Qhov Uas Nyob Ib Leeg – 20/1/2025

597

 

 

Mathais 19:10-12

Nqe cim:

Txhua tus nyias yuav tsum ua nyias lub neej raws li tus Tswv twb pub rau nws lawm, thiab ua raws li thaum Vajtswv hu nws los. Kuv yeej qhia txoj kevcai no rau txhua pawg ntseeg” (1 Kauleethaus 7:17)

Lus nug rau sawvdaws xav:

–       Tom qab mloog Tswv Yexus qhia txog kev txijnkawm cov thwjtim tau hais rau tus Tswv txog yam dabtsi? Vim li cas?

–       Tus Tswv teb li cas?

–       Peb kawm tau ib zaj kawm twg rau qhov uas nyob ib leeg?

Tom qab hnov Tswv Yexus teb rau cov neeg Falixais, cov thwjtim tau los hais rau tus Tswv, “Yog yuav pojniam yuav txiv zoo li ntawd, ces tsis txhob yuav kuj zoo dua?” (nqe 10). Cov thwjtim tabtom ua neej nyob rau hauv ib lub tebchaws uas muaj kev sib nrauj puv nkaus txhua qhov tiamsis tsis muaj leejtwg hais tau. Lawv pom tias nyuaj kawg nkaus yog tias tsuas pub nrauj thaum ib tug hauv nkawm niamtxiv ua txhaum kev nkauj nraug xwb, yog li qhov uas pub sib nrauj nyuaj npaum li ntawd ces yeem ua neej nyob ib leeg yuav zoo dua.

Peb muaj cuabkav totaub rau seem uas zoo ntawm yog qhov uas cov thwjtim ntshai tsam lawv kuj tuav tsis tau lawv lub neej txij nkawm kom zoo, lawv ntshai tsam yuam kev ua txhaum kev nkauj nraug. Tswv Yexus lolus teb ua rau lawv pom tias qhov uas nyob ib leeg tsis yog lawv kev txiav txim siab, “Tsis yog txhua tus yuav ua tau li txojlus no qhia, tiamsis tsuas yog tus uas Vajtswv pub rau thiaj ua tau xwb” (nqe 11), ua neej nyob ib leeg yog qhov koob hmoov uas tus Tswv pub. Tswv Yexus hais tawm peb hom neeg. Tim ib, muaj qee leej tsis sib yuav, rau qhov lawv yeej zoo li ntawd thaum nruab thiab los thiab tsis muaj kev ntshaw pw ua txij ua nkawm. Tim ob, muaj qee leej tsis sib yuav, rau qhov nws txaus siab cia luag ua rau nws kom tsis txhob muaj taus tubki ntxiv vim ib lub homphiaj twg, lawv muab tej uas lawv xav ua ntawd tso los nyob siab tshaj qhov uas lawv ntshaw muaj ib lub cuabyig. Tim peb, thiab muaj qee leej tsis sib yuav, rau qhov lawv xav ua Vajtswv tes haujlwm. Tus Tswv tabtom hais txog cov neeg uas zoo siab nyob ib leeg vim lawv tau koob hmoov los ua neej zoo li ntawd kom lawv ua tau Vajtswv haujlwm. Tswv Yexus xav kom cov thwjtim totaub lub ntsiab tsis yuav pojniam kom thiaj tsis muaj tej lus hais lossis tej haujlwm yuam kev thaum lawv xav tsis thoob.

Thaum peb saib rau ib lub tebchaws uas txhua txoj cai txog kev hlub hauv lub neej txijnkawm raug txo qis, muaj ntau tug ntseeg kuj muaj tej kev xav tsis zoo txog qhov uas sib yuav. Chivkeeb 2:18 tus Tswv qhia, “Tibneeg nyob ib leeg tsis zoo”, thiab Timthawj Paulus kuj ntuas cov ntseeg, “Tiamsis yog nej tswj tsis tau nej lub siab nej cia li sib yuav, yog nej sib yuav kuj yuav zoo dua qhov uas nej lub siab pheej ntshaw.” (1 Kauleethaus 7:9). Peb yuav tau paub meej tias yus puas tau qhov koob hmoov los mus nyob ib leeg lossis tsis tau. Yog tias vim tej tsam thawj hauv lub neej, vim tas kev cia siab rau tus kheej lossis ib tug twg uas ua rau yus xav tias yus tsis muaj cuabkav muaj ib txojkev hlub tseeb thiab ib lub cuabyig kaj siab, ces yuav tau ceevfaj tsam yus tabtom saib tsis taus txojkev hlub thiab txojkev txijnkawm uas tus Tswv pub. Yog tias nimno tus Tswv xav kom peb ua neej nyob ib leeg kom muaj ib txojkev hlub thiab ib txojkev txijnkawm zoo kawg nkaus rau yav tom ntej, ces cia li hwm tus Tswv.

Thov Vajtswv:

Tus Tswv, thov pab nyuam yaus zeem paub tus Tswv koj tus dej siab nyob hauv txhua lub tsam thawj uas tus Tswv koj cia los, thov koj pab kom nyuam yaus paub hwm koj tus dej siab hauv kev ua neej nyob ib leeg lossis yuav tsum nkag mus rau lub neej txijnkawm. Nyuam yaus tuav Yexus Khetos lub npe thov, A-mees.

Peb puas zeem paub tus Tswv dej siab rau peb txojkev hlub thiab peb lub neej txijnkawm lawm tau?

 Nyeem Vajluskub hauv peb lub xyoo: 2 Xamuyees 15

Kênh Youtube BHKTHN:

https://www.youtube.com/c/bhkthn

Bài trướcWer Ataih Đơ̆ng Hơđong Tơdrong Yoch – 19/1/2025
Bài tiếp theoKlei Dôk Hliê – 20/1/2025