I Kôrintô 10:1-13
“’Bok Kei-Dei phak lu sư dang noh, Sư wă kơ bơ̆n huay kơ tơchĕng pơm tơdrong kơnê̆ thoi lu yă ‘bok bơ̆n sơ̆.” (I Kôrintô 10:6)
Nơ̆r jet tơchĕng pơwao:
– Yua kơ kiơ lu yă ‘bok kon pơlei Israel lôch rah kơplah oei lăm char glă?
– Đơ̆ng hlôi đei mơn bơih noh, ‘bok Pôl đei tơbăt pơđăm tơdrong kiơ kăl kơ weh wer?
– Chăl dang ei, lu bơ̆n pơhrăm iŏk kiơ hlôi mơn đơ̆ng lu bơngai năm adrol?
‘Bok Pôl pơma gah tơdrong lui ngeh kơdih hloh hnang hăm tơdrong kĕ hlôi đơ̆ng pơhlŭ kơdih akâu, sư ưh pă yua nơ̆r pơma tơblang hmă wă tơ’bôh kiơ̆ kơ sư tơchĕng sơmă sư yua tơdrong hơ’mon đêl juăt bơih hăm lu bơngai mơ̆ng, ‘bok Pôl tơ’bôh tơdrong hơ’mon kiơ̆ kơ jơ hnơr lăm lu bơngai đêl đei mơn Kră Yang rơđah lăm char glă; lăm ala jrăng hơmơ̆l, hlôi kơ đak dơsĭ ‘brê. Sa ‘bĕng mơna đơ̆ng plĕnh, nhă đak đơ̆ng lăm tơmo đơ̆ng Kră Yang ăn hlĭch chrơp (trog 1-4). Mă-lei, đơ̆ng anih lu bơngai đêl đei mơn Kră Yang oei hơdai, thoi noh na “lu sư lôch rah kơplah lu sư oei tơ char glă.” (trong 5). Pơtơm blŭng a ‘lơ̆ng mă-lei tuch luch jing ơh sơ’ngon! Đơ̆ng hlôi mơn lăm char glă, ‘bok Pôl khan tơbăt pơđăm tơdrong kăl kơ weh wer, druh kiơ̆ tơdrong kơnê̆ kơkuh kơ rup yang, pơm pơyô kư̆ kă, pơlong Kră Yang hăm tơdrong tơchĕng gah chăl arih tơ Êgiptơ, jô̆ jŏk (trong 6-10). Lăm tơdrong hơ’mon wă pơma gah nơ̆r khan tơbăt âu oei roi hơ’mon kơ lu kon sâuse Israel wă kơnhăm “pơm kơmĭl” (trong 6) păng “bơtho tơ’bôh” lu bơ̆n, jơhnơr chăl dang ei (trong 11), bơngai gơh hơgei noh bơih bơngai hlôh băt pơhrăm iŏk đơ̆ng đêl hlôi đei mơn keh jing păng ưh kơ keh jing kơdih akâu păng bơngai nai, yua kơ lu bơ̆n ưh kơ kĕ pơhrăm iŏk tôm tơdrong hăm minh tơdrong glăi bơ̆n kơdih, đêl đei hlôi mơn đơ̆ng yă ‘bok Israel lăm char glă bơtho tơ’bôh lu bơ̆n, mă khan lu bơngai đêl hlôi đei mơn kơ Kră Yang lăm adrol sơ̆, mă-lei đơ̆ng ưh kơ pơ’lơ̆ng, đei pơm ăn kơ chăl arih lu sư dăr hơlơ̆k hơle lăm char glă hrĕng kro tơplih kơ tơdrong iŏk đak toh păng đak sut đơ̆ng Kră Yang pơkă wă ăn, Kră Yang ưh kơ dŏng kon pơlei Israel lĕch đơ̆ng dêh Êgiptơ wă chông ba lu sư yak năm đunh lăm char glă, mă-lei tơm hmơm đơ̆ng kơkuh kơ rup yang, pơm pơyô kư̆ kă, tam mă lui gơnang kơ Kră Yang păng jô̆ jŏk đei pơm kơ bơngai mă trŏ arih hiôk jơnap na jing pơmat-tat.
Chăl dang ei, lu bơ̆n trŏ kơ pơhrăm iŏk đơ̆ng lu bơngai đêl hlôi mơn năm adrol, lu tơdrong mă kon pơlei đei bơih păng đei mơn ưh kơ đei pơsĭt ăn kơ lui yom păng pơm kơ Kră Yang lăp đon sot đunh, đơ̆ng hlôi kăl kơ năm hơdai hăm tơdrong pơ’lơ̆ng, kơplah lu bơ̆n ngeh kơdih hloh mă-lei kơplah lu bơ̆n ưh pă pơ’lơ̆ng păng ‘bônh kơ glăi hloh, lui ngeh kơdih akâu, lu bơ̆n lui gơnang kơ Kră Yang păng Nơ̆r Sư, đơ̆ng noh, lăm tơdrong pơhlŭ rai hloh dơ̆ng, thoi noh “ Thoi noh boih na bơngai bu ngêh kơ tơ’ngla sư lui kơjăp, bơngai ‘noh athei kơchăng hli kơ sư jing rơdu pơm yoch.” (trong 12). Athei iŏk Nơ̆r Kră Yang bơtho tơ’bôh rim yak năm lăm chăl arih lu bơ̆n, wă kơ pŭn hiôk păng tơdrong mơnat đơ̆ng Kră Yang ‘bĕnh blai.
Kơkuh kơ Ih ơ Kră Yang, apĭnh ăn kơ inh gơh hơgei, pơ’lơ̆ng păng iŏk đon ala pơhrăm iŏk đơ̆ng đêl đei mơn lu bơngai năm adrol, wă kơ inh huay kơ puh pơ̆k lăm tơdrong pơhlŭ tơ hiong tơdrong pŭn hiôk đơ̆ng Kră Yang ăn; krao khan yua anăn Kră Yang Yêsu Krist, Amen.
Tơdrong kiơ lăm đêl đei mơn ưh kơ keh jing đơ̆ng lu yă ‘bok Israel noh kư̆m tơdrong yoch mă lu bơ̆n ngăl oei glăi?
Đŏk sơ̆p hla bơar nơ̆r ‘Bok Kei-Dei lăm pêng sơnăm: I Têsalônik 3
Kênh Youtube BHKTHN:

































