Pajlug 27:12-13
Nqe cim:
“Tus neeg paub qabhau pom tej xwm uas yuav raug nws, nws txawm zam kev lawm, tiamsis tus neeg ruam too hau ntsoov mus rau qhov ntawd, thaum uas nws tau chaw ti nws mam li xeev xwm” (Pajlug 27:12)
Lus nug xav:
– Kev xyuam xim muaj nqis li cas?
– Tsis xyuam xim yuav tau txais nqi zog dabtsi?
– Peb cheemtsum ua neej xyuam xim zoo li cas?
Pajlug 27:12-13 hais txog qhov kev sib txawv ntawm tus neeg paub qabhau thiab tus neeg ruam, hais txog qhov kev xav thiab kev ntsia deb dav thaum muaj tej xwm los raug lub neej.
Tus neeg paub qabhau pom tej xwm los yuav raug nws thiab paub zam kev. Lawv yuav zeem pom tej xwm uas txaus ntshai thiab ua tej yam cheemtsum kom tau kev kaj siab. kom tau li ntawd, cheemtsum yuav tsum muaj ib txoj kev txawj ntse uas siab tshaj tej kev txawj ntse pheej tshaj, qhov no tsuas yog tau txais los ntawm tus Tswv uas yog lub hauvpaus txawj ntse pub xwb. Ua neej nyob hauv lub ntiajteb puv npho tej kev ntxhov siab, tus ntseeg uas paub qabhau yuav tsum paub txog tej kev txaus ntshai thiab muaj kev txiav txim siab koom pab tau tus kheej. Tus neeg uas tsis xyuam xim yuav tau txais nqi zog txaus ntshai heev li. Lawv yuav tsis quavntsej lossis tsis zeem pom tej kev txaus ntshai ibncig. Tej kev ua uas tsis xav ua ntej lossis txhob txwm ua thaum kawg yuav raug kev puastsuaj. Peb kuj pom tej nqi zog uas tsis xyuam xim ua raug, xws li tsis ua siab ntev txiav txim siab sai, lossis nqi zog koom zeej (xã hội) ntawm tej lus hais thiab tes haujlwm uas ua rau muaj kev kub ntxhov sib faib, lossis tej nqi zog sab ntsujplig uas raws lub tswvyim nyob ib vuag ntawm lub ntiajteb.
Pajlug 27:13 rov hais ntxiv txog qhov tseemceeb ntawm kev xyuam xim thiab txiav txim siab txawj ntse. Lo lus qhia txog kev cheemtsum “cia li txais lub tsho ntawm tus uas muab qhwv lwm tus” thiab “cia li khaws tej tiv thawj uas nws muab qhwv lwm tus”, taw qhia ib lo lus nqua hu txog lub tswvyim thiab xyuam xim thaum siv nyiaj txiag ua lag luam, zeem paub tej kev poob uas muaj peev xwm yuav tshwm tuaj ntawm tes haujlwm tsis ua tib zoo xav lossis tsis xyuam xim.
Txawm yog muaj tswvyim tswj nyiaj txiag, xyuam xim ntawm tej kev sib raug zoo thiab sib txuas nrog koom zeej, lossis feem xyuam tswj saib cov sijhawm tus Tswv muab rau peb, tus ntseeg uas muaj tswvyim yog tus uas zeem paub qhov tseemceeb ntawm qhov kev xyuam xim thiab kev ntsia deb dav. Uas yog tu kev xav thiab kev ntsia yav tom ntej ntawm tus neeg muaj tswvyim, peb kuj muaj feem tivthaiv tau tus kheej thiab tej txheebze dim tej nqi zog tsis zoo, thiab tabpov hais tias peb yog tus neeg tswj saib uas ncaj ncees rau tej yam tus Tswv pub thiab txojkev sib raug zoo nrog tus Tswv. Thov Vajtswv pab kom peb ua tib zoo mloog tej lus nqua hu txog kev xyuam xim, zeem paub tej kev txaus ntshai ibncig thiab ua raws cov kauj ruam cheemtsum kom muaj kev kaj siab nyob hauv lub tswvyim Vajtswv pub. Thov kom peb kev ua neej dhau mus ua timkhawv txog Vajtswv lub hwjchim hloov los ntawm lub tswvyim, rub tau lwm tus los txais kev cia siab ruaj khov uas muaj nyob hauv Yexus Khetos.
Thov Vajtswv,
Vajtswv, thov Koj pab kom nyuam yaus paub xyuam xim thiab muaj tswvyim ua neej tiv thaiv tau tus kheej, qaij deb tej nqi zog tsis zoo, thiab ua neej rau tus Tswv tau ntsejmuag. Nyuam yaus tuav Tswv Yexus Khetos lub npe thov, Amees.
Peb cheemtsum ua yam dabtsi kom ua tau neeg xyuam xim rau kev ua neej?
Nyeem Vajluskub hauv peb lub xyoo: Phau Ntawv Nkauj 112-113
Kênh Youtube BHKTHN:
