Pajlug 19:13-15
Nqe cim:
“Tus tub uas ruam yuav ua rau nws txiv raug kev puastsuaj. Tus pojniam uas yws taus zoo ib yam li lub tsev uas xau nag” (Pajlug 19:13).
Lus nug rau sawvdaws xav:
- Vajntxwv Xalumoos qhia txog tus tub ruam thiab tus pojniam paub tab licas?
- Peb yuav tsum hloov yam dabtsi kom muaj ib lub cuabyig kaj siab thiab ua rau tus Tswv tau koobmeej?
Lub cuabyig yuav muaj kev vammeej thiab kaj siab, ib feem twg yog nyob ntawm pojniam thiab menyuam. Nqe hauv tej nqe 13-15, Vajntxwv Xalumoos siv ob tug duab los qhia menyuam paub ua neej muaj tswvyim hauv lub cuabyig. Thib ib, nws hais txog teebmeem thaum leej txiv muaj tus tub uas ruam. Tej vajtse thiab nyiaj txiag yog poj koob yawm txwv tej qub txeeg qub teg uas tau muab khaws cia, tiamsis yog poob rau tus menyuam uas ruam txhais tes ces yuav raug ploj thiab poob tas. Tus tub zoo li ntawd “ua rau nws txiv tu siab thiab ua rau nws niam nyuaj siab kawg li” (Pajlug 17:25). Nyob hauv nqe 15, tus sau hais txog tus tub ruam, tsimnyog mob siab sau qoobloo rau thaum tej qoob siav, tiamsis nws ho pw thaum lub caij sau qoobloo (Pajlug 10:5). Kev tubnkeeg coj tus tub uas ruam mus pw tsaug zog txog qib uas nws tsis paub dabtsi tshwmsim los, tsis xam pom txog tus kheej kev txomnyem, thiab hloov tsis tau lubneej kom sawv. Thib ob, vajntxwv hais txog tus pojniam. Yog menyuam yuav tau tus pojniam ruam, ces tsimnyog tus pojniam ntawd yuav tsum mloog lus, tiamsis nws ho ua neeg tsawm taus, yws taus tsis tseg. Qhov no muab piv li dej nag nrog tuj tauv tsis tu (Pajlug 27:15). Thaum tus txiv raug tus pojniam yws taus thiab tsis paub sib zam ua tabkaum, ces yuav qaij tsis dhau qhov uas chim thiab khiav tawm vaj tawm tsev mus. Tiamsis, ib tug pojniam muaj tswvyim yuav paub hwm tus Tswv, ua txhua txoj haujlwm hauv cuabyig, thiab saib taus nws tus txiv. Ib tug txivneej uas tau tus pojniam paub tab, tsimtxiaj, ces nws yuav hlub nws tus pojniam thiab nco ntsoov ua tus Tswv tsaug vim paub hais tias “tus pojniam uas paub tab yog tus TSWV muab rau nws” (nqe 14).
Vajtswv Txojlus qhia pom hais tias lub tsev yuav nyob tsis sov yog hais tias pheej xau nag, lub cuabyig yuav tsis thajyeeb, tsis kaj siab thaum ob niam txiv pheej sib cav tsis tseg. Tus pojniam muaj tswvyim yuav ua qhia tshwm los ntawm kev txawj xav, nquag thiab ua siab ntev. Tus pojniam muaj tswvyim paub faib haujlwm, tu tub tu kiv, thiab kuj yuav tsum paub “ceev txuag” kom lub cuabyig muaj kev sov siab, kaj siab. Tus uas muaj tswvyim yuav tsum hwm tus Tswv, mloog niam txiv lus, nquag kawm xyaum, ua haujlwm, thiab yuav tsum muaj feemxyuam nrog lub cuabyig. Tus txiv uas muaj tswvyim yuav tsum paub hlub, saib taus pojniam menyuam vim tus pojniam paub tab yog tus Tswv muab pub. Thaum tagnrho lub cuabyig paub saib hlob thiab ua kom huamvam tej qub txeeg qub teg sab kev ntseeg, txuag poj koob yawm txwv lub koob npe, thiab tej qub txeeg qub teg sab nqaij tawv, ces yuav tau tus Tswv pub muaj lubneej kaj siab.
Thov Vajtswv,
Tus Tswv, thov ua Koj tsaug vim Koj pub rau nyuam yaus muaj ib leej txiv, leej niam cob qhia nyuam yaus ua neej muaj tswvyim raws li Koj siabnyiam. Thov Koj pab kom nyuam yaus ua tau ib tug txiv, tug niam, tug menyuam muaj tswvyim, ua rau lub cuabyig muaj kev kaj siab, txaus siab thiab ua rau Koj tau koobmeej. Amees.
Peb puas yog tus txiv, tus pojniam lossis tus menyuam uas muaj tswvyim hauv lub cuabyig?
Nyeem Vajluskub hauv peb lub xyoo: Exekees 48
Kênh Youtube BHKTHN:
