Pajlug 10:2-3
Nqe cim:
“Tej nyiaj txiag uas koj tau los ntawm txojkev tsis ncaj ncees, yuav tsis ua rau koj npluanuj, tiamsis tej uas tau los ntawm kev ncaj ncees yuav cawm tau koj txojsia” (Pajlug 10:2)
Lus nug rau sawvdaws xav:
– Vajntxwv Xalumoos qhia, li cas yog txawj ntse, li cas yog ruam?
– Vim li cas txoj kev qhia no pheej tsis yog li qhov muaj tiag tiag?
– Yam dabtsi tseemceeb dua kev npluanuj thiab khoom qhov txhia chaw?
Vajntxwv Xalumoos hais txog “nyiaj txiag” lub ntsiab yog kev npluanuj, khoom qhov txhia chaw. Raws li nqe 2, kev muaj khoom qhov txhia chaw tsis yog kev ruam lossis kev ntse, tiamsis yog ua kom npluanuj los ntawm: “tsis ncajncees” lossis “ncajncees” xwb. Qhov vimchiv, vim Vajtswv tabtom tswj tej ntawd, Nws ntsia pom tagnro tej uas tibneeg ua thiab Nws yog tus txiav txim siab rau tej uas neeg tau txais (nqe 3). Ntsia zoj xwb, pom zoo li tus neeg ncajncees raug swb heev vim tsis tau ib yam dabtsi, tiamsis yam uas tus neeg ncajncees tau txais yog tau Vajtswv kev yug kev tu thiab pub txhua yam kev cheem tsum rau yus lub neej (Ntawv Nkauj 37:25). Tiamsis tus neeg ruam zoo li muaj txhua tsav yam tiamsis yam uas nws tsis muaj yog kev txaus siab, vim nws twb raug Vajtswv muab rho tawm lawm, rau qhov Vajtswv muaj hwjchim tswj txhua yam. Vajtswv yog lub nroog ruaj khov uas qhov muag ntsia tsis pom tiv thaiv tus neeg ncajncees, uas tseeb xav ua haum Vajtswv siab thiab mloog raws Vajtswv lub hwjchim. Tiamsis Vajtswv muaj hwjchim tav kev lossis rhuav tshem tus neeg siab phem txoj kev ntshaw, vim nws tsis txais yuav raws li Vajtswv siab nyiam thiab txhob txwm rhuav kom Vajtswv kev npaj tseg ua tsis tiav.
Txoj kev qhia no qee lub sijhawm saib zoo li tsis yog, vim muaj coob tus ntseeg hauv Sudas tabtom tshaib nqhis, cov neeg hwm Vajtswv pluag tiamsis hauv ntawd cov neeg dag, ua tsis ncaj ho vammeej! Tseeb tiag yog thaum peb saib Tswv Yexus tus duab ci tuaj thiab lub neej nyob mus ib txhis mas tej lus qhia no yeej ib txwm yog. Tej zaum tej lus qhia no yeej tsis yog kiag tamsim, tiamsis thaum kawg yeej yuav yog. Tus sau Ntawv Nkauj 73:16-17 hais tias: “Zaj no nyuaj kawg li, tiamsis kuv muab los xav txhij xav txhua saib zoo li cas, txawm yog li ntawd los kuv yeej tsis totaub mus txog thaum uas kuv mus rau hauv koj lub Tuamtsev. Thaum ntawd kuv mam paub tseeb txog tej uas yuav los raug cov neeg siab phem ntawd”.
Qhov vimchiv tim ob, vim muaj tej yam uas tsim txiaj dua kev npluanuj thiab khoom qhov txhia chaw (nqe 2). Vajntxwv Xalumoos pom tus neeg ruam muaj “nyiaj txiag” tiamsis tus neeg ncajncees tsis pom hais dabtsi txog “nyiaj txiag” li! Yog li ntawd, kev npluanuj yeej tsis txhais hais tias tau Vajtswv foom koob hmoov, vim txoj kev npluanuj tau los ntawm kev “tsis ncajncees” ces “tsis muaj nuj nqis” (HMOWSV) thiab coj mus txog kev puastsuaj. Peb pom ntau yam tsim txiaj muaj nqis dua khoom qhov txhia chaw, yog tej yam uas siv khoom qhov txhia chaw los yuav tsis tau. Yam tseemceeb thiaj muaj nqis tshaj uas kev npluanuj thiab khoom qhov txhia chaw yuav tsis tau yog txoj sia, txoj kev ciaj sia tseeb thaum tseem nyob hauv lub ntiajteb no thiab txoj sia yuav nyob mus ib txhis. Thaum uas hais txog tus neeg ruam vajntxwv Xalumoos hais txog “nyiaj txiag” vim yam ntawd yog yam uas tus ruam saib muaj nqis thiab caum, tiamsis thaum hais txog tus neeg txawj ntse ces vajntxwv Xalumoos hais txog txojsia, vim tsuas muaj tus neeg txawj ntse xwb thiaj totaub txog yam uas tseemceeb tshaj ntawm tibneeg lub neej (Malakaus 8:36; Lukas 12:15). Thov Vajtswv pab kom peb ntseeg ruaj rau ntawm Vajtswv tus ncajncees thiab muaj kev hlub.
Thov Vajtswv,
Vajtswv, thov pab nyuam yaus saib pom tej yam uas muaj nqis ntawm sab ntsujplig thiab caum tej yam ntawd kom nyuam yaus muaj txoj sia ib txhis. Nyuam yaus tuav Tswv Yexus Khetos lub npe thov, Amees.
Peb twb tau saj tej lus qhia no li cas lawm?
Nyeem Vajluskub hauv peb lub xyoos: Aunpadiyas 1
Kênh Youtube BHKTHN:
