Thứ Hai 16/11/2026
Trang chủ BÀI HỌC KINH THÁNH HÀNG NGÀY BAHNAR Tơgŭm Bơngai  Wơ̆l Jrok Jing Hlôh Băt Dơ̆ng – 17/11/2026

Tơgŭm Bơngai  Wơ̆l Jrok Jing Hlôh Băt Dơ̆ng – 17/11/2026

1

 

 

II Timôthê 2:22-26

“…Sư athei pơm ‘lơ̆ng kơ đe. Sư bơtho nơ̆r Kră Yang hơgei, đe hil kơ sư, sư athei krŏt đĕch. Sư bơtho lu bơngai pơjah pơjăng păng sư, sư athei bơtho mă ‘lơ̆ng wă kơ bơngai mă pơjah pơjăng păng sư jah hơi jơhngơ̆m. ‘Bok Kei-Dei phŏ Sư ăn kơ bơngai pơjah pơjăng ‘noh tơbral hloi tơdrong yoch sư kơdih na hlôh hloi kơdih tơdrong Kră Yang. Sư đei đon ‘lơ̆ng boih păng gơh jăk đơ̆ng yang Satan…”

(II Timôthê 2:24-26)

Nơ̆r jet tơchĕng pơwao:

–               Lăm kơplah chăl noh sơ̆ kiơ̆ kơ trong 22-26, “nŏng tơchĕng gah akâu kơdih” wă khan kiơ?

–               Timôthê kăl kơ đei jơhngơ̆m thoi yơ hăm lu bơngai bơtho tơdrong lui ưh kơ trŏ?

–               Lu bơ̆n kăl kơ pơm thoi yơ wă kơ ba lu ‘nhŏng mai oh đơ̆ng wơl jrok gơh wih dơ̆ng?

            Sơnăm oei hơmuh hơmŏng oei kĕ pran, pơ̆n nuih, pơ̆n jang, praih rơhăo, ‘maih chă wă kơ hlôh tơdrong ‘nao plơ̆ng… mă-lei, sơnăm oei hơmuh hơmŏng jơ̆ sơnăm oei blôk, wă kơ jah hrĕnh tĕnh. Thoi noh, lăm kơthơ mă mônh, ‘bok Pôl bơtho tơ’bôh khan “Ih ‘nĕ kơ mơ̆ng lu bơngai pran pơjah pơjăng kư̆ kă” păng âu bơih, lăm trong 22, pă minh wơ̆t dơ̆ng sư bơtho tơ’bôh kơ kon sư noh “‘nĕ tơchĕng gah akâu kơdih” tơdrong ‘maih wă lu adruh tơdăm mơlôh, lăm chăl sơ̆ đơ̆ng trong 22-26, noh năm lăm trong tơdrong oei pơjah pơjăng “lu bơngai pran pơjah pơjăng kư̆ kă” hăm lu bơngai tơchĕng glăi (trong 23) ‘Bok Pôl ưh kơ pơma plơ̆ hăm đĭ đăng bơngai pơjah pơjăng trŏ tơdrong, kăl hloh, kư̆m ưh kơ pơma plơ̆ hăm lu pơma tơdrong lui trŏ, tơdrong mă sư pơma plơ̆ lăm âu noh hăm jơhngơ̆m “pran kơ pơjah pơjăng” (trong 24) wă khan “‘maih pơjah pơjăng”.

            Lăm ITimôthê chăl 1, ‘Bok Pôk bơtho khan kơ Timôthê kăl kơ bơtho tơplih kơ pơjah pơjăng; tơgŭm Timôthê hlôh tơdrong pơtrŭt lăm tơdrong bơtho hăm jơhngơ̆m ‘mêm mơnat. Lăm II Timôthê 2: 14-21, sư pơma kơnhăm tơplih kơ pơjah pơjăng, athei “Adrin bơtho… Nơ̆r Kră Yang”. Păng thoi âu dơ̆ng sư pơma thim tơdrong pơtrŭt kăl kơ đei kơplah “ bơtho tơ’bôh” lu bơngai mă puh pơ̆k lăm tơdrong bơtho glăI ưh kơ trŏ noh “Sư ăn kơ bơngai pơjah pơjăng ‘noh tơbral hloi tơdrong yoch sư kơdih na hlôh hloi kơdih tơdrong Kră Yang.” (trong 25-26).

            ‘Nguaih kơ đơ̆ng pơtrŭt tơdrong trŏ na lu bơ̆n kăl kơ đei lăm jơhngơ̆m trŏ. Tơplih kơ pơjah pơjăng hrăp kiơ̆ kơ jơhngơ̆m ‘maih wă kơ pơjei băl lăm lu sơnăm oei hơmuh hơmŏng,  tơplih kơ tơdrong pơjah pơjăng ưh kơ yua, lu bơ̆n athei“Sư athei pơm ‘lơ̆ng kơ đe. Sư bơtho nơ̆r Kră Yang hơgei, đe hil kơ sư, sư athei krŏt đĕch.” Bơtho tơ’bôh kơ lu bơngai mă pơma plơ̆ kơ bơ̆n hăm jơhngơ̆m ‘mêm mơnat (trong 24-25). Jơhngơ̆m ‘lơ̆ng hăm đe, bơtho Nơ̆r Kră Yang hơgei. Kĕ chơ̆n, praih hơlăng hơdai hăm jơhngơ̆m tơgŭm lu sư băt tơbral, hlôh băt Nơ̆r Kră Yang, kư̆m gơh tơgŭm lu bơngai glăi jrok “hlôh băt dơ̆ng”. pơjah pơjăng gah tơdrong lui rai nŏng tơgŭm lu bơ̆n kĕ jei, mă-lei mă khan kĕ jei bơih lăm tơdrong pơjah pơjăng thoi noh, lu bơ̆n oei thuơ lăm tơdrong tơgŭm ‘nhŏng oh bơ̆n băt tơbral, lăm jơhngơ̆m, pơtrŭt mă trŏ hloh noh tơmam tơblah đei yua hloh wă chông ba ‘nhŏng mai oh mă oei wơ̆l jrok hăm đêl ngeh kơ tơdrong lui glăi păng wih dơ̆ng tơ Kră Yang. Dah đêl sơ̆ lu bơ̆n oei ‘maih pơjah pơjăng, ưh kơ thuơ băl, apĭnh Kră Yang ăn kơ lu bơ̆n tơplih kiơ̆ thoi Nơ̆r Kră Yang bơtho, Apĭnh Yang Bơhngol ‘Lơ̆ng pơchrang hơdah tơgŭm lu bơ̆n băt kơ wă pơm thoi yơ wă ba ăn tơdrong ‘lơ̆ng hloh kơ ‘nhŏng oh lu bơ̆n.

            Kơkuh kơ Ih, Ơ Kră Yang, Apĭnh ăn kơ inh băt kơ lăng lăm tơdrong pơtrŭt kơplah pơma dơnuh hăm bơngai nai, apĭnh tơgŭm inh pơhrăm rok kơmĭl Kră Yang, pơm ‘lơ̆ng kơ đe, kĕ chơ̆n, praih hơlăng wă tơgŭm ‘nhŏng mai oh oei wơ̆l jrok wơ̆t dơ̆ng tơ trong tơdrong lui trŏ,  krao khan yua anăn Kră Yang Yêsu Krist, Amen.

Lu bơ̆n toiung dơ̆ng tơdrong arih pơm ‘lơ̆ng kơ đe, praih hơlăng, kĕ chơ̆n hăm bơngai nai thoi yơ?

Đŏk sơ̆p hla bơar nơ̆r ‘Bok Kei-Dei lăm pêng sơnăm: Hơriso 142-143

Kênh Youtube BHKTHN:

https://www.youtube.com/c/bhkthn

Bài trướcĐru Mnuih Soh Lŏ Hdơr – 17/11/2026
Bài tiếp theoGiúp Người Sai Lầm Tỉnh Ngộ – 17/11/2026