Thứ Hai 16/11/2026
Trang chủ BÀI HỌC KINH THÁNH HÀNG NGÀY BAHNAR Adrin Bơtho Nơ̆r Kră Yang – 16/11/2026

Adrin Bơtho Nơ̆r Kră Yang – 16/11/2026

26

 

 

II Timôthê 2:14-21

“Ơ Timôthê, ih athei adrin jang tơdrong ‘Bok Kei-Dei wă kơ Sư lăp đon kơ tơdrong jang ih tơpă. Ih jang thoi noh ih huay kơ mơlâu kơ tơdrong jang ih ôh, yua kơ ih bơtho trŏ tơdrong ‘Bok Kei-Dei.”

(II Timôthê 2:15)

Nơ̆r jet tơchĕng pơwao:                                                    

–               ‘Bok Pôl athei Timôthê bơtho bơngai nai weh wer đơ̆ng tơdrong kiơ?

–               Sư pơkă kơ Timôthê kăl kơ adrin lăm tơdrong kiơ?

–               ‘Bai pơhrăm năr ‘nâu tơ’blŏk kơ lu bơ̆n kăl kơ pơm kiơ wă tơiung dih băl tơdrong lui?

 

            Đơ̆ng trong 14 lăm chăl 2, ‘Bok Pôl bơtho Timôthê gah tơdrong lu bơngai bơtho hơlĕnh dah tơdrong bơtho glăi (II Timôthê 2: 14-3:9). Sư yua nơ̆r juăt kơ pơma “athei weh” păng “athei pơm”  wă tơ’bôh ăn kơ  bơngai mă jang hơdai mă oei ‘lơ̆p mơlôh, lăm Sơ̆p Hla Bơar Nơ̆r ‘Bok Kei-Dei năr ‘nâu pơtrơp kơ̆l ‘bai kơthơ mă minh đei pơma bơih noh “’nĕ pơjah pơjăng kư̆ kă.” (trong 14) “‘nĕ pơjah pơjăng thoi noh ưh kơ đei yua kiơ”, păng “’nĕ kơ năm mơ̆ng lu bơngai pơjah pơjăng kư̆ kă” (trong 16), kơdih akâu ‘Bok Pôl chu pơ̆n pơjah dah pơjăm pơjuă tơdrong ‘Nao ‘Lơ̆ng, sư kư̆m pơma tơpăt plơ̆ kơplah mă  Pêtrôs pơm ưh kơ lei lăI, pơm ăn kơ bơngai nai hlôh glăi khan adrĕch tơmoi khŏm kăt tơdra akar na gơh klaih (Galati 2: 11-14). Mă-lei, âu bơih, tơdrong Pôl tơ’blŏk wă kơ weh đơ̆ng tơdrong pơjah pơjăng ưh kơ yua kiơ, yua kơ lu sư “pơrăm đe đĕch dah bơ̆n pơjah thoi noh.” (trong 14), păng pơm kơ lu sư “thoi noh lu sư rai đunh rai weh ataih đơ̆ng ‘Bok Kei-Dei” (trong 16).

            Ưh kơ dơ̆ng hăm tơdrong weh wer, ‘bok Pôl tơ’bôh kơ Timôthê mă lu bơ̆n chăl dang ei lăm tơdrong arih tơdrong jang rai Adrin hloh: Adrin bơtho “tơdrong ‘Bok Kei-Dei” (trong 15). Lu bơ̆n ưh kơ gơh plơ̆ kơ tơdrong lui hơlĕnh hăm tơdrong pơjah gah tơdrong glăi lu sư. Tơdrong mă lu bơ̆n kăl kơ adrin mă hloh noh dơ̆ng noh pơhrăm Nơ̆r Kră Yang wă kơ hlôh băt păng bơtho nơ̆r Sư, đơ̆ng noh, mă khan bơngai jum dăr wă pơhlŭ “tŭk lê̆ tơdrong ‘Bok Kei-Dei.” phŏ kư̆m “pơtuah lu bơngai lui mơ’nah jing achăng lê̆ tơdrong lui mơ̆n.”  (trong 18), na lu bơngai hlôh rơđah tơdrong sĭt tơpă jinh đei minh “hơnă kơjăp” jơ̆ hơnă “oei kơjăp hơnơ̆ng” mă khan jum dăr lơ bơngai pơ̆k kơtơih kơ tơdrong pơhlŭ glăi (trong 18-19).

            Chăl dang ei, ưh kơ tŏ sĕt bơngai ‘bônh kơ puh pơ̆k đơ̆ng tơdrong pơjah pơjăng ưh kơ sĭ lăm Khul Bơngai lui đĕh mă lơ noh lăm teh đak âu, kơplah puh pơ̆k lăm tơdrong pơjah pơjei băl, ưh kơ sĭ khan wă tơiung đon lui mă jing đei ơh păng tơklah băl, ‘bai pơhrăm âu wă tơ’blŏk kơ lu bơ̆n ‘nĕ kơ hiong jơ ‘năr, jơhngơ̆m pran lăm tơdrong pơjah ưh kơ yua kiơ, athei kơnhăm tơiung dih băl lăm Nơ̆r Kră Yang, kăl kơ pơtrŭt lăm tơdrong đŏk hŏk pơhrăm Nơ̆r ‘Bok Kei-Dei, wang pơhrăm lăm Năr Pơpơh, pơnam lăm tơdrong akŭm kơkuh kơ Kră Yang, păng klaih asong dih băl hăm Nơ̆r ‘Bok Kei-Dei, kơplah bơ̆jang kơ Kră Yang, bơtho păng arih pơm kiơ̆ Nơ̆r Kră Yang na gơh pơtrŭt lơ bơngai băt hlôh Nơ̆r ‘Bok Kei-Dei păng arih dơ̆ng kơjăp lăm Nơ̆r Kră Yang, apĭnh Kră Yang ăn kơ lu bơ̆n ‘blŏk răk Nơ̆r Sư, ling lang “iŏk jơhngơ̆m tơpăt adrin bơtho Nơ̆r Kră Yang”.      

            Ơ Kră Yang, bơnê kơ Ih yua kơ Nơ̆r Ih đei yua tơpă ăn kơ inh, wă kơ inh weh wer đơ̆ng pơjah pơjăng gah chư nơ̆r weh đơ̆ng pơjah pơjang ưh kơ yua lăm tơdrong ala teh, khŏm adrin đĭ jơhngơ̆m lăm tơdrong hŏk pơhrăm păng klaih asong Nơ̆r Kră Yang ăn kơ đe nai. krao khan yua anăn Kră Yang Yêsu Krist, Amen.

            Lu bơ̆n wang hơdai bơ̆jang rei Nơ̆r sĭt tơpă thoi yơ bơih?

 

Đŏk sơ̆p hla bơar nơ̆r ‘Bok Kei-Dei lăm pêng sơnăm: Hơriso 140-141

Kênh Youtube BHKTHN:

https://www.youtube.com/c/bhkthn

Bài trướcTP. HCM: Khởi công Xây dựng Nhà thờ Tin Lành Bình Khánh