I Kauleethaus 2:1-5
Nqe cim:
“Tej lus uas kuv hais thiab tej lus uas kuv qhia tsis yog neeg lub tswvyim, tiamsis yog tej lus uas qhia kom sawvdaws pom Vajtswv tus Ntsujplig lub hwjchim. Yog li ntawd, qhov uas nej ntseeg Vajtswv tsis yog nej cia siab rau neeg lub tswvyim, tiamsis yog nej cia siab rau Vajtswv lub hwjchim.” (I Kauleethaus 2:4-5)
Lus nug xav:
– Timthawj Paulus tau tshajtawm Txojmoo Zoo rau cov neeg Kauleethaus los ntawm nplooj siab thiab ntsiab lus zoo li cas?
– Vim li cas nws ho tsis siv tej lus zaj lus zuag lossis siv kev txawj ntse los qhia?
– Peb pheej vamkhom yam dabtsi thaum tshajtawm Txojmoo Zoo?
Txuas ntxiv txog zaj lus qhia hais txog kev sib faib pab pawg raws li neeg ntiajteb kev txawj ntse, Timthawj Paulus qhia kom cov ntseeg hauv Kauleethaus nco txog lub sijhawm uas hnub thaud nws tuaj qhia lawv. Txawm paub tias Kauleethaus yog ib lub nroog vammeej thiab raug kev cuam tshuam loj heev ntawm cov Kilis txojkev coj noj coj ua, uas yog saib hlob kev txawj ntse, nyiam mloog tej lus zaj lus zuag, los nws yeej hais tias: “Kuv tsis tau tuaj qhia Vajtswv txojlus tseeb uas tsis muaj neeg paub rau nej kom zoo mloog lossis qhia raws li kuv lub tswvyim xwb” (nqe 1, 4). Tiamsis nws hais tias: “thaum kuv tuaj nrog nej nyob, kuv qaug zog thiab ntshai ua ibce tshee hnyo” (nqe 3), txhais tau hais tias nws paub tseeb tias txoj haujlwm nws ua no yog los ntawm Vajtswv los thiab nws cheemtsum tau Vajtswv lub hwjchim pab.
Lub nroog Kauleethaus tsis yog thawj qhov chaw uas Timthawj Paulus tshajtawm Txojmoo Zoo, txawm li ntawd los nws tseem tuav tau ib nplooj siab tshee hnyo thaum qhia Vajtswv Txojlus rau qhov ntawd. Nws yeej nco ntsoov txog qhov tseem ceeb thiab dawbhuv ntawm tes haujlwm uas nws tau muab cob. Nws tsis xaiv qhia kom luag qhuas nws tus kheej tiamsis xav nthuav tawm Txojmoo Zoo xwb. Nws xaiv ua tus neeg uas tsis muaj suab npe kom Tswv Yexus Khetos tau koob meej.
Yuav ua li cas thiaj paub ib tug neeg puas siv kev hais lus zaj lus zuag kom zoo mloog raws li tus kheej lub tswv yim? Cia li saib nws lub homphiaj! Lub homphiaj uas Timthawj Paulus tshajtawm Txojmoo Zoo rau cov neeg Kauleethaus yog kom lawv muaj kev cia siab tseeb, nws hais tias: “qhov uas nej ntseeg Vajtswv tsis yog nej cia siab rau neeg lub tswvyim, tiamsis yog nej cia siab rau Vajtswv lub hwjchim” (nqe 5). Nws tsis siv lus zaj lus zuag zoo mloog los qhia, vim yog hais tias nws siv tej lus txawj lus ntse thiab lus zoo mloog los qhia nyob hauv lub tsamthawj zoo li ntawd, ces nws tus kheej yuav tau luag qhuas tiamsis Tus uas nws tabtom qhia txog yuav raug ntis lawm. Nws xaiv txojkev ntawd vim xav kom Tswv Yexus Txojmoo Zoo, tsis yog nws tus kheej, tau lwm tus paub txog; thiab Txojmoo Zoo yeej tau lwm tus txais yuav lawm tiag, Pawg Ntseeg kuj tau txhim tsa yooj yim li ntawd. Timthawj Paulus hais meej hais tias Txojmoo Zoo tau lwm tus txais yuav tsis yog los ntawm kev hais lus tej lus zaj lus zuag raws tswv yim. Tom qab no, nyob hauv tshooj 9, nws kuj hais tias: “Kuv xyaum ua li txhua haivneeg ua. Kuv ua li ntawd saib puas yuav pab tau qee leej rov los ua neeg tshiab yuav hloov mus ua txhua yam rau txhua yam neeg kom cawm tau ib txhia.” Nws hais li ntawd yog hais txog kev txaus siab ua neej nyob nrog cov neeg uas nws qhia Txojmoo Zoo rau, kom coob leej tau txais txojkev cawmdim, tsis yog hais txog txoj haukev siv los qhia Txojmoo Zoo.
Nyob hauv keebkwm Pawg Ntseeg, muaj coob tug Xibhwb muaj tswv yim qhia zoo mloog, tiamsis lawv tsis vamkhom tus kheej kev txawjntse, lawv tsuas vamkhom Vaj Ntsujplig lub hwjchim ua haujlwm hauv cov uas mloog lub siab xwb. Thaum peb qhia Vajtswv Txojlus kuj yuav tsum npaj siab zoo zoo thiab siv txhua yam koob hmoov uas Vajtswv pub, tiamsis tsis txhob vamkhom rau tej ntawd, tsuas cia siab rau Vaj Ntsujplig lub hwjchim xwb.
Thov Vajtswv,
Tus Tswv, thov zam txim rau nyuam yaus vim ntau zaug nyuam yaus tsuas vamkhom tus kheej lub peevxwm, kev txawjntse, kev txawj hais lus los qhia Txojmoo Zoo. Thov pab nyuam yaus niaj hnub cia siab rau Vaj Ntsujplig lub hwjchim kom Tus Cawmseej lub koob npe nrov ncha moo lug. Nyuam yaus tuav Yexus Khetos lub npe thov. Amees.
Peb txhim peb txojkev ntseeg rau saum tus kheej lub peevxwm lossis vamkhom Vaj Ntsujp
Vajluskub hauv peb lub xyoos: Tes Haujlwm 17
Kênh Youtube BHKTHN:
