2Kevcai 25:11-12
Nqe cim:
“Yog muaj ob tug txivneej sib ntaus, thiab ib tug ntawm ob tug ntawd, tus pojniam los pab nws tus txiv, yog tus pojniam ntawd xyab tes mus chua lwm tus txivneej chaw xis, 12nej cia li muab tus pojniam ntawd txhais tes txiav povtseg; tsis txhob hlub nws li” (2Kevcai 25:11-12)
Lus nug rau sawvdaws xav:
– Vim li cas thaum tus pojniam “xyab tes mus chua lwm tus txivneej chaw xis” yog yam uas zam txim tsis tau?
– Vim li cas ua txhaum txoj cai no Vajtswv rau txim hnyav heev?
– Niaj hnub no Koj siv txoj cai no li cas?
Qhov uas hais tias “xyab tes mus chua lwm tus txivneej chaw xis” lub ntsiab uas nyob hauv phau lus Henplais mas yog ib qho haujlwm txhob txwm ua thiab muaj homphiaj lawm. Vim li ntawd qhov uas muaj nqe kevcai no mas yog hais txog ib tus pojniam uas muaj tus txiv nrog lwm tus sib ntaus, thaum muaj li ntawd nws tsis mus thov lwm tus tuaj pab tiamsis nws xav kom nws tus txiv ua tus yeej thiab nws ua txuj mus pab los ntawm qhov uas txhob txwm xyab tes mus chua lwm tus txivneej chaw xis. Nyob hauv Vajluskub, tibneeg lub cev tau hais txog yog yam koobhmoov uas Vajtswv tsim zoo ib yam li Nws tus yam ntxwv. Vim li ntawd thaum uas ib tus pojniam txhob txwm ua tsis zoo rau lwm tus txivneej los ntawm qhov xyab tes mus chua lwm tus txivneej chaw xis mas yog ib yam uas zam txim tsis tau.
Qhov uas tus pojniam ua li no tau txiav txim los ntawm ntau lub vimchiv: xubthawj, tus pojniam no tau ua tsis ncaj rau lwm tus lub cev; tim ob, tes haujlwm uas mus pab tus txiv yog ib qho uas tsis paub cai thiab yog ib txojkev nkauj nraug tsis tsimnyog yog ib tus ntxhais hauv cov neeg Yixalayees; tim peb, qhov uas ua li no tej zaum yuav ua rau tus txivneej tsis muaj taus menyuam, vim ntawm cov neeg Yixalayees kev cajces sib txuas yog ib yam uas tseemceeb heev. Txawm hais tias tus pojniam lub homphiaj yog pab yus tus txiv los tsis tsimnyog nws yuav mus chua ib qho uas txhaum cai li ntawd. Cia kom tav tau tej teebmeem uas zoo li no nyob hauv tus Tswv haivneeg, Vajtswv tau muab ib txoj cai rau txim hnyav, yog cia muab tus pojniam ntawd txhais tes txiav povtseg; tsis txhob hlub nws li.
Nyob rau tiam no, nqe kevcai no kuj tsis siv lawm, tiamsis muaj ob yam uas peb yuavtsum nco yog tsis txhob ua saib tsis taus lwm tus lub cev thiab tsis siv qhov uas txhaum los txhawm rau qhov uas yog. Nyob saum tej huab cua, thiab tej xov xwm uas muaj txhua hnub, peb yeej pom tej zaj uas yog luag siv txojkev khib, kev tsis ncaj los yuam cov neeg uas ua kev nkauj kev nraug. Muaj ntau tus tau txaus siab rau tej haujlwm ntawd. Yog tus ntseeg Yexus, peb yuavtsum nco ntsoov tias nyob hauv lubneej txhua hnub peb yuav zam tsis dhau qhov uas ib tug ua raug ib tug, tiamsis txwv tuag nthi tsis txhob daws teebmeem los ntawm txojkev sib ntaus, ib tug ua raug ib tug lub cev. Thiab qhov tshwjxeeb, tsis vim yus lub homphiaj yog tiamsis ho siv qhov txhaum los ua puas lwm tus lub cev thiab lub koob npe.
Thov Vajtswv
Tus Tswv, Koj yog tus ua tsim nyuamyaus muaj tus yam ntxwv zoo li Koj. Thov pab kom nyuamyaus paub tswj nyuamyaus lub cev uas koj pub, kom txhob ua saib tsis taus lwm tus lub cev thiab lub koob npe. Nyuamyaus tuav Tswv Yexus lub npe thov Amees.
Peb pheej daw teebmeem raws li txoj haukev twg?
Nyeem Vajlugkub hauv peb lub xyoos: Chivkeeb 20
Kênh Youtube BHKTHN:
