Cia Cov Menyuam Los Cuag Kuv – 21/1/2025

330

 

 

Mathais 19:13-15

Nqe cim:

“Yexus hais tias: Cia li coj cov menyuam los cuag kuv, tsis txhob txwv lawv, rau qhov Ntuj Ceebtsheej yog cov neeg uas muaj lub siab mos siab muag ib yam li cov menyuam yaus no tug” (Mathais 19:14)

 

Lus nug rau sawvdaws xav:

–       Thaum muaj neeg coj cov menyuam tuaj cuag Tswv Yexus, cov thwjtim muaj tus cwjpwm zoo li cas?

–       Peb kawm tau dabtsi dhau ntawm Tswv Yexus nplooj siab rau cov menyuam?

Cov neeg Yudais pheej coj lawv cov menyuam tuaj cuag cov Xibhwb kom lawv foom koob hmoov rau cov menyuam nyob thaum ncaj lawv lub hnub yug xub thawj. Nyob hauv nqe 13, cov niamtxiv no vim hwm tus Tswv yog li lawv xav kom tus Tswv tsa tes thov Vajtswv rau lawv cov menyuam, nov yog ib txojkev coj noj coj ua zoo. Cov thwjtim ho ntshai tsam ua tabkaum tus Tswv, ua rau tus Tswv tsis muaj sijhawm so yog li lawv thiaj cem. Lolus “menyuam” lub ntsiab tiag yog hais txog cov menyuam mos nyuam qhuav yug mus txog thaum xyaum mus kev, cov thwjtim xav tias cov menyuam no ntsib Tswv Yexus kuj pab tsis tau ib yam dabtsi muaj nqis rau cov menyuam, dua li Tswv Yexus tseem poob sijhawm vim lawv thiab.

Thaum cov thwjtim cem cov ua niam ua txiv uas coj cov menyuam tuaj, ces Tswv Yexus hais tias: “Cia li coj cov menyuam los cuag kuv, tsis txhob txwv lawv, rau qhov Ntuj Ceebtsheej yog cov neeg uas muaj lub siab mos siab muag ib yam li cov menyuam yaus no tug” (nqe 14). Tus Tswv xav qhia rau cov thwjtim ib zaj kawm txog kev muaj nqis ntawm cov menyuam thaum Nws muab cov menyuam tus cwjpwm piv rau cov neeg uas nyob hauv ntuj Ceebtsheej. Muaj tej tus cwjpwm ntsia pom ntawm cov menyuam, ntawd yog tus cwjpwm mos muag, mloog lus, hwm thiab ntseeg siab. Nov kuj yog tej yam uas tseemceeb yuav tsum muaj ntawm ib tug neeg uas phim rau Ntuj Ceebtsheej. Tswv Yexus txawm rub cov menyuam los rau hauv Nws xubntiag (Malakaus 10:16) thiab cev tes plhws lawv txhua tus thiab foom koob hmoov rau lawv.

Zaj xwm no ua rau peb pom tus Tswv qhia tshwm Nws kev hlub, tus Tswv kev hmov tshua rau txhua tus neeg, txawm yog ib tug menyuam uas me tshaj. Tus Tswv nplooj siab qhuab ntuas peb, tej menyuam me nyob hauv lub tsev neeg thiab nyob hauv Pawg ntseeg niaj hnub nimno cheem tsum tau hmov tshua, tab ncuab thiab qhia Vajluskub rau, qhia cov menyuam hlub tus Tswv, paub kev thov Vajtswv v.v… Tiamsis cob qhia menyuam cheem tsum poob sijhawm ntau heev, poob dag zog, yuav tsum ua siab ntev, peb thiaj yuav pom tej nqi zog uas coj kev txhawb zog uas yog “Thaum nws hlob lawd, nws thiaj tsis ncaim txojkev ntawd” (Pajlug 22:6). Thiab Pawg ntseeg yuav muaj cov neeg loj hlob hauv kev ntseeg kom ua tau tus Tswv haujlwm zoo li Timautes hnub thaud, “Txij thaum yau los koj twb paub Vajtswv Txojlus tseemceeb, uas pub tau koj muaj tswvyim paub txojkev dim vim ntseeg Yexus Khetos” (2 Timautes 3:15). Thaum peb hmov tshua txog cov menyuam thiab qhia qhov tseeb rau lawv, peb kuj muaj lub zoo sijhawm tig rov los tshuaj xyuas peb txojkev ntseeg saib puas tseeb, puas dawbhuv? Puas tabtom mloog tus Tswv lus kawg siab? Puas tabtom vam khom tus Tswv tas nrho? Puas tabtom hwm tus Tswv thiab muab yus lub neej tso plhuav rau hauv tus Tswv txhais tes lawm tau?

Thov Vajtswv,

Tus Tswv, thov koj pab kom nyuam yaus tsis txhob ua ntsej lag muag dig, saib tsis taus qhov uas coj tej menyuam mus cuag tus Tswv,  thov pab kom nyuam yaus paub tig los tshuaj nyuam yaus tus kheej, kom nyuam yaus muaj lub siab mos muag, vam khom tus Tswv kawg siab zoo li cov menyuam yaus. Nyuam yaus tuav Yexus Khetos lub npe thov, A-mees.

Peb puas tabtom hmov tshua txog tes haujlwm qhia kev ntseeg rau tej menyuam yaus nyob hauv tsev neeg thiab Pawg ntseeg lawm los tsis tau?

 Nyeem Vajluskub hauv peb lub xyoo: 2 Xamuyees 16

Kênh Youtube BHKTHN:

https://www.youtube.com/c/bhkthn

Bài trướcLong An: Lễ Tấn Phong Mục Sư Khu vực III
Bài tiếp theoBrei Phung Hđeh Hriê Kơ Kâo – 21/1/2025