Lukas 18:1-8
Nqe cim:
“Yexus hais ib zaj lus pivtxwv rau nws cov thwjtim hais tias, kom lawv niaj hnub thov Vajtswv tsis txhob qaug zog.” (Lukas 18:1).
Lus nug rau sawvdaws xav:
– Zaj lus thov Vajtswv no hais txog tus neeg twg txojkev ntshaw thov Vajtswv?
– Lub plag twg ua kom peb tsis qaug zog thov Vajtswv?
– Vim li cas tus Tswv xav kom peb niaj hnub thov Vajtswv, tsis txhob nkees?
Txojkev xav uas pheej muaj ntawm ib tug neeg thov Vajtswv tas siab yog xav kom Vajtswv teb nws tej lus thov sai sai. Vajtswv kuj xav li ntawd thiab tseem xav kom sai dua li ntawd thiab (nqe 7-8)! Hais txog tus ntseeg Vajtswv, thov Vajtswv yuav tsum yog qhov uas xwbtim muaj zoo li nqus pa thiab tso pa. Tiamsis cia kom muaj zog dua, muaj qee zaus peb kuj cheemtsum siv tas zog los nqus pa thiab tso pa loj kom lub ntsws qhib loj. Nov yog qhov vimchij tus Tswv qhia, “yuav tsum niaj hnub thov Vajtswv, tsis txhob nkees”. Xav kom txhais tes muaj qe npab, tus tub muaj zog tsis yog xyaum thiab noj haus txaus xwb, nws yuav tau siv sijhawm ntau hli tsis so li. Xav kom ua tau ib tug neeg thov Vajtswv, peb kuj yuav tsum tsis txhob qaug rau txojkev nrog tus Tswv sib raug zoo.
Cia kom txhawb peb lub zog thov Vajtswv. Tswv Yexus tham zaj lus pivtxwv hais txog qhov uas vim li cas Nws xav kom peb yuavtsum tau niaj hnub thov Vajtswv. Muaj ib tug txiav txim tsis hwm tus Tswv thiab tsis hmov tshua txog lwm tus, los thaum kawg nws yeej yuav tu tus pojntsuam rooj plaub xwb. Tus Tswv siv qhov txawv ntawm tus txiav txim uas tsis muaj kev hlub thiab Vajtswv tus uas hmov tshua cov neeg Nws xaiv, ua kom peb muaj kev cia siab tias Nws yeej yuav teb peb tej lus thov yog sijhawm. Tus pojntsuam lub suab thov tsis qaug zog ua rau tus txiav txim tsis muaj kev hlub nrog hais tau rooj plaub, Vajtswv yog tus muaj kev hlub, saib xyuas, yeej tsis muab tus neeg uas Nws xaiv tseg lawm tso tseg li. Vajtswv yuav tsis cia tej lus uas tus neeg “thov Vajtswv nruab hnub hmo” dhau mus li (nqe 7)
Thov Vajtswv tsis muaj qhov nkees yuav pab tau peb loj hlob sab kev ntseeg mus txog thaum peb muaj zog txaus tiv taus dhau lub chaw sim uas yog cuab hluav taws kub tshaj xya npaug ntxiv, lossis cov tsov ntxhuav tsis muaj noj ntau hnub xws li tiam tus cevlus Daniyees thiab nws peb tug phoojywg nyob! Anplahas yog ib tug qauv zoo heev ntsig txog qhov tsis qaug zog thov Vajtswv. Nws tos tej lus uas tus Tswv cog tseg tau 25 xyoo, thiab “tus Tswv tseem nrog Anplahas nyob” thaum nws thov Vajtswv rau zaug rau lub nroog Xaudoos mus txog thaum tus Tswv teb tej lus thov (Chivkeeb 18:17-32). Hais txog Timthawj Paulaus, nws tau thov Vajtswv peb zaug, kom tus Tswv kho nws qhov mob (II Kauleethaus 12:7-10), thiab Paulus ua rau peb xav tsis thoob, vim nws cia li tsis thov Vajtswv pab qhov ntawd ntxiv lawm! Tsis yog Paulus qaug zog, nws tsuas nres tsis thov Vajtswv xwb, vim tus Tswv twb teb tej lus thov lawm.
Dhau Tswv Yexus tej lus qhia no, qhia pom tias tus Tswv xav kom mus txog thaum kawg los Nws tseem pom peb txojkev ntseeg ruaj khov nyob hauv ntiajteb no. Cia kom tau li ntawd, peb txhua tus yuav tsum tsis txhob qaug zog thov Vajtswv.
Thov Vajtswv,
Leej Txiv tus uas dawbhuv, nyuam yaus paub tias Koj xav kom nyuam yaus niaj hnub thov Vajtswv, cia siab thiab ntseeg Koj. Thov Koj pab kom nyuam yaus muaj kev ntseeg txaus thaum thov Vajtswv thiab tos Koj teb tej lus thov. Tuav Tswv Yexus lub npe thov, Amees.
Peb yuav thov Leej Txiv tus uas nyob saum ntuj mus txog thaum twg?
Nyeem Vajluskub hauv peb lub xyoo: I Vajntxwv 1
Kênh Youtube BHKTHN:
