xav txog Nws?
Nyeem Vajluskub hauv peb xyoo: Yelemis 30
Kênh Youtube BHKTHN:
