Pajlug 3:29-30
Nqe cim:
“tsis txhob ntaus tswvyim ua phem rau tej kwvtij zej zog uas nyob ze koj thiab tso siab rau koj” (Pajlug 3:29 HMOWSV)
Lus nug xav:
– Kom tau ceem lij ib lub neej tshiab, kaj siab, vajntxwv Xalumoos rov ntuas qhia nws tej menyuam txog yam dabtsi?
– Vajtswv txojlus qhia pom qhov twg yog yam uas tseemceeb kom tsim tsa ib lub zej zog uas kaj siab?
– Peb cheem tsum ua neej li cas nrog tej neeg ib ncig?
Ib lub neej muaj Vajtswv thiab ua neej txawj ntse tsis yog tsuas npaj txhij ua yam zoo rau lwm tus uas muaj kev cheem tsum xwb tiamsis tseem yuav tsum tsis txhob muaj lub siab khib thiab ua hiam lwm tus. Vajntxwv Xalumoos qhia: “tsis txhob ntaus tswvyim ua phem rau tej kwvtij zej zog”. “Ntaus tswvyim” yog ib tes haujlwm uas muaj homphiaj, Xalumoos qhia menyuam kom tsis txhob txhob txwm ua phem rau kwvtij zej zog ib ncig. Tshaj ntawd, kev ua phem rau kwvtij zej zog uas hais ntawm no yog tej kwvtij zej zog uas “nyob ze koj thiab tso siab rau koj”. “Nyab xeeb” kuj muaj lub ntsiab hais tias “ntseeg siab”, kwvtij zej zog hnov muaj kev tso siab, ntseeg siab thiab tsis faj. Vim li ntawd, kev txhaum ntawm no tsis yog tsuas ua phem, tiamsis tseem yog ntxeev siab rau luag txoj kev ntseeg siab rau yus thiab ntxab ntxawm lwm tus txoj kev tso siab. Peb ntsia pom tej kev txhaum no meej tshaj dhau ntawm Yudas Ixakali-us txoj kev ntxeev siab, Vajtswv Txojlus hais tias: “Yudas txais nkaus qhov ncuav ntawd noj, tamsim ntawd Yudas txawm tawm plaws mus lawm. Thaum ntawd twb tsaus ntuj lawm” (Yauhas 13:30). Muab rau lwm tus ib qhov ncuav uas twb ntsw hauv cov kua ntsw lawm yog lub cim ntawm kev saib taus thiab kev phoojywg (Luv 2:14). Txawm li ntawd los pauj qhov kev “noj nyob nyab xeeb” ntawm Tswv Yexus, Yudas tau ntxeev siab rau Tus Tswv. Muaj tej tug tau pab hais daws qhov uas Yudas muag tus Tswv, tiamsis Vajluskub qhia pom meej Yudas yog ib tug neeg siab phem heev thiab ntshaw nyiaj.
Pajlug 3:27-30 qhia qhov uas yuav tsim tsa tau ib lub zejzog kaj siab cheem tsum muaj ob yam: tim ib, mob siab txog lwm tus tej kev cheem tsum. Timthawj Paulus tau qhia cov ntseeg hauv Filipis hais tias: “Tsis txhob ua siab hlob txeeb ua ib yam dabtsi rau yus lossis tsab ua loj tiamsis yuav tsum txo hwjchim xam pom lwm tus zoo dua yus. Nej tsis txhob nyias xam pom nyias tus kheej xwb yuav tsum xam pom lwm tus thiab” (Filipis 2:3-4 HMOWSV). Tim ob, ua neej tseeb, muaj kev hlub. Kev ntseeg siab yog cov kua nplaum uas khi ib lub zej zog nyob ua ke. Kom pab tau ib lub zej zog muaj kev sib raug zoo hauv tus Tswv, yuav tsum muaj kev sib ntseeg siab. Vajtswv Txojlus qhia hais tias: “Nej yuav tsum ua siab ntev nrog sawvdaws sib nraug zoo, thiab nej yuav tsum xyaum ua kom nej lub neej dawbhuv, rau qhov tus uas tsis muaj lub neej zoo li no yeej yuav tsis pom tus Tswv ib zaug li” (Henplais 12:14).
Niaj hnub nim no, cov chaw sib txuas lus saum huab cua tau qhib kev rau cov neeg uas “nyiam ua lub neej cuav saum huab cua” tau siv tej duab khav kev zoo nkauj cuav ntawm tus kheej los ntxias lwm tus, lossis siv zoo li tej cuab yeej los iab liam lwm tus, tawm tsam cov neeg uas “tsis xav nrog leejtwg sib txeeb yam uas tsis muaj laj thawj”! ntawm no, Vajntxwv Xalumoos tsis yog xav qhia rau nws tus menyuam hais tias txhua yam kev sib cav puav leej txhaum, tiamsis nws tawm tsam tus cwjpwm nyiam ua rog, xav tsim teeb meem, xav sib txeeb uas tsis raug cai. Yog cov neeg uas yog Vajtswv tug thiab ua neej txawj ntse, peb yuav tsum yog cov neeg uas nriav kev thaj yeeb (Mathais 5:9), thiab“Yog ua tau mas koj yuav siv zog nrog luag nyob sib hum xeeb npaum li uas koj tus kheej ua tau.” (Loos 12:18 HMOWSV).
Thov Vajtswv,
Tus Tswv, thov pab nyuamyaus ua lub neej uas tseeb, ncaj ncees, thiab hlub cov neeg ib ncig nyuam yaus kom dhau ntawd luag pom koj tus duab nyob hauv nyuam yaus. Nyuam yaus tuav Tswv Yexus Khetos lub npe thov, Amees.
Peb ua dabtsi kom lub zejzog tuav ruaj txoj kev sib raug zoo hauv tus Tswv?
Nyeem Vajluskub hauv peb xyoo: Yauj 38
Kênh Youtube BHKTHN:
