Exalas 7:25-26
Nqe cim:
“Tus TSWV txojkev yeej yog txoj tseeb, thiab cov neeg ncaj ncees uas taug txojkev no yuav tau txojsia, tiamsis cov neeg txhaum yuav dawm thiab ntog vim lawv tsis mloog tej lus no” (Hauxeyas 14:9b)
Lus nug rau sawvdaws xav:
– Vajtswv siv vajntxwv Pawxias samhwm rau Exalas ua dabtsi?
– Qhov no qhia tawm Vajtswv kev ncajncees li cas?
– Vajtswv kev ncajncees coj nruj li cas rau niaj hnub nim no?
Los rau xyoo 7 uas vajntxwv Ataxawxes tswj kav, nws samhwm pub cai rau Exalas thiab nrog rau ib txhia cov Yixalayees tau rov los rau Yeluxalees. Lawv tau cai rhawv tsim kev tswj cov Yixalayees raws li Vajtswv txoj Kevcai. Exalas 7:25-26 qhia tawm Vajtswv kev ncajncees thaum uas siv vajntxwv Pawxias samhwm rau Exalas: Tsa cov uas paub Vajtswv txoj Kevcai los ua nomtswv, qhia Vajtswv Kevcai rau cov uas tsis tau paub, thiab yuav tsum muaj kev txiav txim ncaj ncees, muab nqi zog thiab rau txim raws li Vajtswv txoj Kevcai. Ibtxwm yog Povthawj hlob ntawm Aloos cajceg thiab “kawm tus TSWV txoj kevcai thiab xyaum ua nws lub neej kom raws li txoj kevcai ntawd, thiab nws muab tej kevcai thiab tej kabke ntawd qhia huv tibsi rau cov pejxeem Yixalayees” (Exalas 7:10) vim li ntawd Eaxalas haum nyob rau tes haujlwm no.
Kevcai, lossis hu hais tias Mauxes Kevcai, tiamsis tseeb tiag yog Vajtswv Kevcai, tagnrho kaum nqe Kevcai, thiab tej kevcai fij khoom, kevcai tswj pejxeem. Hauv ntawd kaum nqe Kevcai tseemceeb dua vim nws puag tagnrho hauv Txoj Kevcai, tej kevcai fij khoom, kevcai tswj pejxeem tsuas siv qee lub sijhawm uas yuav tsum siv xwb. Ob nqe Vajluskub hnub no qhia pom Vajtswv Txoj Kevcai yuav tsum tau qhia, ceev thiab… rau txim. Vim li cas? Vim txoj Kevcai muaj feem xyuas tseemceeb heev, nws coj txoj sia los rau cov Yixalayees (Levis Kevcai 18:5) zoo li ib txoj kevcai pab tswj lub tebchaws nyob tus yees. Txoj Kevcai kuj yog ib yam cuabyeej uas cia txhua tus tibneeg paub Vajtswv tus yam ntxwv ncajncees: “Koj yeej tu koj tej lus qhia ncaj ncees thiab tso siab tau huvsi” (Ntawv Nkauj 119:138). Vajtswv kev ncajncees tsis pub cai rau tej uas Nws tsim los rhuav tau Nws txoj Kevcai. Yog coj raws lawv yuav tau txais koob hmoov, yog tsis coj raws lawv yuav raug kev puastsuaj (2 Kevcai 28:1-2, 15). Tswv Yexus yog Tus yuav txiav txim thiab yuav muab nqi zog lossis rau txim. Tswv Yexus yog Tus yuav sawv txiav txim muaj tseeb thiab tsis xaiv ntsejmuag: “Tus TSWV, kuv paub hais tias koj txojkev txiav txim yeej ncaj ncees, qhov uas koj rau txim rau kuv, koj yeej ua ncaj lawm.” (Ntawv Nkauj 119:75). Vajtswv kev ncaj ncees qhia tawm dhau los ntawm txoj Kevcai coj nruj pab peb paub hwm Vajtswv.
Niaj hnub nim no Vajtswv tseem ua siab ntev tos peb tso kev txhaum tseg: “Muaj qee leej xav hais tias, Vajtswv tseem yuav tos ntev Vajtswv mam li ua raws li Vajtswv tau coglus tseg lawm, tiamsis yeej tsis yog li lawv xav. Vajtswv ua siab ntev rau nej, rau qhov nws tsis xav cia ib tug twg puastsuaj mus, tiamsis nws xav kom txhua tus nyias muab nyias tej kev txhaum huv tibsi tso povtseg” (2 Petus 3:9). Tiamsis Vajtswv Txoj kevcai yeejtseem coj nruj, muab nqi zog thiab rau txim ncajncees, vim li ntawd peb yuav ua neej ncajncees tshaj tawm tus Tswv Txojmoo Zoo rau tibneeg coob leej.
Thov Vajtswv,
Vajtswv tus ncajncees! Thov pab nyuam yaus nco hais tias Koj Txoj Kevcai yeej tseem coj nruj thiab ncajncees heev kom nyuam yaus ua neej paub hwm Koj, tas siab tshaj tawm Koj Txojmoo Zoo rau coob leej ntau tus. Nyuam yaus tuav Tswv Yexus Khetos lub npe thov, Amees.
Peb yuav tau ua dabtsi thaum paub hais tias peb los yuav tau sawv tabmeeg ntawm Vajtswv txoj kev ncajncees thiab kev txiav txim?
Nyeem Vajluskub hauv peb lub xyoos: Tes Haujlwm 22
Kênh Youtube BHKTHN:
