I Kauleethaus 8:1-13
Nqe cim:
“tej kev txawj ntse yeej ua rau neeg muaj kev khavtheeb xwb; tiamsis kev hlub thiaj ua rau neeg muaj kev vammeej” (I Kauleethaus 8:1b)
Lus nug xav:
– Hauv ntu Vajluskub no, Timthawj Paulus qhia txog tus lw tseemceeb twg?
– Ntaus ntsuas txog ob qhov kev sib txawv thaum ua raws li Timthawj Paulus cov lus qhia?
– Peb siv zaj kawm no li cas rau tej teebmeem uas Vajtswv Txojlus tsis txwv?
Ntawm qhov teebmeem noj tej zaub mov fij rau dab, Timthawj Paulus hais txog ib tug lw tseemceeb dua, siv dav fo rau hauv kev ua neej: Muaj tej yam peb “tau cai” tiamsis tsis tsimnyog ua. Nyob hauv kaum peb nqe Vajluskub no, lo lus “paub” thiab lo “muaj kev txawj ntse” twb tau Timthawj Paulus siv kaum ib zaug los piv rau lo lus “hlub” thiab lo “txojkev hlub” (nqe 1,3). Paulus qhia hais tias muaj kev txawj ntse ua rau neeg muaj kev khavtheeb, tiamsis txojkev hlub ua rau muaj kev vammeej (nqe 1). Txawm yog paub tias yus tau cai ua ib yam twg, los yog tsis ua tib zoo saib tes haujlwm uas yus ua ntawd saib puas muaj qhov twg zoo lossis tsis zoo rau lwm tus, ces “yeej tsis tau paub yam uas tseemceeb li” (nqe 2). Muaj ntau leej paub Vajtswv Txojlus thiab paub deb paub dav, muab qhov uas Vajtswv Txojlus tsis txwv los ua ywj siab txhua yam, txawm yog qhov ntawd yuav ua rau lwm tus raug cuam tshuam mus rau yam tsis zoo los nws tseem ua, ces tus neeg ntawd tsis tau paub txaus tej uas cheemtsum paub. Timthawj Paulus qhia rau cov neeg no hais tias: “nej yuav tsum ceevfaj, tsis txhob cia nej cov uas muaj cuabkav noj tau tej zaub mov ntawd ua rau cov neeg uas tsis tshua paub Vajtswv yuam kev ua txhaum” (nqe 9).
Yog muab hais, thaum ua raws li cov lus Timthawj Paulus qhia, yuav muaj ob hom kev xav: Tim ib, ua ntej yuav ua ib yam dabtsi yuav tau ua tib zoo saib qhov uas yus ua ntawd zoo rau lwm tus lossis tsis zoo. Tim ob, vim ntshai tsam tes haujlwm yus ua ua rau lwm tus tsis nyiam, tsis pab txhawb, yog li ntawd thiaj siv txojkev ywjpheej uas yus muaj ua kom lwm tus ntaus nqi zoo rau yus.
Qhov kev ua neej tim ib pib ntawm qhov uas xav txog yam muaj nuj nqis rau lwm tus thiab txojkev hlub lwm tus, zoo li Timthawj Paulus fij tus kheej ua kom lwm tus tsis poob kev txhaum: “Yog tej zaub mov uas kuv noj ua rau lawv ua txhaum, kuv yuav tsis noj nqaij ntxiv lawm, kuv thiaj tsis ua rau leejtwg yuam kev ua txhaum” (nqe 13). Qhov kev ua neej tim ob yog pib ntawm qhov kev txhawj ntshai tsam raug lwm tus ntaus nqi tsis zoo, ntawm qhov uas xav kom lwm tus lees yuav, nqi zog thaum kawg yog tus kheej thiab lwm tus puavleej tsis tau dabtsi. Qhov kev ua neej tim ib ua rau tus Tswv zoo siab, qhov kev ua neej tim ob tsuas yog ua neej rau lwm tus zoo siab xwb tsis ua rau tus Tswv zoo siab.
Peb qhov teebmeem nimno yog cov ntseeg Yexus tau cai li cas ntawm tej uas Vajtswv Txojlus tsis txwv ncaj ncaim xws li haus cawv, haus yeeb, twv txiaj yuam pov, yuav lej… Thov Vajtswv qhia kom peb paub txiav txim siab ua los ntawm kev txawj ntse thiab kev hlub, xaiv ua lub neej haum Vajtswv siab thiab muaj nqis rau lwm tus.
Thov Vajtswv,
Vajtswv, thov Koj pub kom nyuam yaus txo hwjchim kawm Koj tej lus kom paub Koj tus dej siab. Thov qhia rau nyuam yaus pom tias nyuam yaus qhov kev paub yog kev hlub thiab txhim tsa lwm tus. Nyuam yaus tuav Tswv Yexus lub npe thov, Amees.
Peb kev ua neej txhim kho lossis ua rau lwm tus qaug zog?
Peb muaj kev txiav txim siab li cas tom qab uas kawm tas zaj no?
Nyeem Vajluskub hauv peb lub xyoo: Yauj 16
Kênh Youtube BHKTHN:
