Lukas 11:5-13
Nqe cim:
“Yexus hais ib zaj lus pivtxwv rau nws cov thwjtim hais tias, kom lawv niaj hnub thov Vajtswv tsis txhob qaug zog” (Lukas 18:1)
Lus nug rau sawvdaws xav:
– Tus cwjpwm twg tau Tswv Yexus hais meej thaum thov Vajtswv?
– Vim li cas yuavtsum muaj tus cwjpwm no?
– Peb cheemtsum hloov pauv yam dab tsi hauv kev thov Vajtswv?
Tus cwjpwm zoo hauv zaj lus pivtxwv no yog ua siab ntev. Cov lus hauv nqe 9-10 xws li nrhiav, khob yog cov lus hais tamsim no, yog hais txog ib tes haujlwm ua mus tsis so li. Yog li ntawd kev thov Vajtswv tsis yog ib tes haujlwm hauv kev ntseeg uas lam ua, lossis yog ib txoj haukev daws yus kev teebmeem tiamsis yuavtsum yog ib tes haujlwm ua muaj tseeb thiab tas siab ntsws nrog rau tus cwjpwm ua siab ntev.
Yawg George Muller, yog tus uas rhawv tsim muaj txoj haujlwm uas zoo kawg nkaus tu cov menyuam ntsuas hauv tebchaws Akiv xyoo 1900, nws yog ib tug neeg ua siab ntev thov Vajtswv. Nws pib thov Vajtswv rau nws ob tug phoojywg ntseeg Tswv Yexus thaum nws tseem hluas heev, thiab qhov kev thov Vajtswv no mus ntev tshaj 60 lub xyoos. Thaum kawg muaj ib tug los ntseeg Vajtswv ua ntej ib nyuag ntu sijhawm tsis ntev ces yawg George Muller tuag thiab muaj ib tug los ntseeg ib xyoo tom qab uas yawg George Muller mus nrog Vajtswv nyob lawm.
Ib qho uas pheej nug, puas yog kev ua siab ntev thov Vajtswv kom kawg qho kev cheemtsum ntawd qhia hais tias peb tsis muaj kev ntseeg rau ntawm Vajtswv? Vim li cas Tswv Yexus xav kom peb ua siab thov Vajtswv? Peb yuavtsum nco hais tias kev ua siab ntev thov Vajtswv, tsis yog cia kom Vajtswv hnov, tiamsis yog cia qhia tshwm peb kev ntseeg rau ntawm Vajtswv. Ua siab ntev thov Vajtswv kuj ceev tau peb ua siab ntev nyob rau hauv Nws, tsis hloov siab, tsis ua xyem xyav, lossis nrhiav dua lwm txoj haukev. Thiab ua siab ntev thov Vajtswv qhia meej hais tias peb tej lus thov yog tseeb tiag tiag
Ib qho nug ntxiv ua siab ntev, ntev li cas? Nov yog ib lolus nug khwv teb, thiab lolus teb yog los ntawm ntaus yam: Ua ntej dua, peb ua siab ntev thov Vajtswv rau tej yam uas peb paub tseeb hais tias haum Vajtswv siab, xws li thov Vajtswv rau cov ntsujplig uas tabtom raug tuag kom tau kev cawmdim, rau yus kom ua neej dawbhuv, rau pawg ntseeg kev loj hlob thiab koom siab, rau txhua tus hauv tsev neeg sab ntsujplig… Txawm yog muaj qee yam yog li Vajtswv siab nyiam tiamsis peb tsis paub tseeb Vajtswv puas pub rau yus, pivxam li yawg George Mullerb qhov. Ua siab ntev thov Vajtswv kom lwm tus los ntseeg mas yog, tiamsis yuav ua cas nws paub tseeb hais tias nws ob tug phoojywg yuav tau txais kev cawmdim? Qhov no yog yuavtsum mloog los ntawm Vaj Ntsujplig qhia.
Heev tshaj qhov ntawd, tus thov Vajtswv yuavtsum muaj kev ntseeg rau ntawm Vajtswv. Peb yuavtsum ntseeg hais tias Vajtswv yog tus paub tseeb yam dab tsi yog yam zoo tshaj rau peb (nqe 11-13). Thiab yam uas zoo tshaj plaws Vajtswv pub rau peb yog Vaj Ntsujplig, yog tus uas qhia peb thov Vajtswv, yog tus uas thov Vajtswv pab peb, yog tus uas pab peb totaub Vajtswv siab nyiam (Loos 8:26-27).
Thov Vajtswv,
Vajtswv, thov pab nyuam yaus ntseeg thiab tso siab rau Koj hauv txhua lub sijhawm ntawm kev ua neej kom paub Koj siab nyiam thiab mloog Koj lus. Nyuam yaus tuav Tswv Yexus Khetos lub npe thov, Amees.
Muaj yam dab tsi ua rau peb ua tsis taus siab ntev thov Vajtswv?
Nyeem Vajluskub hauv peb lub xyoos: Yaxayas 33
Kênh Youtube BHKTHN:
