II Xwm Txheej Vajntxwv 29:25-30
Nqe cim:
“Nej ib tug yuav tsum qhia ib tug raws li tej lus uas nyob hauv Daviv phau nkauj, tej zaj nkauj qhuas Vajtswv thiab tej zaj nkauj uas cov ntseeg hu ua Vajtswv tsaug. Thaum nej hu tej zaj nkauj ntawd, nej yuav tsum hu ntawm lub siab xyivfab hlo” (Efexus 5:19)
Lus nug rau sawvdaws xav:
– Vajntxwv Hexekiyas cob kev pehawm tus Tswv dhau los ntawm tej suab nkauj zoo li cas?
– Tej pejxeem sawvdaws hnov zoo li cas thaum lawv tag siab hu nkauj qhuas tus Tswv?
– Peb txhua tus tabtom pehawm tus Tswv dhau los ntawm tej suab nkauj zoo li cas?
Vajntxwv Hexekiyas totaub kev pehawm uas tau tus Tswv txaus siab txais yuav ces yog yuav tsum pehawm raws li tus Tswv txojkev qhia tshwm. Yog li ntawd, vajntxwv thiaj cia cov Levis nqa nkauj nogncas thiab nruas npuaj tuaj sawv ntawm lub Tuamtsev, dua li cov povthawj nqa lawv tej raj xyu, raws li tej cuab yeej phim nkauj uas Daviv npaj cia thiab tus Tswv cov cevlus, “vim tej lus samhwm no yog Vajtswv siv cov cevlus los qhia” (nqe 25 HMOWSV). Pehawm nrog tej suab nkauj yog tus Tswv dej siab, twb tau Vajntxwv Daviv ua thaum ub los lawm. Vajntxwv Hexekiyas ua raws nraim li tus Tswv tej lus samhwm tseg tias raj xyu yuav tsum yog cov povthawj tshuab. Hauv tej cuabyeej nkauj nogncas no tsuas yog raj xyu yog yam uas tus Tswv hais kom Mauxes ua thiab coj los siv (Teevnpe 10:1-10), lwm yam cuabyeej yog Vajntxwv Daviv coj los siv thiaj hu tias “Daviv tej cuabyeej nkauj nog ncas”.
Pib kev pehawm, vajntxwv hais kom fij tej khoom hlawv txawm tias cov tsiaj ntawd twb raug tua ua ntej ntawd lawm. Thaum pib hlawv cov khoom, ces txawm muaj suab hu nkauj qhuas tus Tswv ntawm cov Levis, tej suab raj xyu thiab Daviv tej suab nkauj nog ncas tau ntaus raws. Tej pa tsw qab ntawm tej khoom fij nrog rau tej suab hu nkauj, tej suab nkauj nog ncas nrov mus txog tus Tswv. Tagnrho tej neeg sawvdaws pehawm thiab tej suab nkauj nogncas tau nrov ntxiv mus txog thaum hlawv tas tej khoom fij. Thaum cov khoom fij kub hnyiab tag, Vajntxwv Hexekiyas thiab tagnrho txhua tus tibneeg uas nyob ntawd puavleej txhos caug pehawm tus Tswv. Nyob rau lub sijhawm no, vajntxwv thiab tej nomtswv samhwm rau cov neeg Levis hu nkauj qhuas tus Tswv dhau los ntawm tej nkauj uas Vajntxwv Daviv thiab Axafes uas yog tus cevlus sau. Lawv hu nkauj qhuas tus Tswv los ntawm kev zoo siab thiab txhos caug pehawm tus Tswv.
Pehawm tus Tswv nrog tej suab nkauj los ntawm kev tag siab thiab ua raws tus Tswv siab nyiam, coj kev zoo siab los rau tej pejxeem (nqe 30; 1 Xwmtxheej 15:16; 2 Xwmtxheej 23:18). Dhau ntawm tej suab nkauj nog ncas, suab nkauj, lawv qhia tshwm lub siab hwm tus Tswv, kev lees txim, kev hwm thiab lub siab nco txiaj ntsig v.v… kom tau nkag mus sawv ntawm tus Tswv xubntiag. Saum ntuj Ceebtsheej kuj muaj kev pehawm tus Tswv dhau los ntawm tej suab nkauj ntawm txhua tus neeg uas yog tus Tswv tug (Tshwmsim 14:1-5).
Thaum ub los txog nimno, pehawm nrog tej suab nkauj yeej ibtxwm yog yam uas haum tus Tswv siab. Yog cov ua niam ua txiv, peb yuav tau nqis peev rau yus tej menyuam kawm xyaum tej suab nkauj nog ncas. Yog ib tug neeg muaj peevxwm rau sab suab nkauj, cia li los koom tes rau tes haujlwm ntaus suab thiab hu nkauj. Vajtswv cov menyuam yuav tsum mus koom nrog tej pab hu nkauj hauv pawg ntseeg. Cov neeg muaj feem xyuam, tsis hais tus coj kom tswj, yuav tsum npaj kom txhij txhua rau kev hu nkauj qhuas tus Tswv. Pawg ntseeg yuav tsum hu nkauj los ntawm kev tag siab qhuas tus Tswv thaum pehawm. Tus Tswv yuav pub kev zoo siab rau peb thaum peb tag siab pehawm tus Tswv dhau los ntawm tej suab nkauj.
Thov Vajtswv,
Tus Tswv, thov pab kom nyuam yaus tag siab hauv kev pehawm thiab pehawm tus Tswv dhau los ntawm tej suab nkauj kom txhawb nqa Koj, ua tau raws li Koj tug dej siab thiab kom lwm tus paub koj thiab hu nkauj qhuas koj. Nyuam yaus tuav Yexus Khetos lub npe thov, A-mees.
Peb koom tes zoo li cas rau hauv txojkev pehawm tus Tswv dhau los ntawm suab nkauj lawm?
Nyeem Vajluskub hauv peb lub xyoo: 2 Xamuyees 13
Kênh Youtube BHKTHN:
