Daniyees 6:10
Thaum Daniyees paub hais tias Vajntxwv sau npe rau hauv tsab ntawv ntawd lawm, nws txawm rov mus tsev. Nws lub tsev chav uas nyob txheejsand muaj ib lub qhovrai qhib lug tig ncaj mus rau lub nroog Yeluxalees. Nws mus txhos caug tig xubntiag rau ntawm lub qhovrai ntawd thiab thov Vajtswv ib hnub twg peb zaug raws li nws ib txwm thov.
Lus nug rau sawvdaws xav:
- Thaum hnov tsab ntawv txwv tsis pub thov Vajtswv, Daniyees ua licas?
- Nqe 10 no qhia txog tej yam tseemceeb twg uas Daniyees ua hauv lub neej thov Vajtswv?
- Yuav ua licas thiaj tsis tu ncua kev thov Vajtswv hauv peb lub neej?
Ib tsoom cov mloog txhua tus,
Thaum hnov tsab ntawv txwv thiab txoj kevcai rau txim rau tus neeg uas tsis coj raws li yuav raug muab pov rau hauv lub qhov tsov ntxhuav, Daniyees “txawm rov mus tsev. Nws lub tsev chav uas nyob txheejsaud muaj ib lub qhovrai qhib lug tig ncaj mus rau lub nroog Yeluxalees” (nqe 10). Vim licas chav tsev txheejsaud ua muaj lub qhovrai tig ncaj mus rau lub nroog Yeluxalees ho tseemceeb? Hauv I-Vajtnxwv 8, thaum ua kevcai fij lub Tuamtsev, vajntxwv Xalumoos thov Vajtswv thaum tus Tswv haivneeg raug yeebncuab tuaj tua, thaum muaj kev tshaib nqhis, thaum raug ntes coj mus ua cev qhev,… yog lawv tig ntsejmuag mus rau lub tebchaws, lub nroog tus Tswv xaiv thiab lub Tuamtsev thov Vajtswv, ces Nws yuav mloog lawv tej lus taij thov. Vim muaj kev ntseeg li ntawd, thaum paub vajntxwv txwv tsis pub leejtwg thov lwm tus vajtswv, Daniyees tsis khiav nkaum thiab nyiag thov Vajtswv. Daniyees tsis suav hais tias thov Vajtswv yog tes haujlwm yuam kev lossis txajmuag. Tiamsis Daniyees saib qhov uas nrog tus Tswv sib txuas lus yog yam uas muaj nqis dua nws lub luag haujlwm uas “saib thoob plaws lub tebchaws” vajntxwv muab rau nws ua (nqe 3), thiab muaj nqis dua nws txojsia.
Nyob hauv chav tsev txheejsaud, “nws mus txhos caug tig xubntiag rau ntawm lub qhovrai ntawd thiab thov Vajtswv ib hnub twg peb zaug raws li nws ib txwm thov” (nqe 10). Daniyees tus mojyam txhos caug thov Vajtswv yog cwjpwm txo hwjchim thiab hwm. Lub ntsiab ntawm Daniyees thov Vajtswv nws tsis yog taij thov xwb, txawm lub tsamthawj yeej tsis zoo taij thov los nws tsis ua li ntawd, tiamsis Daniyees pom ntau yam tsimnyog qhuas thiab ua tus Tswv tsaug. Daniyees txojkev thov Vajtswv yog ib hnub peb zaug hauv txhua txhua hnub. Qhuas tus Tswv, thov Vajtswv, thiab thov Vajtswv ntau zaus hauv ib hnub yog yam uas Daniyees pheej ua hauv nws lub neej. Twb yog vim qhov no, Daniyees thiaj nyob kaj siab lug txawm yog nws yuav raug lawv ntes coj mus pov rau hauv qhov tsov ntxhuav los nws tseem qhuas thiab ua tus Tswv tsaug tsis yws li. Twb yog vim li ntawd Daniyees thiaj muaj lub zog tiv taus tej kev ntxub ntxaug, tej tswvyim phem uas lwm tus ua rau nws.
Lub neej uas nyob qhov chaw ntsiag to, tus cwjpwm zoo ntawm kev thov Vajtswv uas Daniyees pheej ua, pab tau Daniyees muaj lub neej ua haum Vajtswv siab thiab sawv khov kho hauv kev ntseeg. Kev thov Vajtswv cheemtsum rau peb lub neej li cas? Peb kawm xyaum Daniyees tus qauv thov Vajtswv los ntawm muaj tus cwjpwm ua ncaj, txo hwjchim thiab paub ua Vajtswv tsaug thaum tsa ncauj thov peb Leej Txiv tus uas nyob saum ntuj.
Thov Vajtswv,
Tus Tswv, thov Koj pub kom nyuam yaus paub hais tias kev thov Vajtswv yog ib txoj koob hmoov zoo heev. Thov Koj pab nyuam yaus muaj lub siab ncaj, tus cwjpwm zoo, thaum thov Vajtswv thiab muaj qhov chaw tsimnyog los thov Vajtswv haum Koj siab nyiam. Amees.
Ib tsoom cov mloog uas hmov thiab tshua,
Peb cheemtsum hloov yam dabtsi kom peb ua tau ib tug neeg muaj tus cwjpwm thov Vajtswv tsis tseg tsis tu ntawm sab ntsujplig, vim qhov ntawd pab tau peb sab ntsujplig muaj zog tiv taus tej kev txomnyem hauv lub neej?
Nyeem Vajluskub hauv peb lub xyoo: Nehemis 2:11-3:19
Phab Xa Suab Lus nrog rau Phab Cob Qhia Tus Ntseeg koom tes txhim muaj.
Txhua yam kev pab tswvyim txhim kho, thov nej sau ntawv xa rau lub chaw: kawmvajluskubtxhuahnub@gmail.com
Tshooj Youtube BHKTHN: https://www.youtube.com/c/bhkthn
