Mathais 18:18-20
Nqe cim:
“Nws ua li ntawd nws thiaj tau cov ntseeg uas zoo kawg nkaus, tsis muaj ib qho txhaum, tsis ceb, tsis txoom thiab tsis muaj ib qho phem li los ua nws tug” (Efexus 5:27)
Lus nug rau sawvdaws xav:
– Tswv Yexus qhia li cas txog pawg ntseeg tus cai?
– Yog yuav siv tus cai no, cov thawjcoj thiab cov ntseeg yuavtsum muaj lub neej li cas?
– Peb cheemtsum ua dab tsi cia kom qhia tshwm kev dawbhuv ntawm pawg ntseeg?
Tom qab uas qhia kev qhuab ntuas pawg ntseeg tas lawm (Mathais 18:15–17), Tswv Yexus qhia rau nws cov thwjtim txog tus cai qhuab ntuas pawg ntseeg. Tim ib, pawg ntseeg yog qhov chaw uas qhia tawm txhua yam kev coj ncaj ncees ntawm Vajtswv tsis hloov pauv. Lolus “txwv” thiab “tso cai” hauv nqe 18 yog hais txog txhua yam uas pawg ntseeg yuav txiav txim siab rau kev qhuab ntuas thiab kev zam txim. Pawg ntseeg siv tus cai los ntawm qhov uas qhia rau cov ntseeg paub txog qhov twg yog qhov twg txhaum hauv Vajtswv Txojlus. Kom cov ntseeg paub hais tias lawv tabtom raug teem txim lossis twb tau zam txim raws li Vajtswv Txojlus qhia. Qhov tim ob, lo lus “ua ib lub siab” hauv nqe 19 txhais hais tias muaj suab nrov koom ua ke, zoo li zaj nkauj muaj ntau lub suab taub nrov sib dho ua ke. Pawg ntseeg yuavtsum qhia tshwm txoj kev koom siab hauv kev qhuab ntuas. Thaum pawg ntseeg thov Vajtswv kawg siab kawg ntsws thiab koom ua ib lub siab tshaj tawm ib tug ntseeg uas tau ua txhaum, twb lees kev txhaum tau zam txim lossis tus ntseeg uas tsis kam lees txim yuav raug qhuab ntuas raws li Vajtswv Txojlus qhia ces lawv tej lus taij thov ntawd tau Vajtswv txais yuav saum ntuj Ceebtsheej. Qhov tim peb, Vajtswv yog tus uas yuav nrog pawg ntseeg koom ua ke qhuab ntuas lossis zam txim, tus Tswv coglus “yuav nrog” pawg ntseeg, thaum uas pawg ntseeg pab kom ib tug ntseeg zeem paub nws tej kev txhaum. Vajtswv yuav qhia tej kev txiav txim siab rau pawg ntseeg saib yuav qhuab ntuas lossis yuav zam txim pab tau tus ntseeg ntawd rau hauv kev hlub.
Qhov no yog ib qho nyuaj heev vim hais tias yog yuav siv tus cai no mas cov thawj coj thiab cov ntseeg yuavtsum muaj lub neej dawbhuv raws li Vajtswv Txojlus qhia, ua qauv thiab loj hlob txaus rau hauv kev ntseeg.
Pawg ntseeg niaj hnub nimno tseem nyob rau hauv Vaj Ntsujplig kev hloov kom muaj lub neej dawbhuv, vim li ntawd, kev qhuab ntuas yog yam uas cheemtsum muaj Efexaus 5:27 pawg ntseeg yuavtsum qhia tshwm tus tshwjchim, tsis ceb, tsis txoom thiab tsis muaj ib qho phem li ntawm Vajtswv xubntiag Cia kom yuav ua tau li no pawg ntseeg yuavtsum siv pawg ntseeg tus cai pab cov ntseeg paub thiab loj hlob rau hauv Vajtswv Txojlus. Thaum sawv rau ntawm ib qho teebmeem tsis dawbhuv, pawg ntseeg yuav tsum koom hais ib lolus koom ib txoj kev txiav txim siab, ces Vajtswv yuav nyob nrog pawg ntseeg thiab pab kom pawg ntseeg ua tau lub neej ncaj ncees li Nws tau qhia lawm. Txhua txoj kev txiav txim siab qhuab ntuas ntawm pawg ntseeg yuavtsum yog txoj kev txiav txim siab los ntawm kev sib hlub, ntawm pawg ntseeg lub koobmeej thiab kev dawbhuv uas tsis muaj qhov phem qias.
Thov Vajtswv:
Tus Tswv, nyuam yaus ua Koj tsaug vim Koj tau tsim tsa pawg ntseeg thiab tabtom tswj pawg ntseeg hauv lub ntiajteb no.Thov pab nyuam yaus yim hnub yim loj hlob rau hauv Koj Txojlus kom Koj siv muaj nqis rau pawg ntseeg thiab pab tau lwm tus paub ua lub neej dawbhuv rau Koj. Nyuam yaus tuav Cawmseej Tswv Yexus lub npe thov, Amees.
Ib tsoom mloog uas hmov tshua,
Peb puas tau qhia txog pawg ntseeg txoj kev dawbhuv rau lub ntiajteb kev txhaum no?
Nyeem Vajluskub hauv peb lub xyoos: Pajlug 12-13
Kênh Youtube BHKTHN:
