I Kauleethaus 4:1-5
Nqe cim:
“Tiamsis tej uas nej lossis lwm tus txiav txim rau kuv, kuv pom hais tias tej ntawd tsis ua li cas rau kuv. Txawm yog kuv los kuv tsis txiav txim rau kuv”(I Kauleethaus 4:3)
Lus nug xav:
– Timthawj Paulus paub txog nws tus kheej thiab cov phoojywg zoo li cas?
– Paulus saib qhov kev ntaus nqi twg tseemceeb?
– Hauv tes haujlwm thiab kev ua haujlwm, lwm tus qhov kev ntaus nqi tseemceeb zoo li cas rau peb?
Ib zaug ntxiv Timthawj hais txog nws tus kheej, Apaulus, Timthawj Petus tias lawv yog “Yexus Khetos cov tubtxib” (nqe 1). Tus neeg ua Vajtswv tes haujlwm cheemtsum pheej hais txog nws tus kheej feem xyuam kom muaj qhov kev zeem paub txog tus kheej, txog lwm tus thiab txog tus Tswv yog, vim tus tubtxib lub siab tsis yog lub siab txeeb meejmom lossis lwm tus tej nqi zog rau yus. Tubtxib tsuas muaj lub siab tas siab nrho ua tes haujlwm tus tswv cob kom zoo, tsis suav tias yus poob, tsis taij kom ua qhov yoojyim, zoo lossis tau qhuas.
Feem xyuam ntxiv uas Timthawj Paulus hais yog cov neeg ua Vajtswv haujlwm kuj zoo ib yam li Paulus, lawv yog cov uas “saib xyuas” lossis “tuav” Vajtswv Txojlus tseemceeb (nqe 1). Tus neeg saib xyuas, lossis tswj saib yog tus tubtxib uas ua txhua yam haujlwm tus tswv muab rau ua tiamsis nws tsis tau sawm tej ntawd. Tus uas saib xyuas yuav tsum paub feem paub yog “ncaj ncees” rau tus tswv (nqe 2), tsis yog ua rau lwm tus tubtxib lossis ib tug neeg twg nyob hauv tsevneeg. Yog li ntawd, lo lus nug tseemceeb tsis yog: Timthawj Paulus paub hais lus dua Apaulus lossis Timthawj Petus? Los yog tag nrho peb txhua tus yuav tsum ncaj ncees rau tej haujlwm tus Tswv muab rau peb ua? Nyob rau ntu no, muaj tsib nqe, Timthawj Paulus siv lo lus “txiav txim”, muaj lub ntsiab tias “ntaus nqi” tsib zaug; qhov no qhia paub lub siab “ncaj ncees” yog hmov tshua lossis saib qhov uas lwm tus ntaus nqi tseemceeb: Tus tswv, cov tubtxib lossis nws tus kheej?
Txawv li peb sawvdaws, txawm yog Timthawj Paulus yog tus uas tsa Pawg Ntseeg Kauleethaus thiab txhawj txog cov ntseeg lub neej ntseeg heev los Paulus saib qhov uas qee tus neeg nyob hauv Pawg Ntseeg Kauleethaus ntaus nqi tias Paulus txawj dua lossis tsis txawj npaum Apaulaus lossis Petus “tsis ua li cas rau nws”, txhais tau tias tsis tseemceeb dabtsi rau Paulus (nqe 3). Nyob rau tiam 21 no, lub ntiajteb tabtom ua neej raws npoj, sawvdaws saib qhov uas tus kheej rov ntaus nqi yus tseemceeb dua. Hais txog Timthawj Paulaus tus kheej, “kuv los kuv tsis txiav txim rau kuv” (nqe 3), rau qhov qee zaus peb twb tsis paub meej txog peb tus kheej. Peb ua yuam kev tiamsis vim swm rau qhov ntawd heev, yog li peb thiaj tsis paub qhov txhaum. Qhov uas Timthawj Paulus suav tias kev ntaus nqi tseemceeb rau nws yog Vajtswv qhov kev ntaus nqi (nqe 4), Nws yog tus uas “muab tej uas neeg ua nyob hauv qhov tsaus ntuj los nthuav rau ntawm qhov pom kev”. Tus Tswv qhov kev ntaus nqis paub neeg lub siab, keebtiv, yog li Nws ntaus nqi muaj nqis heev.
Thov Vajtswv,
Tus Tswv, thov Koj pab nyuam yaus tsis txhob nrhiav kev ntaus nqi ntawm tibneeg, tiamsis nco ntsoov thiab saib tus Tswv kev ntaus nqi tseemceeb, kom nyuam yaus tsis khav thaum tau qhuas thiab tsis qaug zog thaum raug thuam. Nyuam yaus tuav Tswv Yexus lub npe thov, Amees.
Peb ua li cas thaum raug muab los piv lossis raug lwm tus thuam?
Nyeem Vajluskub hauv peb lub xyoos: Exekees 11
Kênh Youtube BHKTHN:
