1 Timautes 4:6
Nqe cim:
“Yog koj qhia tej no rau cov kwvtij uas ntseeg, sawvdaws yuav pom hais tias koj yog Yexus Khetos tus tubtxib uas ua haujlwm zoo, rau qhov koj muab siab rau ntseeg thiab coj raws li txojlus tseeb uas koj twb kawm los lawm” (1 Timautes 4:6)
Lus nug xav:
– Timthawj Paulus ntuas xibhwb hluas Timautes yam dabtsi?
– Yog ib tug menyuam, peb kawm tau dabtsi phaum neeg dhau los?
– Yog leej niam leej txiv, peb yuav tsum ua dabtsi kom sib txuas tau rau phaum neeg tom qab?
Hauv ntu Vajluskub no, timthawj Paulus txhawb Timautes uas yog ib tug xibhwb hluas hais tias, yuavtsum ncajncees qhia tej lus tseeb uas nws twb tau txais lawd. Xibhwb Timautes sawv nruab nrab ntawm ob phaum neeg: Ua ntej ntawd, nws kawm ntawm timthawj Paulus, thiab tamsim no nws muaj feem xyuam qhia lwm tus. Timautes lub luag haujlwm dhau los ua tus choj txuas txojkev ntseeg, kev cia siab rau lub neej yav tom ntej.
Timthawj Paulus txhawb Xibhwb Timautes yuav tsum: “qhia tej no rau cov kwvtij uas ntseeg”, lub ntsiab yog qhia txojkev ntseeg rau cov ntseeg kom paub hais tias yus ntseeg dabtsi thiab tabtom mus rau qhov twg kom cov ntseeg thiaj tsis raug dag ntxias rau tej kev ntseeg qhia cuav uas coj mus yuam kev. Timautes thiab cov ntseeg yuavtsum yug yus ciaj los ntawm Vajtswv Txojlus (nqe 6b) thiab qhia Vajtswv Txojlus rau phaum neeg txuas ntxiv. Ua neej txhua hnub yuav tsum xyaum “ua haujlwm zoo” thiab xav Vajtswv Txojlus yuav pab Vajtswv cov menyuam loj hlob kev ntseeg thiab paub Vajtswv. Timthawj Paulus ntuas nws tus tub sab ntsujplig kom yuav tsum dhau los ua “tus tubtxib uas ua haujlwm zoo” qhia tej Lus uas yug koj txhua hnub thiab tshaj qhov ntawd, koj yuav tsum uas raws li tej Lus ntawd.
Niaj hnub nim no, hauv tsev neeg thiab Pawg ntseeg, pom meej muaj kev quas ntawm tej phaum neeg: Kev xav, kev ua neej, kev ntshaw sib txawv. Tiamsis timthawj Paulus qhia rau peb hais tias kev koom tau ua ke tsis yog los ntawm kev zoo sib thooj xwb, tiamsis yog los ntawm kev ncajncees rau Vajtswv Txojlus. Thaum ib leej txiv uas yog neeg laus ua qauv txog kev ncajncees, kev sib hwm, kev ua siab ntev thiab thaum cov menyuam yaus muaj kev txo hwjchim, saib taus tsev neeg yuav muaj kev sib hlub sib raug zoo, Pawg ntseeg yuav yog qhov chaw rau tej phaum neeg sib pab thiab sib txhawb rau phaum neeg no mus rau lwm phaum mus txog hnub uas tus Tswv rov los.
Txawm peb yog ib leej txiv yug, leej txiv sab ntsujplig, lossis ib tug qhia, lossis yog thawjcoj, Vajtswv hu peb txhua tus los nyob nruab nrab hauv tej phaum neeg. Vajtswv nqua hu peb yug peb tus kheej los ntawm Nws Txojlus thiab qhia Nws Txojlus ntawd los ntawm kev txo hwjchim, kev hlub thiab kev ua qauv zoo. Hauv kev nrhiav haukev rub kom tau tej phaum neeg los ze ua ke, paub tseeb hais tias peb cov uas yog niam yog txiv peb yuav tsum coj raws li tej uas peb qhia hauv kev ua neej kom phim li kev ntseeg. Thov Vajtswv pab peb nqis peev, yug peb kev ntseeg thiab qhia tej yam uas ntawm sab ntsujplig rau phaum neeg txuas ntxiv.
Thov Vajtswv,
Vajtswv tus uas zoo kawg nkaus, nyuam yaus ua Koj tsaug vim leej yawg, leej txiv, leej xibhwb, tus qhia, tus thawjcoj sab ntsujplig tau coj nyuam yaus mus rau qhov tseeb. Thov pab nyuam yaus tau yug los ntawm Koj Txojlus thiab ncajncees qhia rau tiam txuas ntxiv. Nyuam yaus tuav Tswv Yexus Khetos lub npe thov, Amees.
Peb puas coglus ua tus choj tuam, qhia txog kev ntseeg thiab ua qauv zoo rau tej phaum neeg tseem hluas?
Nyeem Vajluskub hauv peb lub xyoos: Ntawv Nkauj 105
Kênh Youtube BHKTHN:
