Pajlug 25:16-20
Nqe cim:
“Nqe ob uas tseemceeb hais li no hais tias, ‘Hlub koj tej kwvtij zejzog ib yam li koj hlub koj lub cev.’ Tsis muaj dua lwm nqe uas tseemceeb tshaj ob nqe no lawm.” (Malakaus 12:31)
Lus nug sawvdaws xav:
– Vajntxwv Xalumoos qhia menyuam yuav tsum ua neej muaj kev txawj ntse nrog lwm tus li cas?
– Cov ntseeg yuav tsum coj cwj pwm licas nrog tus neeg nyob ze yus?
– Peb yuav tsum txhim kho kev sib raug zoo nrog tus neeg nyob ze yus licas?
Vajntxwv Xalumoos qhia nws cov menyuam yuav tsum ua neej muaj kev txawj ntse los ntawm kev coj cwj pwm zoo nrog tej neeg ibncig. Thib ib, koj yuav tsum tswj tus kheej thaum nrog tej neeg ibncig nyob ua ke. Lo lus “ntau dhau” hais txog kev saib tsis taus, saib tsis muaj nqis. Zib ntab yog yam qab zib, tiamsis noj ntau dhau ces yuav dhuav, thiab ntuav tawm, zoo ib yam li kev ncig xyuas lwm tus yog yam tseemceeb tiamsis yog mus xyuas tsis yeej lossis tos ntev dhau mam mus, ces yuav ua rau cov neeg ib ncig hnov meem txom (nqe 16-17). Vim li ntawd, kev ua neej yuav tsum muaj kev tswj tus kheej. Thib ob, hauv kev sib raug zoo nrog tus neeg nyob ze, yuav tsum muaj kev ncaj ncees. Daim duab piv txwv qhia txog qhov txaus ntshai ntawm tej kev sib raug zoo uas tsis txaus ntseeg siab. Kev ua timkhawv tsis tseeb rau lwm tus tau muab piv li tej cuabyeej ua rau raug mob hauv kev ua rog, “tus qws lossis rab ntaj lossis xib xubvos uas ntse zuag plias” tsis siv los tua yeebncuab tiamsis siv los nkaug tej phoojywg. Thaum muaj kev txomnyem, tsimnyog zoo li ib txhib hniav uas muaj zog, pab tau noj yug lub cev, tiamsis ho mob kaus ua rau lub cev nkees ntxiv; tsimnyog zoo li sab ceg muaj zog ceeb lub cev, tiamsis ho raug tu taw ua rau lub cev ntog, vau rau hauv av. Qhov kev sib raug zoo uas “tsis ncaj” zoo li ntawd, tsuas coj kev mob thiab kev puas siab puas ntsws los xwb. Qhov kawg, cov neeg nyob ze ibncig yuav tsum muaj kev nkag siab thiab sib pab txhawb zog. Tus neeg uas tsis muaj kev nkag siab raug piv zoo li tus “hu nkauj rau tus neeg nyuaj siab mloog”, tsim nyog txhawb lwm tus lub zog tiamsis tseem ua rau lawv raug mob siab ntxiv, zoo li tug neeg hle ris tsho mus tiv no lossis zoo li nphoo ntsev rau lub qhov txhab ua rau mob ntxiv.
Kev sib raug zoo nrog tus neeg nyob ibncig yog kev sib raug zoo ntawm ob tog, yog li Vajntxwv Xalumoos qhia nws cov menyuam thiab tus neeg nyob ze yuav tsum yog cov neeg tswj tus kheej, ncaj ncees thiab muaj kev nkag siab.
Cov laus muaj ib lo lus hais tias: “Muag kwv tij deb, yuav zej zog ze.” Lo lus no tsis qhia kom saib tsis taus roj ntsha tiamsis qhaub ntuas txhua tus nco ntsoov txhim kho kev sib raug zoo nrog cov neeg nyob ze. Yog ib tug ntseeg, peb yuav tsum ua neej nyob nrog tus qauv siab dua cov uas tsis tau paub Vajtswv. Tswv Yexus tau muab txoj cai lij choj tag nrho los ua ob lo lus hais: “Nej yuav tsum hlub tus Tswv uas yog nej tus Vajtswv kawg siab kawg ntsws, kawg plab kawg plawv thiab kawg nej lub dag lub zog.’ Nqe ob uas tseemceeb hais li no hais tias, ‘Hlub koj tej kwvtij zejzog ib yam li koj hlub koj lub cev.’ Tsis muaj dua lwm nqe uas tseemceeb tshaj ob nqe no lawm” (Malakaus 12:30-31). Thov Vajtswv pub rau peb txhua tus muaj kev txawj ntse, ua neej raws li Vajtswv Txojlus kom ua tau ib tug neeg txaus ntseeg siab, sib hlub thiab qhia tshwm lub neej ntseeg thiab ua rau Vajtswv lub npe tau koob meej.
Thov Vajtswv,
Tus Tswv, ua Koj tsaug uas Koj hlub nyuam yaus, zam nyuam yaus tej kev txhaum thiab pub nyuam yaus los ua Koj tus menyuam. Thov Koj pub kom nyuam yaus paub ua neej hlub tibneeg, coj cwjpwm tsimnyog, ncaj ncees thiab muaj kev nkag siab nrog tus neeg nyob ze kom coob tus paub Koj dhau ntawm nyuam yaus lub neej. Nyuam yaus tuav Yexus Khetos lub npe thov, Amees.
Ib tsoom cov mloog uas hmov thiab tshua,
Peb yuav tsum hloov peb txoj kev coj cwj pwm nrog tus neeg nyob ze licas?
Nyeem Vajluskub hauv peb lub xyoo: Yelemis 50
Kênh Youtube BHKTHN:
