Tơdrong Pơđơ̆k 31:8-9
“Pơih ‘bơ̆r ih ha pơma sek mă tơpăt. Tơgŭm kiơ̆ kơ trŏ lăp kơ lu bơngai dơnuh hin, hăm bơngai pơmat-tat.” (Tơdrong Pơđơ̆k 31:9)
Nơ̆r jet tơchĕng pơwao:
– Mĕ Pơtao Lêmuel bơtho pơlung sư tơdrong kiơ?
– Nơ̆r bơtho pơlung ‘nâu pơma hơđăl tơdrong kiơ lăm bơngai pơgơ̆r?
– Lu bơ̆n yua iŏk tơdrong ‘nâu thoi yơ?
Tơdrong Pơđơ̆k chăl 31 ‘noh nơ̆r bơtho đơ̆ng mĕ Pơtao Lêmuel. Lu bơ̆n ưh kơ băt yua kơ kiơ ôh gah Pơtao ayơ anăn Lêmuel. Pơđĭ ‘bar dêh char gah Gơal păng gah yă nơ̆m ưh kơ đei pơtao ayơ anăn Lêmuel, minh anăn ưh kơ thoi bơngai Hêbrơ. Lăm lu trong 3-7, mĕ Pơtao Lêmuel bơtho khă kơ sư: ‘Nĕ kơ pơm! Lei na trong 8-9 ‘noh lu nơ̆r bơtho athei adrin: Athei pơm bĕ!
Athei pơma ăn bĕ kơ bơngai “ưh kơ pơma” păng “bơngai pơmat tat”. “Bơngai ưh kơ gơh pơma” lăm âu ưh kơ sĭ khan bơngai ưh kơ gơh pơma, na lu bơngai mă ưh kơ đei ‘bơ̆r wă pơma lăm teh đak đah nơ̆r pơma wă dŏng kơdih ‘bơ̆t anăp đe sek tơlang. Lu bơngai ‘nâu phŏ ưh kơ băt chu, dah mă ưh kơ đei ‘bơ̆r đon wă pơma dŏng kơdih akâu ‘bơ̆t năr sek tơlang, dah mă dơnuh hoh, ưh kơ đei tơmam wă dŏng tơdrong noh. Dah bơngai lŭch hloh kơ đe ưh kơ pơyom (Hơriso 72:12-14). “Bơngai pơmat tat” phŏ bơngai đe wă pơlôch, dah kư̆m dai hlôh noh bơngai pơmat tat dah bơngai ưh kơ đei kiơ.
Bơngai pơgơ̆r teh đak đei Kră Yang tơgŭm pơjing wă bơwei pơm kiơ̆ tơdrong tơpăt, mă khan hăm lu bơngai pơmat tat, đe achăng lê̆ ưh kơ hiơ̆k tơgŭm. Đơ̆ng noh, kơplah minh ‘nu pơtao pơgơ̆r tôm tơdrong tơpăt lei na ưh kơ sĭ wă bơwei lu bơngai mă ưh kơ kĕ wă wei dŏng akâu kơdih đĕch na kư̆m bơwei anih pơtao sư mơ̆n. Yua kơ ‘Bok Kei-Dei apah lu bơngai iung dŏng yua kơ tơdrong lơi yua kơ bơngai dơnuh (Tơdrong Pơđơ̆k 20:28). Tơdrong ưh kơ pơyom hlôi juăt păng ưh kơ đei bơwei dŏng lu bơngai arih kơdrô̆ ưh kơ sĭ gah tơdrong lăm teh đak dah tơdrong lui pơm ‘lơ̆ng đĕch na kư̆m tơ’bôh jơhngơ̆m pơjăm pơjuă ‘Bok Kei-Dei jơ̆ Tơ’ngla pơjing plĕnh teh (Tơdrong Pơđơ̆k 14:31; 17:5).
Mă khan lei ră, kăl kơ băt tơdrong dŏng bơwei tơdrong tơpăt kơ lu bơngai dơnuh hin đe pơm ưh kơ tơpăt lăm teh đak phara hăm tơdrong sek tơlang pơdê ưh kơ tơpăt. Mĕ Pơtao Lêmuel bơtho kơ Pơtao ‘nĕ kơ sek tơlang đei yua ăn kơ bơngai dơnuh, mălei “Pơih ‘bơr ih ha pơma sek mă tơpăt” (trong 9a). Na kư̆m ‘nĕ kơ ăn bơngai pơgơ̆r pơgŏ kơplah sek tơlang (trong 9b). Khôi juăt ưh kơ đei pơdê kơ bu. Dah bơngai dơnuh hin pơm yoch glăi khôi juăt, lu sư kư̆m kăl kơ sek tơlang ăn. Tơdrong sek noh athei sek trŏ kơ bơngai, trŏ kơ tơdrong yoch păng ưh kơ đei pơdê kơ bu yua kơ anih oei bơngai noh.
Bơngai pơgơ̆r kăl kơ ling lang băt tơdrong pơgơ̆r năm hơdai hăm tơdrong hiơ̆k pŭ iŏk. Lơ bơngai hưch ham kơ tơdrong pơgơ̆r, anih jang, tơdrong pran mălei sơngah lê̆ tơdrong pŭ iŏk mă năm hơdai hăm tơdrong pơgơ̆r noh (Luka 12:48). Mĕ Pơtao Lêmuel đei bơtho pơlung kon sư athei pơ’lơ̆ng kơplah pơm jang tơdrong pơgơ̆r, athei băt pơgơ̆r akâu jăn kơdih, ưh kơ đei yua iŏk tơdrong jang wă pơhiôk akâu kơdih (trong 3-8). Mălei athei pơm hloi tơdrong hiơ̆k pŭ iŏk kơdih mă trŏ păng ‘lơ̆ng tơpăt.
Ơ Kră Yang, apinh Ih tơgŭm inh ling lang arih trŏ păng tơpăt wă kơ inh pơm hloi dôm tơdrong hiơ̆k pŭ iŏk păng tơdrong Kră Yang ăn kơ lăm hnam dơnŏ, Khul Bơngai Lui păng lăm teh đak kiơ̆ thoi nơ̆r Ih. Krao khan yua anăn Kră Yang Yêsu Krist, Amen.
Bơ̆n oei yua iŏk tơdrong jang dah păng pơm kiơ̆ tơdrong tơpăt lăm anih Kră Yang dan ăn kơ bơ̆n?
Đŏk Sơ̆p Hla bơar ‘Bok Kei-Dei lăm pêng sơnăm: Markôs 15
Kênh Youtube BHKTHN:
