II Timôthê 1:1-2
“Inh Pôl jơ̆ng ‘bang Yêsu Krist chih hơpong kơ Timôthê. Hmach kơ ih, dăm. Ih kon inh mă ‘mêm kơeng tơpă. Sơ̆ ‘Bok Kei-Dei athei inh pơm jơ̆ng ‘bang Yêsu Krist wă pơtruh nơ̆r pơkă khan”
(II Timôthê 1:1-2a)
Nơ̆r jet tơchĕng pơwao:
– Blŭng a lăm kơ thơ, ‘Bok Pôl roi tơbăt thoi yơ gah kơdih akâu sư, gah Kră Yang păng gah Timôthê?
– Bơ̆n athei pơm thoi yơ wă pơjing tơiung kơ lu bơngai mă Kră Yang pơjao kơ bơ̆n wei lăng?
– Lu bngai bơ̆jang kơ Kră Yang kăl kơ đei lu tơdrong ayơ?
‘Nâu wơ̆t mă ‘bar. ‘Bok Pôl chih kơthơ hơpong gơih ăn kơ Timôthê. Sư chih rok kiơ̆ kơthơ. Kơplah noh sơ̆, thoi noh nơ̆r sư pơma jet gia blŭng a đei lei lăi hăm nơ̆r jet gia lăm kơthơ sư chih blŭng a. ‘Bar tŏ kơthơ tă kơ roi tơbăt sư bơih jơ̆ “Jơ̆ng ‘bang Yêsu Krist”, chih “hơpong ăn kơ Timôthê” păng chih minh nơ̆r hơkat lei lăi băl. Mă khan lei ră, phŏ kư̆m đei tơdrong kăl phara biơ̆ mă bơ̆n gơh ‘bôh.
Mă mônh, lăm kơthơ mă mônh, ‘bok Pôl sư pơm jơ̆ng ‘bang ‘noh kiơ kơ “’Bok Kei-Dei athei”, na lăm kơthơ mă ‘bar, sư khan sư pơm jơ̆ng ‘bang “’Bok Kei-Dei athei inh pơm” păng “pơm jơ̆ng ‘bang Yêsu Krist wă pơtruh nơ̆r pơkă khan” (trong 1). Pơm jơ̆ng ‘bang, jing bơngai bơ̆jang kơ Kră Yang “kiơ̆ kơ athei” pơma hơđăl jơhngơ̆m bơ̆jang hăm tơdrong mơsêh ‘Bok Krist đei rơih păng krao yua bơ̆n. Na lăm kơplah “kiơ̆ kơ wă” păng “kiơ̆ nơ̆r pơkă” tơ’bôh tơdrong bơngai bơ̆jang adrin hiơ̆k bơngơ̆t tôm tơdrong noh tơdrong Kră Yang wă ưh kơ sĭ kiơ̆ thoi sư wă ôh. Jơhngơ̆m mă chu kơ Kră Yang păng ‘maih bơ̆jang kơ Kră Yang wă Kră Yang lăp đon nohh tơdrong rim bơngai bơ̆jang kăl kơ đei.
Mă ‘bar, lăm kơthơ Timôthê, ‘bok Pôl krao Timôthê noh “kon lăm tơdrong lui” lei na lăm kơthơ ‘nâu sư krao ‘bok bơtho mă oei ‘lơ̆p hơmuh mŏng ‘nâu “kon inh mă ‘mêm kơeng tơpă” (trong 2). Nơ̆r pơma dơnuh ‘nâu tơ’bôh tơdrong juăt tơ jê̆ băl dêh lăm sư păng tơdăm Timôthê ‘nâu, bơngai mă sư wei rong păng tơ iung bơhngol noh pơgơ̆p tơguăt hơnơ̆ng ‘mêm mơnat thoi ‘Bă hăm kon. Lăm tơdrong jang bơwei, tơiung dih băl lăm đon lui, wă bơtho pơlung, tơ’blŏk băl, phŏ chrih khă wă kơ sơng iŏk păng pơyom gĭt lei na tơdrong tơ’bưh gah bơhngol athei tơ’bưh tơpăt tơpă păng ‘mêm mơnat ưh kơsĭ khan nơ̆r athei, pơgŏ dah pơm wă kơ đei đĕch ôh.
Lăm trong yak kiơ̆ Kră Yang. Bơngai lui ưh kơsĭ khan lui kơ Kră Yang đĕch tôm mah bơih, na kư̆m athei wơ̆ ‘lŏ gah bơhngol hơnơ̆ng đơ̆ng tơdrong ling lang pơhrăm nơ̆r Kră Yang păng pơma tơ’bưh hăm Kră Yang. Rim ‘nu kơ bah mă bu bu kư̆m kăl kơ đei bơngai bơwei bơhngol tơgŭm bơ̆n, păng Kră Yang kư̆m wă kơ bơ̆n bơwei bơhngol kơ minh dah lơ bơngai lăm khul lui dah lăm hnam dơnŏ, wă kơ đĭ đăng wơ̆ ‘lŏ lăm Kră Yang. Bơ̆n kăl kơ bơ̆jang hăm đĭ jơhngơ̆m bơ̆n, ‘mêm tơpăt tơpă, tơguăt dih băl wă tơ iung dih băl thoi Kră Yang wă.
Lu bơ̆n pôm đon lăm tơdrong krao khan,
Ơ Kră Yang, bơnê kơ Ih ăn kơ inh gơh wơ̆ kơjăp đơ̆ng bơngai năm adrol bơwei rong bơhngol inh. Apinh tơgŭm inh pơ̆n pơkă pơkăm păng ‘mêm mơnat wă đĭ jơhngơ̆m wei rong bơhngol lu bơngai mă Ih pơjao. Krao khan yua Anăn Kră Yang Yêsu Krist, Amen.
Ơ đĭ đăng lu bơngai mơ̆ng mă ‘mêm kơeng,
Bơ̆n oei bơwei rong bơhngol kơ đe bu mă Ih păng ih bơwei hăm jơhngơ̆m thoi yơ?
Đơ̆ng bơngai năm adrol tơ’bôh
Na ‘bôh inh kơjăp đon lui
Kră Yang pơjao bơwei rong bơhngol
Inh pinh pơkă đĭ jơhngơ̆m ‘mêm mơnat.
Đŏk Sơ̆p Hla bơar ‘Bok Kei-Dei lăm pêng sơnăm: Êsơtê 1
Kênh Youtube BHKTHN:
