II Kevcai 33:8-10
Nqe cim:
“Lawv yuav qhia koj haivneeg ua raws li koj tej Kevcai; lawv yuav tua tsiaj fij rau saum koj lub thaj.” (II Kevcai 33:10)
Lus nug rau sawvdaws xav:
– Mauxes cov lus foom koob hmoov rau Levis cajces qhia paub feemxyuam lawv ua zoo li cas?
– Zaj kawm no qhia paub feemxyuam ntawm peb cov uas ua Vajtswv haujlwm li cas?
Xeem Levis tau xaiv tshwjxeeb los ua Vajtswv tej haujlwm, thiab Mauxes cov lus foom koob hmoov qhia paub peb qhov feemxyuam lawv yuav tsum ua tib zoo ua, qhov ntawd yog: Ua qauv rau kev mloog Vajtswv lus, ncaj ncees qhia Vajtswv Txojlus, thiab txhawb nqa Vajtswv los ntawm qhov uas ua raws tej kevcai. Qhov no yog cov feemxyuam nyuaj heev, rau qhov cheebtsam lub tebchaws uas lawv nyob, tshwj qhov uas av rog thiab zoo qoob, cov pejxeem yuav ntsib ntau yam kev sim siab ntawm tej kev pemlom uas lwm haivneeg ua. Cia kom tus Tswv haivneeg tsis poob rau tej kev pemlom no, xeem Levis feemxyuam yog qhia Vajtswv Txojlus ncaj ncees rau lawv. Yuav tsum qhia raws li “tus Tswv tej lus samhwm” thiab “tus Tswv tej kevcai”, tsis txhob ntxiv lossis tso tseg qhia raws siab nyiam (nqe 10). Qhov tseemceeb yog kev ua neej txhua hnub ntawm cov Levis yuav tsum ua qauv “mloog koj lus thiab ua raws koj tej lus cog tseg” (nqe 9), yog tsis ua li, tej lus uas lawv qhia yuav tsis muaj nqis, vim lawv tsis ua raws li ntawd.
Los ntawm feemxyuam ua tej kab kevcai xws li “tua tsiaj fij rau saum koj lub thaj.” (nqe 10), xeem Levis yuav tsum ua tej kevcai ntawd los ntawm lub siab hwm Vajtswv, thiab muab tus Tswv tso ua qhov tseemceeb dua txhua yam hauv kev ua neej, niam txiv thiab tej txheebze. Hauv nqe 9: “Lawv muab siab npuab koj heev dua lawv muab siab npuab lawv niam lawv txiv, lawv tej kwvtij, lossis lawv tej menyuam…” hais txog zaj lus uas thaud tus Tswv haivneeg pe tus mlom nyuj. Tus Tswv twb hais rau Mauxes kom nqua hu cov neeg Levis uas ncaj ncees rau tus Tswv cia li muab cov neeg tsis tswj tus kheej uas yog lawv cov kwvtij, phoojywg, txheebze tua povtseg, cov neeg Levis ua raws li Mauxes tej lus samhwm (Khiavdim 32:26-29). Qhov no yog kev qhia nruj heev txog Vajtswv tus cai, “mloog tus Tswv lus zoo dua qhov uas muab tej yaj zoo nkauj tua fij rau Nws” (I Xamuyees 15:22). Mloog Vajtswv lus yuav tsum yog muab tso ua ntej hlo hauv txhua yam.
Nimno, tsis yog cov xibhwb, cov pab ua Vajtswv haujlwm thiaj yog cov uas ua Vajtswv haujlwm xwb, tagnrho peb txhua tus uas tau Tswv Yexus tuag txhiv hauv txojkev txhaum los, peb “ua Vajtswv cov tubqhe lawm” (Loos 6:22). Peb txhua tus tsis yog tubqhe ua haujlwm rau dab ntxwgnyoog tiamsis peb yog tubqhe ua Vajtswv haujlwm. Yog li yuav tsum kawm Vajtswv Txojlus kom peb ncaj ncees qhia Nws Txojlus txhawb zog, ua qauv zoo, thiab qhuas tus Tswv yog yam uas peb ua tshwjxeeb hauv kev ua neej.
Thov Vajtswv,
Tus Tswv, Koj yog tus uas nyuam yaus pehawm thiab ua haujlwm. Thov Koj pab kom nyuam yaus muab kev ntseeg, kev mloog Vajtswv lus thiab hwm tus Tswv ua tshwjxeeb hauv kev ua neej. Nyuam yaus tuav Yexus Khetos lub npe thov, Amees.
Peb ua Vajtswv haujlwm puas raws li feemxyuam peb tau?
Nyeem Vajluskub hauv peb lub xyoo: Yaxayas 6
Kênh Youtube BHKTHN:
