II Timautes 2:22-26
Nqe cim:
“nws yuav tsum hlub txhua tus, muab siab rau qhia, ua siab ntev, thiab ua tib zoo ntuas cov uas thuam nws. Yog nws ua li ntawd, tej zaum Vajtswv yuav pub kom cov neeg ntawd muaj sijhawm tso lawv tej kev txhaum tseg thiab ua raws li Vajtswv Txojlus. Thiab lawv yuav nco dheev hais tias lawv twb mag dab Ntxwgnyoog lub vojhlua lawm…” (II Timautes 2:24-26)
Lus nug xav:
– Saib raws lub tsamthawj hauv nqe 22-26, “cov hluas ibtxwm ua” yog dabtsi?
– Timautes tus cwjpwm cheemtsum muaj thaum lwm tus qhia yaum kev yog dabtsi?
– Peb yuav tau ua dabtsi kom coj tau cov neeg ua yuam kev rov qab los?
Cov hluas yog cov uas rau siab, xav ua txhua yam, siab tawv, kam ua, xav kawm yam tshiab,… txawm yog li ntawd los, cov hluas kuj yog cov uas ua ntau yam tsis zoo, xav kom yus yeej. Yog li ntawd, hauv tsab ntawv no Timthawj Paulus thiaj qhia nws tus tub sab ntsujplig hais tias: “Koj tsis txhob pub leejtwg thuam hais tias koj tseem hluas”, thiab qhov no, hauv nqe 22, ib zaug ntxiv Paulus ntuas nws tus tub tias “Koj tsis txhob ua siab heev ib yam li cov hluas ibtxwm ua”. Tej uas cov hluas ua, nyob rau ntu sijhawm nqe 22-26, yog tej uas sawvdaws sib cav sib ceg “tsis muaj hauvpaus hauvntsis” nrog cov neeg qhia cuav (nqe 23). Timthawj Paulus tsis tawmtsam tej lus hais yog cai, thiab tej tsimnyog hais, kuj tsis tawmtsam tes haujlwm tuaj kev ntseeg tog. Qhov uas Paulus tawmtsam ntawm no ces yog lub siab uas nyiam nrog “luag sib cav sib ceg” (nqe 24), txhais tau tias “xav kom tau sib cav”.
Hauv I Timautes tshooj 1, Timthawj Paulus ntuas Timautes kom yuav tsum qhia lawv, txhob yog pheej ua neeg sib cav xwb; thiaj pab tau Timautes totaub lub keebtiv ntawm cov lus ntuas yog hlub thiaj hais. Hauv II Timautes 2:14-21, Paulus hais tias txhob pheej sib cav, cia li rau siab “qhia raws Vajtswv Txojlus”. Thiab ntawm no, Paulus hais txog qhov keebtiv cheemtsum muaj thaum “qhia” cov neeg uas raug ntxias mus caum tej kev qhia cuav yog “Vajtswv yuav pub kom cov neeg ntawd muaj sijhawm tso lawv tej kev txhaum tseg thiab ua raws li Vajtswv Txojlus. Thiab lawv yuav nco dheev hais tias lawv twb mag dab Ntxwgnyoog lub vojhlua lawm” (nqe 25-26).
Dhau ntawm qhov keebtiv ua yog ces peb tus cwjpwm kuj yuav tsum ua yog. Txhob pheej sib cav txog tej uas cov hluas ua, tej lus hais tsis muaj qab hau, peb “yuav tsum hlub txhua tus, muab siab rau qhia, ua siab ntev, thiab ua tib zoo ntuas cov uas thuam nws” (nqe 24-25). Tus cwjpwm uas ua zoo, ua tib zoo ntuas, ua siab ntev yuav ua rau lawv hloov siab tso kev txhaum tseg, paub qhov tseeb, pab tau cov neeg ua yuam kev “nco dheev”. Sib cav heev txog tej ntsiab lus ntawm kev ntseeg Vajtswv tej zaum yuav pab rau peb muaj yeej, tiamsis txawm yog muaj yeej qhov kev sib cav ntawd los peb yeej yog tus swb rau tes haujlwm pab lwm tus tso kev txhaum tseg. Tus cwjpwm, keebtiv yog ces yog lub tswvyim zoo uas yuav coj tau cov neeg yuam kev ntseeg rov qab los cuag Vajtswv. Yog ntev xyoo peb tseem pheej nyiam sib cav kom muaj yeej swb, thov Vajtswv pab kom peb paub hloov pauv ua raws li Vajtswv Txojlus qhia. Thov Vaj Ntsujplig coj qhia kom peb paub ua qhov zoo thiab coj tau qhov zoo mus rau lwm tus.
Thov Vajtswv,
Vajtswv, thov Koj qhia kom nyuam yaus paub tshuaj saib qhov keebtiv ua rau lwm tus. Thov pab kom nyuam yaus kawm tau Tswv Yexus tus qaub, ua zoo, ua siab ntev, sib raug kom coj tau cov neeg yuam kev rov los taug txojkev tseeb. Nyuam yaus tuav Tswv Yexus Khetos lub npe thov, Amees.
Peb nthuav dav tus cwjpwm sib raug zoo, ua zoo, siab ntev rau txhua tus neeg zoo li cas?
Nyeem Vajluskub hauv peb lub xyoo: Phau Ntawv Nkauj 142-143
Kênh Youtube BHKTHN:
































