Pajlug 27:11
Nqe cim:
“Metub, cia li ua neeg ntse, kuv thiaj yuav zoo siab thiab muaj lus teb tej neeg uas saib tsis taus kuv” (Pajlug 27:11)
Lus nug xav:
– Vajntxwv Xalumoos txhawb kom caum txojkev txawj ntse zoo li cas?
– Ua raws qhov kev txawj ntse yuav ua rau neeg zoo li cas?
– Peb kawm tau yam dabtsi dhau zaj kawm no?
Nqe Pajlug no hais txog qhov txuas ntawm txojkev txawj ntse, zoo siab thiab peb txojkev nrog lwm tus lus. Vajntxwv Xalumoos txhawb kom nws cov menyuam xav txog qhov kev xaiv thiab tus cwjpwm vim ntawd tsis yog cuam tshuam menyuam lub neej xwb tiamsis tseem cuam tshuam cov neeg ib ncig thiab. Txojkev txawj ntse coj peb mus tau txojkev zoo siab thiab ua rau peb muaj kev sib raug zoo nrog lwm tus.
Hauv cov lus “cia li ua neeg ntse”, Vajntxwv Xalumoos txhawb kom peb caum txojkev txawj ntse los ntawm qhov rau siab nrhiav, vim kev txawj ntse nws tsis yog qhov paub xwb, nws yog kev totaub, zeem pom thiab muaj peevxwm siv tau tej kev paub ntawd ua raws li Vajtswv lub siab thiab muaj nqis rau lwm tus. Pajlug 4:7 hais tias: “Qhov tseemceeb tshaj plaws, yog lub tswvyim. Koj yuav ua dabtsi los xij, koj yuav tsum xub nrhiav kom tau lub tswvyim”. Lo lus nqua hu tas siab no hais tias cia li npaj rau txojkev txawj ntse, thiab qhov no yog ib qho hauv cov haujlwm tseemceeb uas peb yuav tsum tau ua.
Nqe lus “kuv thiaj yuav zoo siab” hais txog qhov kev zoo siab hauv txojkev sib raug zoo. Lo lus txhawb no qhia paub txojkev xav kom muaj kev koom siab hauv tsevneeg thiab ib leeg txaus siab rau ib leeg. Thaum ua raws kev txawj ntse, peb yuav ua rau muaj kev zoo siab, tsis yog rau peb tus kheej tiamsis pub rau cov neeg uas hlub thiab hmov tshua txog peb. Tej uas peb xaiv ua yuav txhawb tau lwm tus zog, ua rau lawv muaj kev sib raug zoo thiab qhia tawm Vajtswv txojkev hlub dhau ntawm peb.
Peb tabtom ua neej nyob rau lub ntiajteb uas puv npho tej xovxwm, yog qhov chaw yoojyim nrhiav tswvyim thiab tej lus ntuas. Txawm li ntawd los tsis yog tagnrho tej kev txawj ntse puavleej muaj nqis. Qhov uas xav txog qhov peb cia li kam caum kev txawj ntse dhau los ntawm kev thov Vajtswv, kawm Vajtswv Txojlus thiab nrhiav lwm tus qhov kev coj qhia yuav muaj qabhau pab tau kom peb txawj npaj kev ua neej thiab ua lub plag ruaj khov rau peb muaj qhov kev txiav txim siab tau zoo rau yus tus kheej, tsevneeg thiab ua rau Vajtswv tau ntsejmuag.
Thaum ua tib zoo saib peb txojkev ua txhua hnub, peb cheemtsum tig rov los nug, tej lus uas peb hais thiab tej yam uas peb ua puas ua rau cov neeg nyob ibncig muaj kev zoo siab lossis tsis muaj. Ib lo lus qhuas, ua ib yam zoo, lossis txaus siab hlo mloog muaj peevxwm yuav ua rau lwm tus kawm. Ua neej sib txhawb thiab sib pab, peb yuav qhia tawm Vajtswv txojkev hlub, Nws yog kev hlub. Zeem paub qhov tseemceeb ntawm txojkev txawj ntse yuav txhim tsa tau peb muaj kev ua neej muaj nqis nrog tsevneeg, phoojywg thiab Vajtswv haivneeg.
Thov Vajtswv,
Vaj Leej Txiv tus uas zoo kawg nkaus, thov Koj qhia kom nyuam yaus paub saib qhov kev raug zoo nrog sawvdaws tsimtxiaj thiab txhim tsa kom zoo los hauv txojkev txawj ntse uas Vajtswv pub, kom ua rau Vajtswv tau ntsejmuag thiab muaj nqis rau lwm tus. Nyuam yaus tuav Tswv Yexus lub npe thov, Amees.
Peb cheemtsum hloov kev ua neej zoo li cas hauv txojkev sib raug zoo kom ua rau Vajtswv tau qhuas?
Nyeem Vajluskub hauv peb lub xyoo: Nehemis 7
Kênh Youtube BHKTHN:
