Lukas 6:27-36
Nqe cim:
“Nej yuav tsum muaj lub siab hlub ib yam li nej Leej Txiv tus uas muaj lub siab hlub” (Lukas 6:36)
Lus nug xav:
– Tswv Yexus qhia txog yam dabtsi?
– Kev ua neej qhia tawm kev hlub tshua yog lub cim ntawm tus Tswv tus yamntxwv twg?
– Yuav ua li cas kom peb qhia tawm tej lus tus Tswv qhia?
Ntu Vajluskub no yog tej lus Tswv Yexus qhia hauv Zaj Lus Qhia Saum Roob. Tus Tswv nqua hu peb ua neej raws li tus qauv ncaj ncees ntawm Nws, txojkev ncaj ncees no tsis yog kev ua zoo ntawm tus kheej tiamsis yog ncaj ncees pib ntawm Vajtswv txojkev hlub thiab kev hmov tshua. Qhov no, Tswv Yexus qhia paub txojkev ncaj ncees tseeb cais tsis tau tawm ntawm lub siab hlub, kiag cov neeg tawmtsam peb. Peb tsis yog hlub cov neeg hlub peb xwb, tiamsis hlub cov neeg ua yeebncuab thiab tsimtxom peb (nqe 27-28).
Hais tau hais tias nov yog cov lus qhia nyuaj ua tshaj hauv Vajtswv Txojlus. Raws li neeg tus yamntxwv ua qhia rau peb yuav tsum tawmtsam, lossis tsawg kawg nkaus yuav tsum qaij deb tej kev ua rau tus kheej poob siab. Txawm yog li ntawd los, Tswv Yexus nqua hu peb yuav tsum ua neej zoo dua. Vim li cas? Vim qhov no yog yam uas tseemceeb uas Vajtswv twb ua rau neeg ntiajteb, muaj peb nyob hauv. Nws tsis yog qhia tshwm kev ua siab ntev rau cov neeg uas vamkhom Nws xwb tiamsis rau cov neeg phem thiab tsis nco Nws txiajntsig thiab (nqe 35). Tswv Yexus tau hais tias: “Kuv tsis yog los hu cov neeg ncaj ncees, tiamsis kuv los hu cov neeg txhaum” (Malakaus 2:17). Hlub yeebncuab yog qhia tshwm Vajtswv nplooj siab, qhia tshwm Nws txojkev hlub uas tsis yuav nqi.
Tswv Yexus qhia kom cia li ua zoo, foom koob hmoov thiab thov Vajtswv pab rau cov neeg tawmtsam peb, tsis yog peb swb, tiamsis yog ua timkhawv qhia Vajtswv txojkev hlub nyob hauv peb lub siab. Lub siab hlub tsis yog ua tus tsis paub kev txhaum tiamsis yog xaiv ua raws li Vajtswv tus yamntxwv, tsis chim thiab tsis ua phem pauj, tiamsis txaus siab zam txim thiab ua zoo.
Tswv Yexus muab txojkev hlub loj kawg nkaus no los piv rau peb lub meejmom: “nej yuav tau nqi zog ntau, thiab nej yuav tau ua Vajtswv tus uas muaj hwjchim loj kawg nkaus cov menyuam” (nqe 35). Nov yog txojkev ua neej ntawm Vajtswv cov menyuam, cov neeg uas muaj Vajtswv tus duab tseem nyob hauv ntiajteb. Peb Leej Txiv yog tus uas siab ntev; yog li, Nws cov menyuam kuj yuav tsum ua siab ntev. Nws txojkev ncaj ncees tsis yog txiav txim twjywm tiamsis yog kev hlub dawbhuv, ua kom rov zoo. Thaum qhia tawm lub siab hlub cov yeebncuab, qhov ntawd qhia tias peb tau tus Tswv hloov sab hauv tawm rau sab nraud.
Cov lus qhia no tsis yoojyim ua tau. Peb yuav tsum vamkhom Vaj Ntsujplig pab txhua hnub, tso kev ua yeebncuab thiab ntseeg Vajtswv tus uas ncaj ncees. Peb yog cov uas tau tus Tswv hlub li cas ces cia li hlub lwm tus zoo li ntawd (nqe 36). Lub siab hlub qhia tshwm yuav ua qhov timkhawv rau tus Tswv kev hlub thiab kev ncaj ncees nyob hauv lub ntiajteb uas tsis ncaj no.
Thov Vajtswv,
Vajtswv, ua Koj tsaug vim Koj hlub nyuam yaus heev. Thov Koj pab kom nyuam yaus paub hlub lwm tus thiab hlub zoo ib yam li Koj hlub. Nyuam yaus tuav Tswv Yexus lub npe thov, Amees.
Peb qhia tawm lub siab hlub lwm tus raws li Vajtswv Txojlus qhia lawm tau?
Nyeem Vajluskub hauv peb lub xyoo: Exekees 47
Kênh Youtube BHKTHN:
