Pajlug 3:27-28
Nqe cim:
“Yog muaj tej yam uas koj pab tau lwm tus, cia li pab tsis txhob muab khaws cia.” (Pajlug 3:27)
Lus nug xav:
– Vajntxwv Xalumoos ntuas menyuam kom cheem tsum muaj tes haujlwm twg los pab tej neeg zejzog? Vim li cas?
– Peb tabtom ua raws lolus ntuas no li cas?
Pajlug tshooj 3 yog ib zaj lus qhia zoo heev uas Vajntxwv Xalumoos qhia nws menyuam txog kev txawj ntse. Yog 26 nqe thawj qhia txog tus TSWV yog lub hauv paus kev txawj ntse, tej txiaj ntsig ntawm kev txawj ntse thiab txoj haukev uas txais tau kev txawj ntse, ces cov nqe nram qab no, vajntxwv Xalumoos qhia txog txoj haukev uas tus neeg txawj ntse ua rau lwm tus
Yam xub thawj uas Vajntxwv Xalumoos qhia nws menyuam yog “..muaj tej yam uas koj pab tau lwm tus, cia li pab tsis txhob muab khaws cia”. Nqe 28 qhia paub “ lwm tus” yog“tej kwvtij zejzog”. Kwvtij zejzog uas “tsim nyog” txhais tau hais tias yog “ tus ntxim pab, tus cheemtsum” tau pab. Yog li ntawd, peb zeem tau cov uas peb yuav tsum “ua zoo rau” tsis tsuas yog cov uas nyob ze ntawm yus lub tsev, uas pheej hu tias cov “kwvtij zejzog” lossis tej neeg zej zog xwb, tiamsis tseem yog cov neeg muaj kev cheemtsum uas peb paub txog. Vajluskub tshiab tau qhia meej lub ntsiab ntawm “kwvtij zejzog” thaum ib tug xibhwb qhia kevcai nug Tswv Yexus hais tias: “Tus twg thiaj yog kuv tej kwvtij zejzog?” dhau ntawm zaj lus pivtxwv txog tus Xamalis siab zoo, Tswv Yexus twb teb meej tias: kwvtj zejzog tej zaum yog cov neeg uas peb tsis tau swm dua tiamsis cheem tsum kev pab(Lukas 10:29-37). Yog li ntawd, Nqe pajlug no qhia peb yuav tsum ua zoo thiab pab cov neeg uas nyob hauv lub tsam thawj txomnyem tsimnyog tau kev pab. Ntawm no tsis yog hais txog tej yam cheem tsum uas tsis meej tseeb, tiamsis lolus “zoo” yog hais txog tej yam khoom uas meej tseeb tuav tau(I Yauhas 3:1-18).
Feem thawj ntawm nqe pajlug no raws li hauv paus lus yog: “txhob khaws cia yam zoo dhau ntawm nws cov tswv”. “yam zoo” no tabtom yog leejtwg ntiag tug? Puas yog peb nev? Tsis yog! Peb tsis tau siv tej “yam zoo” ntawd ua peb ntiag tug, tiamsis peb tsuas yog tus saib xyuas xwb! Qhov tseeb, “yam zoo” yog cov neeg uas muaj kev cheem tsum tug. Yog peb qia dub, tsis faib, tsis pub vim xav tias tej khoom no yog yus li, yuav pub rau leej twg ces pub, tsis xav pub kuj tsis ua cas! Tiamsis Vajtswv Txojlus qhia tias cuab yeej cuab tam Vajtswv pub rau peb yeej tsis yog peb tug, tiamsis yog cov neeg uas muaj kev cheem tsum tau pab tug. Vim txhua yam puav leej yog Vajtswv li, peb tsuas yog tus uas saib xyuas xwb! Tej “yam zoo” Vajtswv muab rau peb tsis yog cia kom peb siv los ntawm lub siab qia dub uas tsuas siv pab tus kheej xwb, tiamsis Vajtswv pub rau peb tej “yam zoo” ntawd kom peb saib xyuas thiab coj mus pub rau tej neeg uas muaj kev cheem tsum tau pab.
Peb ib leeg ua txhaum rau ib leeg tsis tsuas yog los ntawm tej kev ua phem xwb tiamsis kuj yog qhov uas tsis kam ua yam zoo sib pab thiab. Ntau tus pheej xav tias yuav yog qhov zoo yog yus tsis tau ua txum loom(làm hại) leej twg li, tiamsis tseeb tiag yuav yog kev txhaum yog tias peb tsuas tsis txum loom leej twg li los peb tsis kam pab luag! Qhov tseem ceeb uas txhua hnub peb yuav tsum tshuaj xyuas yog: muaj tej yam zoo twg uas kuv tabtom ceev cia, thiab yig tsis kam ua zoo “rau cov uas tsim nyog tau qhov zoo”?
Thov Vajtswv,
Tus Tswv, thov pub rau nyuam yaus zeem paub nyuam yaus tsuas yog tus saib xyuas, thiab pab nyuam yaus siv tej yam uas Vajtswv pub kom qhia tshwm Vajtswv kev hlub rau lwm tus. Tuav Tswv Yexus khetos lub npe thov, Amees.
Yam dab tsis ua rau peb hnov khwv tshaj thaum ua raws lolus ntuas no?
Nyeem Vajluskub hauv peb xyoo: Yauj 36
Kênh Youtube BHKTHN:
