Khiavdim 32:9-14
Nqe cim:
“Yog li ntawd, tus TSWV thiaj hloov siab thiab tsis tso kev puastsuaj los rau nws haivneeg li uas nws tau hais lawm” (Kiavdim 32:14)
Lus nug rau sawvdaws xav:
– Nqi zog hauv Mauxes kev thov Vajtswv yog dab tsi?
– Peb zeem paub dab tsi txog kev tseemceeb ntawm kev thov Vajtswv pab lwm tus?
– Qhov no txhawb peb zog li cas hauv kev thov Vajtswv pab lwm tus?
Mauxes lolus thov Vajtswv no tau txais Vajtswv kev hlub loj, “tus TSWV thiaj hloov siab thiab tsis tso kev puastsuaj los rau nws haivneeg li uas nws tau hais lawm”. Lolus “hloov siab”, Vajtswv yog tus uas zoo kawg nkaus nws yeej tsis muaj “hloov siab” ib zaug li (Teev Npe 23:19). Vim li ntawd, nqe Vajluskub no totaub hais tias vim hlub Nws thiaj tsis tso kev puastsuaj los rau nws haivneeg li nws tau hais lawm.
Muaj ib qho tus Tswv “hloov siab” yog tom qab Mauxes tej lus thov, qhov no qhia pom hais tias Vajtswv xaiv yuav lolus thov Vajtswv ntawm cov neeg uas hwm Nws cia qhia tshwm Vajtswv lub hwjchim thiab Nws txoj kev hlub. Qhov no qhia pom meej thaum tus Tswv kev chim thaum tshaj tawm kev txiav txim uas hais tias: “tsis txhob cheem kuv” (nqe 10). Yog vim li cas Vajtswv tsis xav cia Mauxes cheem Nws li ntawd? Tseeb tiag, Vajtswv tabtom xav coj Mauxes mus thov Vajtswv rau Nws haivneeg, vim tsuas muaj thov Vajtswv pab thiaj yuav cawm tau Vajtswv haivneeg xwb. Dhau qhov no, Vajtswv tau qhia Nws haivneeg thiab peb niaj hnub nimno txog qhov tseemceeb ntawd kev thov Vajtswv. Hais rau lwm seem, Vajtswv muab Mauxes tej lus thov tso rau nruab nrab ntawm Vajtswv thiab Nws haivneeg, lossis muab Mauxes ua tus nyob nruab nrab thov Vajtswv rau Vajtswv haivneeg.
Mauxes thov Vajtswv rau nws haivneeg nrhiav Vajtswv kev zam txim rau lawv kev txhaum vim Mauxes twb zam txim rau lawv lawm thiab. Mauxes hlub Vajtswv haivneeg kawg siab ntsws, nws xav txog lawv ntau heev dua li nws tus kheej thiab tagnrho txhua yam yog ua rau Vajtswv tau ntsej muag ua ntej. Tom qab ntau xyoo, Tswv Yexus tus uas thov Vajtswv pab uas loj kawg nkaus tau thov Vajtswv rau cov uas muab Nws ntsia rau sau ntoo khaublig (Lukas 23:34). Kuj zoo ib yam li tus tub qhe hauv Mathais 18:23-35, peb tshuav Vajtswv nqis kev hlub loj heev tsis muaj hnub uas peb yuav them taus, tej thaum nimno lwm tus kuj tshuav peb nqis tsawg tsawg los muaj. Yog paub ua Vajtswv tsaug rau qhov uas Nws twb zam txim peb lub txim lawm ces peb yuav tsum zam rau peb cov kwv tij uas ua txhaum rau peb, peb hlub lawv, sib pab ris nra thiab thov Vajtswv rau lawv (Kalatias 6:1-2).
Niaj hnub nim no, Tswv Yexus yeej tseem txeev thov Vajtswv pab peb (Henplais 7:25; 1 Yauhas 2:1-2), thiab peb tau hu los ua tes haujlwm thov vajtswv pab rau lwm tus (Efexus 6:18; 1 Timautes 2:1-2). Cia li nco hais tias twb muaj coob tus tau thov Vajtswv pab rau peb lub neej sab ntsujplig, sab nqaij tawv thiab tej kev txhaum uas peb tau ua lawm, yog li ntawd, peb cia li kawm Tswv Yexus thiab Mauxes tus qauv thov Vajtswv rau txhua tus nyob ib ncig ntawm peb kom lawv tau Vajtswv zam txim thiab tau rov sib raug zoo nrog Vajtswv.
Thov Vajtswv,
Vajtswv, nyuam yaus ua koj tsaug rau Koj txoj koob hmoov uas koj tau pub rau nyuam yaus, ua tsaug rau Koj tau teb ntau tus tej lus thov rau nyuam yaus. Thov pab kom nyuam yaus rov ua txuas ntxiv lub luag haujlwm thov Vajtswv pab rau lwm tus mus rau yav tom ntej. Nyuam yaus tuav Tswv Yexus Khetos lub npe thov, Amees.
Peb tabtom thov Vajtswv rau leejtwg, txog yam dab tsi?
Nyeem Vajluskub hauv pe lub xyoos: Yaxayas 3-4
Kênh Youtube BHKTHN:
