Thứ Ba 17/11/2026
Trang chủ BÀI HỌC KINH THÁNH HÀNG NGÀY BAHNAR Tơdrong Anat păng Lui Gơnang – 18/11/2026

Tơdrong Anat păng Lui Gơnang – 18/11/2026

1

 

 

Blŭng a 15:1-6

“Abram lui tơpă kơ Kră Yang, na Kră Yang jô̆ sư bơngai tơpăt.” (Blŭng a 15:6)

 

Nơ̆r jet tơchĕng pơwao:

–               Gah tơdrong Abram đêl đei tơ’bơ̆p bơih tơdrong kiơ, păng Kră Yang pơm thoi yơ ăn kơ sư?

–               Abram pơm kiơ̆ wă tơ’bôh đon lui thoi yơ lăm tơdrong tơ’bưh hăm Kră Yang?

–               Lu bơ̆n tơ’bôh jơhngơ̆m lui gơnang kơ Kră Yang hăm tơdrong anat bơ̆n tơ’bơ̆p bơih thoi yơ?

                                                                                                                                                                                                                                                                                                                                                                                                                      

            Lăm minh tơdrong tơ’bôh, Kră Yang năm tơ Abram păng khan “ih ‘nĕ kơ hli” (trong 1). ‘Bok Abram  hli tơpă ‘bơ̆t anăp Kră Yang “Inh gô lôch mă-lei ưh kơ đei kon, bơngai ioi adrĕch adrung hnam inh noh Êliêser, Đơ̆ng pơlei Đamas.” (trong 2). Lăm tơdrong juăt chăl sơ̆. Kơplah yŏng tơ’ngla ưh kơ đei kon ayoi adrĕch. Sư kư̆m gơh iŏk đĭch đam oei jê̆ sư noh pơm jing kon rong păng lê̆ dôm mŭk tơmam kơ bơngai ‘noh, đơ̆ng dôm sơnăm kiơ̆ Kră Yang, lui kơ nơ̆r Kră Yang pơkă khan sư gô ăn kơ inh jing minh adrŭng tih, mă-lei ‘bok Abram kư̆m tam mă đei kon ayoi adrĕch. Tơdrong ‘nâu pơm kơ jơhngơ̆m gơhret, sư tơchĕng kơdih akâu sư kư̆m pơm thoi lơ bơngai nai, iŏk đĭch pơm kon rong, ‘bôh rơđah sư ưh tam mă lăp lăm jơhngơ̆m hăm tơdrong tơpă noh sư pơma dơnuh păng Kră Yang hăm jơhngơ̆m chrih: “Na Abram khan dơ̆ng: “Âu Kră Yang pơm kơ inh tôch adrĕch; minh ‘nu đĭch đam tơpŭ lăm hnam inh gô jing bơngai pơtrơp ioi tơdrong jang inh.” (trong 3). 

               Kră Yang hlôh dôm tơdrong Abram, mă adrol kơ Abram tam mă pơma dơnuh hăm sư. Kră Yang băt kơ bơngai mă wă ayoi adrĕch gô đei đơ̆ng kơn pơjing tơpă (trong 4). Kră Yang pơlơ̆k Nơ̆r pơkă kơplah athei Abram ngơk lăng tơplĕnh ‘bĕnh kơ sơnglŏng păng khan tơpăt “Ih athei ngoi lăng tơ plĕnh. Dah ih kĕ jô̆ lu sơnglŏng jô̆ bĕ.” Kră Yang khan dơ̆ng: “Adrĕch adrung ih kư̆m gô thoi noh.” (trong 5). Tơdrong mă tơdra noh đei yua ăn kơ Abram yua kơ Tơ’ngla mă pơjing đĭ đăng lu sơnglŏng pal plĕnh noh đơ̆ng Tơ’ngla pơkă kơ kon sâu sư. Wă pơsĭt Kră Yang gơh pơm dôm tơdrong đêl Sư pơkă  Pơm kiơ̆ Nơ̆r Kră Yang khan pơkă “Abram lui tơpă kơ Kră Yang, na Kră Yang jô̆ sư bơngai tơpăt.”  (trong 6). ‘nâu minh trong lăm Nơ̆r Kră Yang pơma tôm lăm chăl Abram, lăm tơdrong arih sư, arih hăm đon lui păng Kră Yang jô̆ jing ‘lơ̆ng tơpăt, ‘bok Pôl yua Nơ̆r ‘Bok Kei-Dei âu wă bơtho tơdrong ‘Bok Kei-Dei jô̆ jing ‘lơ̆ng hăm minh ‘nu bơngai mă đei đon lui tơpă ưh kơ sĭ yua kơ adrin kơdih pơm ‘lơ̆ng thoi yơ hĭ (Rôm 4: 3; Galati 1: 6). Jô̆ jing ‘lơ̆ng tơpăt dah mă đơ̆ng Kră Yang lăp đon ưh kơ sĭ yua kơ đơ̆ng adrin kơdih wă kơ mă keh. ‘noh bơih đơ̆ng Kră Yang ăn đĕch “ Jô̆ khan” ưh kơ đei bu kĕ pơm ‘lơ̆ng tôm mă pơm ăn kơ Kră Yang lăp đon. Mă-lei yua kơ đơ̆ng Kră Yang mơnat ăn đĕch. Kră Yang Yêsu pơm tôm tơdrong tơdrong mă kon bơngai ưh kơ kĕ, dah bơngai bu đei đon lui tơpă, pơmj kơ Kră Yang lăp đon na gơh jô̆ jing ‘lơ̆ng tơpăt, apĭnh Kră Yang tơgŭm lu bơ̆n ling lang lui gơnang kơ Kră Yang, na gơh pơm ăn kơ tơdrong mă Kră Yang tơdă hơmet lê̆ bơih lăm chăl arih lu bơ̆n thoi Nơ̆r Kră Yang pơkă khan lê̆ adrol.             

Kơkuh kơ ih, Ơ Kră Yang yua kơ Ih băt lăm tơdrong hli đei lăm inh kơplah mă inh ưh tam mă apĭnh Ih. Apĭnh ăn kơ inh lui gơnang kơ Kră Yang Yêsu, păng đei sơng iŏk đơ̆ng Nơ̆r Ih pơkă, apĭnh tơgŭm inh ling lang tơnăp lăm đon lui kơ Kră Yang păng klaih đon lui âu kơ bơngai nai dơ̆ng. krao khan yua anăn Kră Yang Yêsu Krist, Amen.

Lu bơ̆n hăm đei hơnet adrol kơ wă roi ăn kơ Kră Yang dôm tơdrong mă lu bơ̆n tơ’bơ̆p păng lui gơnang kơ Sư dah mă adrin pơkeh kơdih?

 

Đŏk sơ̆p hla bơar nơ̆r ‘Bok Kei-Dei lăm pêng sơnăm: I Têsalônik 1

Kênh Youtube BHKTHN:

https://www.youtube.com/c/bhkthn

Bài trướcKlei Dleh Dlan Leh Anăn Klei Đăo – 18/11/2026
Bài tiếp theoNan Đề và Tin Cậy – 18/11/2026