I Petus 3:15
Nqe cim:
“Nej yuav tsum hwm Yexus Khetos thiab cia Nws ua tus Tswv kav nej lub siab. Nej yuav tsum npaj tos txhua lub sijhawm, yog thaum twg muaj neeg nug nej hais tias vim li cas nej muaj chaw cia siab, thaum ntawd nej thiaj paub teb lawv.” (I Petus 3:15)
Lus nug rau sawvdaws xav:
– Timthawj Petus muab tus lw tseemceeb twg hauv nqe Vajluskub no?
– Cov ntseeg Yexus yuav tsum muaj tus cwjpwm twg thaum lwm tus nug txog Txojmoo Zoo?
– Vamkhom qhov twg peb ua tau tej yam no?
Tus lw thib peb yog tus uas tseemceeb heev ntawm tus ntseeg Yexus kev ua neej, ntawd yog yuav tsum “hwm Yexus Khetos, cia Nws ua tus Tswv kav peb lub siab, txhais tau hais tias cais tej neeg lossis tej yam tawm ntawm Yexus Khetos mus thiab saib Nws yog tus uas tseemceeb tshwjxeeb uas yus hlub, hwm, ncaj ncees thiab cia Nws coj qhia peb nkaus xwb, mloog Nws hais thiab hwm Nws tib leeg xwb. Ua lwm seem lus hais, “hwm Yexus Khetos, cia Nws ua tus Tswv kav hauv yus lub siab”, uas yog mloog tus Tswv lus tagnrho thiab tsuas ua neej kom tus Tswv lub npe tau qhuas, yeem ua haum tus Tswv siab heev dua li uas ua haum neeg siab (Mathais 10:28). Peb yuav tsis ntshai lub tsamthawj lossis tibneeg (Pajlug 29:25), txawm yog yuav ntsib tej kev txhawj ntshai lossis sim siab nyob puagncig peb.
Cia siab rau tus Tswv tsis yog ib qho teeb meem ntawm lub siab xwb tiamsis tseem yog ntawm txoj kev xav thiab, Timthawj Petus qhia: “Nej yuav tsum npaj tos txhua lub sijhawm, yog thaum twg muaj neeg nug nej hais tias vim li cas nej muaj chaw cia siab, thaum ntawd nej thiaj paub teb lawv”. Peb yuav tsum paub tseeb yus “txojkev cia siab” (I Petus 3:15), thiab yus qhov kev paub yuav tsum ruaj kom teb tau tej lus uas lwm tus nug. Ua lwm seem lus hais, Vajtswv lub siab nyiam thiab Nws Txojlus yog lub zog loj tshaj ntawm peb cov ntseeg kev ua neej thiab mloog Nws lus nkaus xwb.
Thaum ntsib raug tej lus nug txog kev ntseeg, ces yuav tsum “zoo siab hlo teb lus nug”, txhais tau tias yuav tsum nquag kawm kom yus totaub Vajtswv Txojlus thiab tej lus uas hais txog kev ntseeg. Yuav tsum muaj tus cwjpwm “hais mos muag thiab txojkev hwm” tsis yog khav txiv, ua tus paub paub. Yuav tsum “hwm” txhais tau tias yog peb ntsib raug tej lus sib tham txog kev ntseeg uas xav paub Vajtswv. Yuav tsum nco ntsoov hais tias peb cov mus ua timkhawv, peb tsis zoo li cov tub cav cai nyob hauv tsev tu plaub.
Kws xibhwb Warren W. Wiersbe tau sau tseg hauv nws phau ntawv txhais Vajluskub tsab ntawv I Petus hais tias: “Timthawj Petus tsis yog hais kom cov ntseeg mus nrog cov neeg tsis ntseeg sib cav, tiamsis yog ua tib zoo hais, hlub es qhia rau lawv paub txog qhov uas peb ntseeg thiab yog vim li cas peb ntseeg. Lub homphiaj tsis hais kom yeej tiamsis yog coj neeg tus ntsujplig uas tuag lawm tig rov los cuag tau Yexus Khetos.”
Ua raws Yexus Khetos tej lus hais, ua siab mos muag thiab txojkev hwm thaum mus qhia kev ntseeg, yog lub tswvyim pab kom peb tiv dhau tej kev sim siab thaum mus coj tibneeg tus ntsujplig los cuag tus Tswv.
Thov Vajtswv,
Tus Tswv, Koj yog tus uas kav nyuam yaus lub neej, yog tus uas tsim thiab cawm nyuam yaus. Nyuam yaus yuav hwm thiab pehawm Koj, ua raws li Koj lub siab nyiam, tshwjxeeb yog thaum mus qhia Koj zaj rau txhua tus neeg. Nyuam yaus tuav Tswv Yexus lub npe thov, Amees.
Peb cheemtsum npaj dabtsi kom ua tau ib tug timkhawv zoo rau tus Tswv?
Nyeem Vajluskub hauv peb lub xyoo: I Xamuyees 8
Kênh Youtube BHKTHN:
https://www.youtube.com/c/bhkthn
