Pajlug 21:24
Nqe cim:
“ Qhia tus neeg muaj plhus rau kuv thiab kuv yuav qhia tus neeg uas muab hlob, khavtheeb, thiab tsis txawj xav rau koj.” (Pajlug 21:24).
Peb saib ntxiv hauv Phau Txhais Tshiab
“Tus uas tsab ua loj thiab khavtheeb npe hu ua tus muab hlob, mas nws xyaum khavtheeb tsis yuav cai.” (HMOWSV)
Lus nug rau sawvdaws xav:
– Tus neeg “muaj plhus” yog tus neeg zoo li cas thiab muaj ua dabtsi?
– Tus Tswv Txojlus qhia tias yuav tsum ua li cas rau tus neeg muaj plhus?
– Vim li cas peb yuav tsum txo hwjchim hauv Pawg Ntseeg, tsevneeg thiab tebchaws?
Tus neeg uas hu tias “muaj plhus” hauv Pajlug 21:24 yog tus neeg uas tsab ua loj, muab hlob, khav txiv tias nws yog tus paub txhua yam. Tus neeg “muaj plhus” luag lwm tus plig thiab tsis lees yuav qhov tseeb, tsis txo hwjchim los kawm. Tus cwjpwm tsis mloog tej lus ntuas lossis tej lus qhia ua rau peb pom lawv txojkev ruam. Tus neeg ua neej li ntawd tau suav tias yog tus neeg ruam vim lawv tsuas saib lawv txojkev txawj ntse ntiajteb xwb tsis ntshaw lub neej sab ntsujplig uas yog Vajtswv txojkev txawj ntse. Ntawm tus yamntxwv khavtheeb, tus neeg muaj plhus tsis muaj kev txawj ntse tiag, txawm yog lawv mus nrhiav los tsis tau, rau qhov yog xav kawm qhov tseeb ntawm Vajtswv, tus neeg ntawd yuav tsum txo hwjchim thiab mloog lus (Pajlug 14:6).
Tus Tswv Txojlus qhia tias cov neeg “muaj plhus” li ntawd tsis tsimnyog cia peb qhia: “Yog koj ntuas tus neeg uas luag lwm tus plig, mas koj yuav raug thuam... Tsis txhob mus ntuas tus neeg ua luag lwm tus plig hlo nyob tsam nws yuav ntxub koj. Tiamsis yog koj ntuas tus neeg txawj ntse, mas nws yuav hwm koj.” (Pajlug 9:7-8). Qhov uas sij pom muaj nyob hauv Pawg Ntseeg, hauv zej zos lossis tej chaw ua haujlwm, tus neeg “muaj plhus” ua rau muaj kev ntxhov siab, puastsuaj, yog li Vajntxwv Xalumoos thiaj qhia hais tias: “Ntiab cov neeg khavtheeb tawm mus thiaj tsis muaj kev sib cav sib ceg lossis kev xyav luag moo tsis zoo ntxiv lawm.” (Pajlug 22:10).
Nyob hauv keebkwm ua ntu zus los, twb muaj ntau tus neeg khavtheeb puastsuaj. Ib qho pivtxwv tshwjxeeb yog thaum tibneeg khavtheeb koom tes puab tus pejthuam Npanpees, lawv koom siab hais tias: “Nimno peb cia li tsim ua ib lub nroog thiab puab ib tug pejthuam kom siab nto ntuj, peb thiaj muaj koob muaj npe nyob nto moo lug thiab tsis tawg khiav mus nyob ua sab ua sua thoob ntiajteb.” (Chivkeeb 11:4). Qhov kev khavtheeb no, tibneeg xav ua raws li lawv lub siab nyiam, tsis ua li tus Tswv siab nyiam, twb yog li lawv thiaj raug txim, tus Tswv ua rau tibneeg nyias hais nyias ib yam lus thiab khiav mus thoob qab ntuj (Chivkeeb 11:1-9).
Tus Tswv cov menyuam yuav tsum txo hwjchim, kev ua neej thiab ua yam haujlwm twg los yuav tsum thov Vajtswv pab, tsis txhob vamkhom yus txojkev txawj ntse. Yakaunpaus qhia tus lw tsis hloov rau peb tias: “Vajtswv yuav tawmtsam tus uas khavtheeb, tiamsis Vajtswv yuav foom koob hmoov rau tus uas txo hwjchim.” (Yakaunpaus 4:6). Peb yuav tsum nco ntsoov hais tias, thaum peb ua neeg khavtheeb, muaj plhus, kuj txhais tau hais tias peb saib tsis taus tus Tswv, tsis kawm kev txawj ntse ntawm tus Tswv thiab saib tus Tswv lub hwjchim tsis muaj nqis.
Thov Vajtswv,
Tus Tswv, nyuam yaus ua Koj tsaug vim Koj Txojlus qhia nyuam yaus kev ua neej txhua hnub. Thov Koj pab kom nyuam yaus paub nrhiav thiab kawm tej uas Koj nyiam, ua neeg txo hwjchim, hlub ib yam Koj hlub. Nyuam yaus tuav Tswv Yexus lub npe thov, Amees.
Ib tsoom mloog uas hmov thiab tshua,
Peb puas txo hwjchim kawm, txo hwjchim nyob hauv Pawg Ntseeg, tebchaws thiab tsevneeg lawm tau?
Nyeem Vajluskub hauv peb lub xyoo: Teev Npe 22
Kênh Youtube BHKTHN:
