1 Vajntxwv 13:1-3
Nqe cim:
“rau qhov tus TSWV uas yog nej tus Vajtswv khib nej heev, nws zoo ib yam li tej nplaim taws uas cig laim lias” (2 Kevcai 4:24)
Lus nug rau sawvdaws xav:
– Vim li cas tus Cevlus mus rau ntawm Npethees foom phem lub thaj ho tsis foom phem rau Yelaunpau-as?
– Vim dabtsi vajntxwv yuav ntes tus tshaj tawm Vajtswv Txojlus?
– Peb muaj tus cwjpwm li cas rau Vajtswv Txojlus?
Cia kom tabpov vajntxwv lub tebchaws, Yelaunpau-as xav ruam nchuav ob tug nyuj kub mus txawb rau ntawm Npethees thiab Das, thiaj ua rau cov pejxeem ua txhaum rau Vajtswv, yog li ntawd, Vajtswv thiaj txib ib tug Cevlus sab qab teb tshaj tawm lawv kev raug txim. Thaum tus Cevlus no mus txog ntawm Npethees thiab foom phem rau lub thaj hloov qhov yuav foom phem rau Yelaunpau-as, qhov no qhia pom Vajtswv Txojlus hais tias Nws tso vajntxwv tseg lawd, vim vajntxwv ua txhaum Vajtswv kev coglus tseg rau vajntxwv. Thiab lo lus foom phem rau thaj kuj qhia pom Yelaunpau-as txoj kev pehawm uas nws rhawv tsim tsis dawbhuv thiab tsis muaj nqis.
Lo lus cev no nws yog ob seem yav tom ntej thiab nim no. Mus rau yav tom ntej, lo lus cev hais meej ib tug vajntxwv yuav tshwm hauv Daviv tsev neeg los nws lub npe hu ua Yauxiyas, nws yuav rhuav tej qhov chaw uas Yelaunpau-as txhim tsa los pehawm tseg, txhais hais tias tej uas Yelaunpau-as ua tau los ntawm kev ntseeg yuav muab rhuav huv tibsi pov tseg, vim ntawd yog txoj kev pehawm “tuag” (nqe 2). Thiab 300 xyoo tom qab, lo lus cev no muaj tiav li ntawd (2 Vajntxwv 23:15-16). Ua li cas tus Cevlus no muaj peevxwm hais tau meej lub npe hauv lo lus cev no, yog hais tias Vajtswv tsis hais qhia nws paub. Los rau tamsim no “Lub thaj no yuav vau tawg ntsoog ntxaws thiab tej hmoov tshauv uas nyob saum lub thaj yuav nchuav tas” (nqe 3). Raws li Kevcai, lub thaj yuav tsum huv los ntawm qhov uas nqa tshauv mus nchuav rau lwm qhov (Levis Kevcai 6:10-11). Qhov uas tshauv nchuav los rau hauv lub thaj mas txhais hais tias lub thaj ntawd qias heev.
Khuvxim Yelaunpau-as tsis mloog Vajtswv lus thiab tsis tso kev txhaum tseg, tsis tas li ntawd, vajntxwv tseem chim thiab xav ntes Vajtswv tus Cevlus (nqe 4). Qhov no qhia pom: Tim ib, vajntxwv tsis ntseeg Vajtswv lolus ceebtoom. Txawm lo lus cev hais meej tus vajntxwv uas yuav rau txim lub npe tiamsis yuav ua cas ntseeg tau thaum lub tebchaws qaumteb tseem tabtom muaj zog heev! Tim ob, vim khavtheeb thaum uas tus Cevlus no tseem hluas, vim tom qab twb hais txog ib tug Cevlus laus, thiab muaj tiav li lo lus cev no 300 xyoo tom qab ho yog ib tug vajntxwv rau yav qabteb. Qhov vimchiv loj tshaj plaws yog lub siab khavtheeb. Thaum uas tus Cevlus qabteb mus txog ntawm Npethees ntsib vajntxwv Yelaunpau-as ces vajntxwv tabtom fij khoom, thiab ntawd yog ib tes haujlwm uas ib tug vajntxwv tsis muaj cai ua. Qhov no qhia pom hais tias vajntxwv khavtheeb heev.
Niaj hnub nim no, yuav tau ua tib zoo vim yoojyim tsis “xav mloog” Vajtswv lus tiamsis ho xav “maj hais” tej kev npautaws, kev iab siab tawmtsam Vajtswv, tsis tas li ntawd, “chim sai” rau Vajtswv Txojlus. Nco ntsoov hais tias kev npautaws rau Vajtswv Txojlus yog yam uas tsis tsimnyog ua (Yakaunpaus 1:19-21).
Thov Vajtswv,
Tus Tswv, thov Koj pub nyuam yaus muaj lub siab txo hwjchim mloog raws li tej lus uas Koj qhia. Thov pab nyuam yaus paub tso kev txhaum tseg thaum uas hnov Koj tej lus tabtom ntuas qhia kom nyuam yaus tsis poob ntawm Koj mus. Nyuam yaus tuav Tswv Yexus Khetos lub npe thov, Amees.
Peb puas txo hwjchim mloog Vajtswv lus thiab ua raws Nws siab nyiam?
Nyeem Vajluskub hauv peb lub xyoos: Ntawv Nkauj 70-71
Kênh Youtube BHKTHN:
