1 Timautes 5:1-2
Nqe cim:
“Tsis txhob cem cov yawg laus, tiamsis koj yuav tsum ua tib zoo ntuas lawv ib yam li koj ntuas koj txiv. Cov uas hluas li koj, koj yuav tsum ntuas lawv ib yam li koj ntuas koj cov kwvtij. 2Koj ntuas cov pog laus ib yam li koj ntuas koj niam; thiab cov pojniam uas tseem hluas, koj yuav tsum muaj lub siab ncaj ntuas lawv ib yam li lawv yog koj cov muam” (1 Timautes 5:1-2)
Lus nug xav:
– Timthawj Paulus hais lolus qhuab ntuas twg rau tus xibhwb hlua Timautes?
– Peb yuav ua tej yam yog tiag tiag twg kom peb tus cwjpwm phim thaum qhuab ntuas?
Tom qab ua tib zoo ntuas Xibhwb hluas Timautes “Cia li ua tib zoo saib koj tus kheej thiab tej uas koj qhia. Cia li xyaum raws li tej no tsis tu li” (1 Timautes 4:16 HMOWSV), timthawj Paulus hais txog ib tes haujlwm uas tus tu pab yaj pheej yuav tsum ua, ntawd yog qhuab ntuas. Qhuab ntuas tsuas muaj qabhau thaum uas tus qhuab ntuas tabtom “xyaum ua neej haum Vajtswv siab”. Thaum ntawd, yus tej lus ntuas thiaj tsis muaj dabtsi tav kev los ntawm yus lub neej thiab yus kuj zeem paub hais tias vim yus los kuj tseem yog ib tug tabtom “xyaum”, vim li ntawd yus tsis sawv ntawm qhov chaw uas yog ib tug neeg zoo dua txiav txim lwm tus.
Cia kom pab tau xibhwb hlua Timautes hauv tes haujlwm no, timthawj Paulus ntuas nws “tsis txhob cem”. Lolus ntuas, tawm tswvyim, cem hnyav uas tshwm ntawm txoj kev npautaws, ntxub, lossis ua saib tsis taus mas yuav ua rau raug mob thiab muaj qhov tsis zoo ntau dua qhov zoo. Vim li ntawd, yam uas Timautes cheem tsum ua rau txhua hom neeg “tsis txhob cem” tiamsis “ua tib zoo ntuas” maj mam hais, sib hwm thiab ntse ntsuav.
“Cov yawg laus” thiab “cov pog laus” (nqe 1-2) yog hom neeg uas tus thawjcoj hlua pom khwv kawg uas yuav tawm tswvyim rau lawv. Txoj kev coj noj, coj ua hnub thaud qhia yuav tsum hwm saib taus cov laus. Niaj hnub nim no kuj tsimnyog khaws tej yam muaj nqis no tseg cia vim ntawd yog Vajtswv tej lus samhwm (Levi Kevcai 19:32). Txawm li ntawd los, hauv feem xyuam coj ntawm sab ntsujplig, xibhwb Timautes yeej tawm tswvyim rau cov neeg laus thaum cheem tsum. Thiab kuj ntuas ib yam li ntawd rau cov hlua thiab cov pojniam (nqe 1-2). Qee lub sijhawm peb siv zog ua tib zoo “dov nplaig” thaum tawm tswvyim rau cov laus, tiamsis tshuav “cov hluas” nrog rau cov “pojniam”, yog cov uas raug tiam thaud saib tsis muaj nqis, yog leejtwg raug ntuas ces raug cem hnav heev. Txawm li ntawd los, ua tib zoo “qhuab ntuas” tsis “cem” hnyav yog qhov uas peb yuav tau siv rau txhua hom neeg. Saib lawv yog “txiv”, “kwvtij”, “niam”, “muam”, saib lawv zoo li yus tsev neeg, hlub lawv, hmov tshua lawv, ua li ntawd tej lus uas peb tawm tswvyim thiaj yoojyim rau luag txais yuav.
Qhuab ntuas tsis yog ib tes haujlwm yoojyim ua, tshwjxeeb yog thaum ib tug thawjcoj hluas yuav tau qhuab ntuas ntau hom neeg hauv Pawg ntseeg. Tiamsis, yog muaj lus ceebtoom, ntuas yog sijhawm, yuav muaj ntau leej tsis ua txhaum thiab tu siab rau lawv tej kev txhaum. Vim li ntawd, tsis hais yam uas tsimnyog hais ces yog ua tsis yog lawd, thov Vajtswv pub kom peb muaj tswvyim, kev hlub cia kom peb hais kom yog sijhawm, tsimnyog thiab sib hwm.
Thov Vajtswv,
Tus Tswv, nyuam yaus ua tsaug rau Koj paub hais tias nyuam yaus yuav dhau los ua neeg zoo dua los ntawm kev nyob nrog lwm tus. Thov pab nyuam yaus tawm tswvyim rau lwm tus los ntawm txoj kev hlub, sib hwm kom muaj nqis rau sawvdaws. Nyuam yaus tuav Tswv Yexus Khetos lub npe thov, Amees.
Peb puas tau qhuab ntuas leejtwg yog sijhawm, tsimnyog thiab sib hwm lawm?
Nyeem Vajluskub hauv peb lub xyoos: Exekees 32
Kênh Youtube BHKTHN:
