Mathais 24:29-31
Nqe cim:
“Thaum ntawd nej yuav pom ib lub cim tshwm saum nruab ntug qhia hais tias Neeg Leej Tub yuav los. Txhua haivneeg hauv qab ntuj no yuav quaj nyiav ntsoog qees thaum lawv pom Neeg Leej Tub nrog nws lub tshwjchim uas ci ntsa iab thiab nws lub hwjchim los saum ntuj los” (Mathais 24:30)
Lus nug xav:
– Tswv Yexus ceebtoom ua ntej qhov uas Nws yuav los timntsej timmuag li cas?
– Xwmtxheej Tswv Yexus los timntsej timmuag tau piav tawm li cas?
– Muaj yam dabtsi ntuas peb hauv ntu Vajluskub hnub no?
Ntu Vajluskub no yog Tswv Yexus lolus teb rau Nws cov thwjtim lolus nug: muaj yam twg qhia rau peb paub hais tias, twb txog lub sijhawm uas koj yuav los thiab lub ntiajteb yuav kawg”? (Mathais 24:3). Tus Tswv qhia paub kiag tom qab tej kev txomnyem yuav muaj tej xwmtxheej qhia paub Tswv Yexus yuav tshwm los. Qhov uas tus Tswv yuav los zoo li cas twb tau cov tim Tswv tshaj qhia paub rau hnub tus Tswv mus saum ntuj “…Yexus tus uas Vajtswv nyuam qhuav coj mus saum ntuj lawm, nws yeej yuav rov qab los ib yam nkaus li uas nej pom nws mus ntag” (Tes Haujlwm 1:11).
Qhov xwmtxheej uas Tswv Yexus los yog ib zaj xwmtxheej ua rau lub ntuj ua zog koog, lub hnub, lub hli yuav tsum muab lub tshwjchim rau tus Tswv, tej hnub qub yuav zeeg, thiab tej hwjchim saum nruan ntug yuav ua zog koog. Tswv Yexus yuav tshwm los timntsej timmuag, nrog lub tshwjchim ci ntsia iab nrog huab nrog cua los, txhua tus tibneeg qhovmuag puavleej pom, cov ntawd muaj qee leej yuav khuvxim ntaus hauv siab quaj vim lawv tsis txais yuav tus Tswv txoj txoj hmoov kev cawmdim thiab lawv yuav tau nyob hauv ntu caijnyoog uas muaj kev txomnyem loj kawg nkaus. Lolus “lub tshwjchim … hwjchim” piav txog Nws tus tshwjchim uas ci ntsia iab thaum Nws rov los ntiajteb timntsej timmuag, txhua tus tibneeg hauv ntiajteb no puavleej yuav saj pom Vajtswv Vaj Leej Tub tus tshwjchim ntawd. Nws yuav txib nws cov timtswv tshuab raj tshuab xyu nrov nrov hu. Lawv yuav mus sau cov neeg uas nws xaiv cia lawm txhua nrho plaub ceg kaum ntuj, sab ntuj tim no mus txog sab ntuj tim ub los nyob ua ke, nov yog lub suab raj suab xyu uas kov yeej, kaj siab. Cov Yixalayees uas tso kev txhaum tseg hauv lub caij kev txomnyem lawv yuav tig rov los muaj kev zoo siab, xyiv fab.
Tshab plaws hauv keebkwm Pawg ntseeg, Vajtswv cov menyuam puavleej kub siab thiab tos hnub uas tus Tswv rov los. Vajtswv Pawg ntseeg yeej yuav tsis raug tiv kev txomnyem kawg nkaus hauv caij txomnyem, tiamsis txhua tus ntseeg puavleej cheemtsum raug ntuas txog lub sijhawm caijnyoog no, kom peb npaj lub neej lub siab nyob tos hnub uas tus Tswv rov los tos Pawg ntseeg. Peb tsis yog tsuas tos suab raj suab xyu tshaj xov kev kovyeej ntawm tus menyuam yaj thaum kawg xwb (nqe 31), tiamsis peb cia siab ntsoov tos lub suab raj suab xyu uas sau cov ntseeg los ua ke: “sawvdaws yuav hnov ib lub suab hu nrov nrov saum ntuj tuaj, thiab yuav hnov tus thawj timtswv ceebtsheej lub suab hu thiab hnov Vajtswv lub suab raj suab xyu nrov. Ces cov neeg tuag lawm uas ntseeg Yexus yuav sawv hauv qhov tuag los… ” (1 Thexalaunikes 4:16-17). Thov Vajtswv ntuas kom peb yuav tsum tsim dheev, thov Vajtswv, kom peb tsis raug muab pov rau tom qab hauv lub caij txomnyem, tsis ntaus hauv siab quaj khuvxim zoo li cov neeg uas tsis ntseeg tus Tswv tiag thiab tsis npaj tu yus lub neej tos tus Tswv rov los.
Thov Vajtswv,
Tus Tswv Yexus, nyuam yaus cia siab ntsoov nyob tos hnub Koj rov qab los. Thov pab nyuam yaus tshuaj xyuas lub neej txhua hnub thiab cia Vaj Ntsujplig ntuas nyuam yaus kom tso tej kev txhaum uas tseem zais cia tseg kom tu tau lub neej tos hnub Koj rov qab los. Nyuam yaus tuav Tswv Yexus Khetos lub npe thov, Amees.
Peb npaj peb lub neej li cas txhij tos hnub tus Tswv rov qab los?
Nyeem Vajluskub hauv peb lub xyoos: Exalas 3
Kênh Youtube BHKTHN:
